Уапсен заради полнење на e-автомобилот на школски штекер!

Автономијата е се уште голем проблем на електричните автомобили и затоа нивните сопственици се снаоѓаат на различни начини да не останат без „гориво“.

Уапсен заради полнење на автомобилот на школски штекер

Американецот Kaveh Kamooneh, чекајќи го својот син да заврши со тенискиот тренинг, го приклучил својот Nissan Leaf на електричен штекер на школото пред кое чекал. Некој сметал дека тоа не е во ред, па го пријавил човекот во полицијата. Сините дошле, направиле увид и го пуштиле човекот без казна, со предупредување тоа повеќе да не го прави…

Извор: www.visokioktani.mk

Како автомобилите на иднината ќе спречуваат судари?

Автомобилите во блиска иднина ќе имаат уреди за комуникација и ќе комуницираат меѓу себе, а идејата е да спречат судирите. Проектот е дел од студијата на американскиот Департмент за сообраќај во рамките на која околу 3.000 „зборлести“ автомобили се пуштени низ патиштата во САД и притоа постојано ја јавуваат својата позиција и испраќаат пораки во комуникацијата со останатите автомобили… (прочитај повеќе)

Извор: www.kajgana.com

Вака изгледа Мерцедес од иднината. (ФОТО)

„Мерцедес“ на претстојниот автомобилски саем во Лос Анџелес ќе претстави футуристички концепт на теренското возило Ener G Force.

Ener G Force концептот е развиен за натпреварувањето Design Challenge 2012 кое се одржува во рамки на Саемот за Автомобили во ЛА.

По замислата на неговиот создавач, овој концепт претставува наследник на денешната Мерцедес Г класа, за 2025 година.

 

 

Извор: www.kurir.mk

Тојота тестира „паметни“ автомобили

Тојота моментално работи на системи кои драстично ќе ги намалат сообраќајните незгоди, и ќе овозможат автомобилите да комуницираат меѓу себе и со патиштата.

Автомобилите примаат информации од сензори и предаватели кои се инсталирани на улиците, за да се минимизира ризикот од сообраќајќи во ситуации како поминување на црвено светло, пешаци кои ја поминуваат улицата и слично. Се тестира и преносот на такви информации меѓу автомобилите.

Претставници на Тојота изјавија дека технологијата на „паметни“ автомобили ќе почне да се тестира на јапонските улици од 2014-та година. Слични тестирања се планираат во САД, иако за тоа нема никакви детали.

Сите производители на автомобили развиваат безбедносна технологија за да ја зголемат вредноста на автомобилите, особено на развиените пазари во САД, Европа и Јапонија.

Конкуренцијата на Тојота, Нисан, неодамна претстави автомобили кои биле доволно „паметни“ сами да сопрат, да се паркираат и да избегнат пешаци кои неочекувано ќе им се најдат на патот.

Од Тојота велат дека технологијата наскоро ќе биде достапна, но нема официјален датум, и се претпоставува дека ќе ја имаат луксузните модели Lexus.

Професорот на Универзитетот Парма, Алберто Броги, кој е и експерт за системи за интелигентен транспорт, вели дека идејата за автомобили без ризик за несреќа е „многу актуелна“ и дека веројатно ќе стигне на патиштата за неколку години.

Извор: www.on.net.mk

НА УЛИЦИТЕ ВО САД ДО 2015 МИЛИОН ЕЛЕКТРОМОБИЛИ?

Американскиот претседател Барак Обама (U.S. President Barack Obama) постави цел до 2015 година на улиците во САД се најдат над милион електрични автомобили. За реализирањето на оваа идеја американската администрација ќе издвои буџет од пет милијарди долари. Во ова се вклучени и кредитите, како и донациите за производителите на овие возила и на акумулатори, за развој и изградба на станици за полнење и инфраструктура и по 7.500 долари даночни олеснувања за секој купувач.
Иако преостануваат три години до рокот што го даде претседателот Обама, експертите не веруваат дека ова ќе може да се реализира, базирајќи се на резултатите остварени во оваа сфера во САД, во изминатиот период од неполни две години. Во текот на 2011 и до септември од 2012 во САД се продадени помалку од 50.000 електрични автомобили, што е само 5% од зацртаното.

Извор: www.avtoplus.mk

PARIS MOTOR SHOW 2012: ŠKODA RAPID

Главната новина на штандот на Škoda на салонот во Париз е целосно новиот Rapid, модел што ќе се обиде да освои сосем нов бран на корисници, а првите испораки на возилата се пред крајот на годината.

Škoda Rapid ќе освои корисници кои посакуваат стилски и динамичен дизајн. Ова е првиот автомобил на брендот, кој може да се пофали со целосно нова стилистика, која етапно ќе ја видиме и во наредните верзии на актуелните во моментов моделски предлози. Rapid ја дополнува гамата, сместен помеѓу помалата Fabia и поголемата Octavia. Големиот простор на автомобилот  е репер во сегментот. Ниту еден друг автомобил во класата не нуди толку простор кај колената и над главата, како и кај багажникот – 550 литри.”

