ПО НАЈАВАТА ДЕКА ГЕРМАНСКА КОМПАНИЈА ВО ВЕЛЕС ЌЕ ГРАДИ ФАБРИКА…

Советот на општината го вклучи алармот – подготвува локација.

Советот започна процедура за промена на планот и земјиштето од земјоделско да стане градежно. Со ова ќе се овозможат услови новите инвеститори непречено да дојдат и да инвестираат во Велес, вели Славчо Чадиев, претседател на Советот на општината

ПО НАЈАВАТА ДЕКА ГЕРМАНСКА КОМПАНИЈА ВО ВЕЛЕС ЌЕ ГРАДИ ФАБРИКА...

Владата најави изградба на германска фабрика од автомобилската индустрија во Велес, а општинските власти се растрчаа да подготват терен. Советот започна постапка за промена на Деталниот урбанистички план во индустриската зона Речани 2″, бидејќи таа локација, според инвеститорот, била најпривлечна.
– Советот започна процедура за промена на планот и земјиштето од земјоделско да стане градежно. Со ова ќе се овозможат услови идните инвеститори непречено да дојдат и да инвестираат во Велес. Наше е да им понудиме добри услови – вели Славчо Чадиев, претседател на Советот на општина Велес.

Веста за фабриката брзо се прошири во Велес. Граѓаните засега се претпазливи. Дел се сомневаат дека целата работа можеби е предизборен маркетинг. Сепак, сите се согласуваат во тоа дека на Велес, некогаш најразвиен индустриски центар, му е потребна ваква инвестиција.
– Слушнав и мислам дека е за поздравување. Најавуваат дека 600 луѓе ќе работат таму. Тоа е одличен број за да заживее градот. Ако се реализира тоа, ќе биде одлично, пред се за младиве. Нема да бараат работа во светот, туку ќе имаат шанса да се вработат – вели жител на Велес.

Овој и наредниот месец се клучни дали германскиот инвеститор ќе гради фабрика во Велес. Министерот за странски инвестиции, Веле Самак, изјави дека пречки засега нема. Изградба на фабрика во Велес е неговиот приоритет.
– Најизгледен проект ни е германска фирма од автомобилска индустрија која начелно го има избрано Велес како една од локации, иако не споредуваа со Србија и Бугарија, но јас се надевам дека до крајот на февруари ќе ги завршиме овие преговори и ќе донесеме и во Велес уште една гринфилд инвестиција – вели Самак.

Ако се реализираат најавите, изградбата на фабриката ќе чини 20 милиони евра. Таму ќе се вработат помеѓу 500 и 1000 лица.

Извор: www.vecer.com.mk

На повидок нова фабрика за делови на БМВ и Мерцедес во Велес

Фабрика за делови за БМВ и Мерцедес

Во Велес ќе се гради фабрика за делови за автомобилите на БМВ и мерцедес во што германскиот инвеститор ќе вложи 20 милиони евра и која ќе овозможи вработување на 600 лица во првата фаза.
– До крајот на февруари се надевам ќе завршиме со преговорите и ќе успееме и во Велес да донесеме една нова гринфилд инвестиција. Таму има доста квалификувана работна рака и градот има позадина на индустрија. Се надеваме дека ова ќе направи пресврт во уште еден град и регион надвор од Скопје. Тој проект мене лично ќе ми биде во фокусот следниве два месеци – изјави министерот за привлекување странски инвестиции, Веле Самак, во интервју за Сител телевизија.

Според Самак, инвестицијата ќе претставува комбинација од трудоинтезивно и високотехнолошко производство.
– Се работи за некој вид комбинација од она што го прави “Џонсон Контролс” во Скопје и дополнителни пластични, рачни обработки. На крајот, деловите генерално ќе влегуваат во луксузните германски брендови, начелно БМВ и мерцедес – изјави министерот Самак кој вели дека компанијата “Мерцедес” направила ревизија и дала одлична оценка за почетното производство на “Дрекслмајер” во Кавадарци.
Министерот 2012 ја сумираше како незапаметена година во Македонија во поглед на бројот на нови фабрики кои почнаа да се градат или веќе да произведуваат и најави дека има уште неколку проекти за кои во моментов нема индикации дека ќе бидат откажани, а ќе се објават во текот на оваа година.

Извор: www.vecer.com.mk

Дуелот на германските „џебни ракети“: BMW M135i против AUDI RS3 (ВИДЕО)

Крис Харис е еден од најпопуларните британски автомобилски критичари на Интернет, и тој во ова видео ги споредува двата најбрзи и најмоќни европски хечбек автомобили – Aуди рс3 и новиот БМВ м135и.

 

Според Крис, кога два германски автомобили од истата категорија ќе се најдат „очи во очи“ на пазарот, тие се најчесто многу слични – во цената, изгледот и перформансите. Но ситуацијата тука е поинаква.

Ауди рс3 има 2,5-литарски турбобензински мотор со 340КС и погон на сите четири тркала во комбинација со ДСГ менувач, и од 0 до 100 км/ч стигнува за 4,6 секунди.

Неговиот баварски ривал, м135, ја користи најновата изведба на 3,0-литарскиот 6-цилиндарски мотор на БМВ, со 320КС, со погон и на задните и на сите четири тркала. Во комбинација со 6-брзински мануелен менувач спринтот до 100 км/ч трае 5,1 секунда, додека 8-брзинскиот автоматик го скратува времето на 4,9 секунди.

Но најголемата разлика меѓу овие два модели е цената. Во Европа ауди рс3 е речиси за 20 отсто поскап од м135и, што значи дека разликата може да достигне неверојатни 10.000 евра.

ПОГЛЕДНЕТЕ ГО ВИДЕОТО ЗА ДУЕЛОТ НА ГЕРМАНСИТЕ “ЏЕБНИ РАКЕТИ”: . . .

Извор: www.mkd.mk

ТOYOTA ПОДГОТВУВА НАСЛЕДНИК НА SUPRA ЗАЕДНО СО BMW

Откако Toyota и BMW ги претставија првите планови за соработка, веќе се појавија и најави дека Јапонците сакаат да направат нов спортски автомобил заедно со баварскиот концерн.

Во интервју за Autoblog, шефот на британската филијала на Toyota, Џон Вилијамс, изјави дека компанијата започнува развој на нов модел, кој ќе биде наследник на легендарната Supra. Според Вилијамс, Toyota треба да го искористи успехот на GT86 и да се развива во соодветна насока. Новиот модел ќе биде хибрид, кој ќе располага со најсовремените технологии на Јапонците и на BMW, а во гените ќе носи ДНК на култ изведбите, како Celica, Supra и MR2.
Ова е модел што ќе биде спакуван од Јапонците, но ништо не се наведува што е тоа што BMW ќе користи од Тоyota, што е особено интересно по разводот на Баварците со Peugeot.

Извор: www.avtoplus.mk

Ма какви LED светла, BMW ќе има ласери!

Научна фантастика !?

И додека LED ламбите полека ги освојуваат светлосните склопови на секој нов автомобил, се чини дека за расветлите диоди не лудуваат сите подеднакво.

Со последното медиумско известување BMW ја фрли ракавицата во лицето на Audi, најавувајќи дека наскоро ќе претстави технологија на ласерски светлосен сноп. Во однос на LED диодите, ласерите имаат бројни предности – помали се, поштедливи, посветли се и можат да бидат проектирани подиректно и на поголема оддалеченост.

Додека LED-иците имаат јакост на светлото од 100 лумени, ласерите блештат со интензитет од дури 170 лумени, а ако се земе во предвид дека целиот склоп ќе биде покомпактен, можете и сами да замислите што дизајнерите можат да постигнат со дизајнот на автомобилот.

Да целата работа биде подобра, во BMW истакнуваат дека ласерската технологија воедно е и значително посигурна бидејќи е погодна за изолирање на останатите учесници во сообраќајот. Поврзана е пример, со инфрацрвена камера, ласерската технологија би можела со сноп на посилна светлост да ги издвои пешаците или животните и да го сврти влијанието на возачот на нив.

Можеби мислите дека ќе се начекаме за имплементација на оваа футуристичка технологија во комерцијалните автомобили, но Баварците уверуваат дека хибридот модел i8 ќе располага со ласери.

Извор: koli.com.mk

40 години од создавањето на BMW M дивизијата

Во мај 1972 година, BMW ја создаде специјалната дивизија која не само што ги обликуваше следните производи на компанијата, како на патиштата така и на тркачките патеки, туку и послужи како инспирација на главните ривали (Mercedes и Audi) да го следат овој пример. Таа субдивизија е BMW Motorsport GmbH.

За време на презентацијата на M брендот во 1972 година, тогашниот член на бордот на директори во BMW, Robert A. Lutz, изјави:

“Една компанија е како човечко суштество. Се додека спортува, таа е здрава, добро подготвена, полна со ентузијазам и перформанси. Поради фактот што спортот отсекогаш бил движечка сила на BMW, а исто така додека компанијата динамично се развива во бизнис светот, беше многу логично дека треба да ги консолидираме и да се концентрираме на нашите активности во мотоспортотit.”

Во изминатите 40 години, M дивизијата, која сега официјално се нарекува BMW M GmbH, остави длабока трага во мотоспортот и креираше низа на производствени спортски автомобили во сите облици и големини.

За почеток на одбележувањето на 40-годишниот јубилеј, BMW објави избор на фотографии кој може да ги видите подолу во галеријата.

Извор: AvtoPortal

АВТОМОБИЛОТ ГО ОТКРИВА ВАШИОТ КАРАКТЕР

Луѓето ги оддаваат разни работи кои говорат за нив, една од нив е и автомобилите кои ги возат. Врз основ на тоа може да се одреди карактерот на сопственикот.