Како и кај сите други модели и кај Rapid посебен акцент е ставен на практичноста. Новиот модел има над 19 “Simply clever” решенија. Еден пример е особено генијален, гребалка за мраз интегрирана во капакот за полнење гориво. Други практични решенија вклучуваат реверзибилен под кај багажникот и под седиштето на возачот.

Rapid е првиот автомобили на брендот со нов Škoda дизајн: атрактивен , модерен, јасен, прецизен и безвремен. Во центарот на предниот дел на автомобилот е поставено новото лого, хромирана крилеста стрела со црна мат позадина која е елегантно заокружена со хромирана линија. Позиционирањето на главните светла и светлата за магла е такво што наликува на детелина со четири листа. Од страна гледан Rapid е елегантен и има купе силуета со јасна поделба на површините и линиите. Задниот дел на возилото е чист, свеж и прецизен: задните светла го имаат типичниот Škoda дизајн со С изглед.

Новата Škoda Rapid, близнак на новиот Seat Toledo, е долга 4.48 метри и е широкa 1.7 метри, ќе се нуди со избор меѓу пет бензински и два дизел мотори. Во областа на безбедноста, Rapid импресионира со опрема за сеопфатна активна и пасивна заштитна.

Погледнете го видеото за новата Škoda Rapid…

Извор: www.avtoplus.mk

Први фотографии од Suzuki S-Cross Concept

Се појавија првите фотографии од новиот S-Cross, crossover концепт на Suzuki пред неговата официјална премиера, денес во Париз.

Новиот crossover кој треба да го замени веќе застарениот SX4 и воедно да погне во напорите Suzuki да ја врати својата компетитивност во сегментот на мали crossover модели кој практично тие го создадоа. Од компанијата потенцираат дека концептот ја отелотворува “Емоција x Квалитет x Аеродинамика” дизајнерската тема, која се карактеризира со специфични динамични линии кои почнуваат од предниот браник се искривуваат по вратите и завршуваат на задниот дел од каросеријата.

Развојот на производствената верзија на S-Cross е во тек и инженерите на Suzuki веќе подолг период тестираат неколку примероци низ Европа. Нормално, производствениот модел ќе остане без поголемиот дел од стилски и дизајн елементи како LED светилките, големите хромирани бандажи и спортскиот издувен систем, но ќе ги задржи основната форма и линии на концептот.

Извор: www.avtoportal.mk

Microsoft неодамна го пушти Windows Embedded Automotive 7

На сета таа модерна технологија вметната под хаубите на денешните модерни автомобили и камиони, потребно и е сериозна софтверска маѓија за да функционира правилно…

Можеби не сте знаеле, и во оваа индустрија Microsoft е еден од најголемите произведувачи на битови и бајти за да можат автомобилите да се движат правилно.

Производители како Fiat, Kia и Nissan, сите користат софтвер кој произлегува од најголемиот софтверски гигант на светот.

Windows Embedded Automotive 7 вклучува технологии како што се Silverlight, која овозможува подобрување на 2D и 3D графиката и Tellme говорна технологија, која овозможува конвертирање на текст во глас во реално време и можност за одговор на текстуални порака со користење на гласовни команди.

Друга интересна иновација презентирана од Microsoft е дека 2011 Nissan Leaf touchscreen информацискиот панел (прикажан на сликата), е всушност придвижуван на технологијата Windows Embedded Automotive. Возачите ќе добијат навигациски систем со локатор на електрично полнење, и монитор за искористеноста на моќноста и следење на работата на климатизерот на автомобилот.

Само не интересира при можно закочување на компјутерот, како возачот ќе ја кликне комбинацијата Ctrl+Alt+Delete.

Извор: koli.com.mk

Citroën DS3 Electrum

Citroën потврди дека во Париз, покрај кабрио изведбата на DS3, својата премира ќе ја има електричниот DS3 Electrum.

Станува збор за целосно електричен концепт врз основа на премиум супермини моделот DS3 Кој е погонуван од два електро мотори на предната оска со моќност од 65 kW (87 КС) и 17.5 kWh литиум-јонска батерија (Panasonic) која може да се полни преку штекер кој се наоѓа на местото за точење гориво.

Од Citroën тврдат дека автомобилот на европскиот тест круг има опсег од 120 km и дека со користење на станица за брзо полнење, батеријата на DS3 Electrum може да се наполни 80 проценти за само 30 минути. Исто така, од француската марка потенцираат дека електичните мотори се доволно компактни за да не се потребни компромиси во кабината или пак багажниот простор на DS3.

Засега, производителот не открива дали DS3 Electrum ќе остане како концепт или пак ќе има негова производвена верзија.

Извор: AvtoPortal