Сопствениците на престижните марки како што се БМВ, Ауди, Мерцедес, Алфа Ромео, Јагуар и Порше, свесно ги бираат тие возила и многу им пречи кога некој нема да забележи каков автомобил возат.

Психолозите сметаат дека тие возачи со својот автомобил сакаат да покажат дека се „алфа животни“, значи предводници на чопорот, иако постојат разлики меѓу нив.

Лицата кои возат БМВ се сметаат за лица кои сакаат да се покажат, кои ценат ексклузивност и внимателно го следат својот животен стил. Тие се склони кон истражувачки дух, а „радоста при возењето“ со многу коњски сили под капакот на моторот ја покажува и нивната потреба за слобода и автономија. Статистиката покажала и дека се склони на ризици и дека често се бават со некој малку поопасен спорт.

Возачите на Мерцедес долго биле на глас дека заедно со скапиот автомоби, би купиле и лента за претекнување од која никогаш не скршнуваат. Но поновите истражувања покажаа дека денешните сопственици на Мерцедес често се самоуверени мажи кои веќе со појавата сакаат да ја покажат својата доминантност, стручност и способност за лидерство, но кои истовремено големо внимание посветуваат на безбедноста.

На лентата за претекнување денес се наоѓаат возачите на Ауди и за нив се верува дека секогаш сакаат да ја искористат својата предност и дека токму тие најмногу сакаат да бидат први при возењето. Тие се вљубеници во техниката и ги обожуваат техничките новини.

Кога станува збор за возачите на Порше, нивното однесување често опасно се приближува до ароганција и често физички се атрактивни. Тие главно не сакаат да имаат совозач, додека возачите на други престижни марки сакаат до нив да седи физички атрактивно лице, по можност од спротивниот пол.

Една студија покажала дека возачите на Порше имаат и помалку активен сексуален живот од возачите на Рено.

Причината е многу едноставна: возачите на Порше често се постари лица кои со тоа спортско возило го исполниле својот сон од детството, додека возачите на Рено повеќето се жени меѓу 20 и 30 години на кои ова поволно француско возило им е прв сопствен автомобил, пренесува германското државно радио „Дојче веле“.

Врз основа на статистичките податоци се дошло до заклучок и дека на пример, сопствениците на Јагуар се позадолжени од останатите возачи, а дека возачите на Волво всушност се многу поагресивни од што се мисли, но се кријат зад шведскиот челик и имиџот љубител на семејство.

Многу производители на автомобили не се среќни поради заклучокот до кои дошле истражувачите, па така Опел веќе со години се обидува да го промени мислењето за сопствениците на тие возила како за „досадни луѓе од провинција“. Ни сопствениците на Форд не уживаат глас како посебно интересни лица, често имаат прекумерна тежина и многу се срамежливи.

Сопствениците на Фолксваген дури ни психолозите не можат да ги опишат, бидејќи тој автомобил и понатаму важи за „автомобил за секого“, па го возат и убави и грди и сиромашни и богати и образовани и не толку паметни. Со самото тоа Фолксваген го возат луѓе кои не сакаат да се истакнат ниту со автомобилот, ниту пак самите да се истакнат.

Извор: Курир

ВОЗАЧИТЕ НА BMW СЕ ПОАГРЕСИВНИ НА ПАТОТ.

Возачите кои управуваат со модели на баварскиот гигант се далеку пред другите во својата агресивност на патиштата, според истражувањата на ADAC.

Кога ќе седнеш зад управувачот на BMW, очигледно адреналинот нагло се зголемува и едноставно возењето станува агресивно. Ова тврдење е тешко прифатливо за некого, но сега тоа официјално беше потврдено од анкетата, организирана од германскиот автомобилски клуб (ADAC). Истражувањето на оваа организација покажа дека возачите намоделите на баварскиот производител се далеку поагресивни на патот од останатите. Барем со такво мислење се 50.6% од оние кои учествувале во анкетата. Второто место на оваа листа е за сопствениците на автомобили од Mercedes-Benz (32.2%), следени од оние на Toyota (10,9%) и Porsche (8.7%).

Друг показател за однесувањето на возачите на патот, според мислењето на експертите од ADAC, е бојата на возилото кое го управуваат. Најмногу непријателски се возачите на црните автомобили (43,5%). Далеку по нив се редат сопствениците на автомобили, обоени во сива боја – 9.7%. Речиси сите анкетирани, меѓутоа, сметаат дека најголемата закана на патот се возачите на моќни автомобили.

Претходно оваа година австралиската осигурителна компанија AAMI, направи сопствено истражување, според кое брендот не игра улога во однесувањето на возачите на патот. Експертите на оваа организација беа на мислење дека најопасни се возачите на мали автомобили, кои со агресивно возење сакаат да надоместат за тоа што не се големи.

Извор: Авто+