Од полноќ поскапуваат горивата

Регулаторната комисија изврши корекција на цената на горивата. Од полноќ бензинот поскапува за денар и половина, а дизелот за половина денар.

Малопродажните цени на ЕУРОСУПЕР БС-95 и на ЕУРОСУПЕР БС-98 се зголемуваат за 1,50 денари по литар, односно за 1 денар по литар. Така цената на ЕУРОСУПЕР БС – 95 изнесува 80,00 денари, а на ЕУРОСУПЕР БС – 98 изнесува 81,50 денари.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за половина денар. Така цената на ЕУРОДИЗЕЛ (Д-Е V) изнесува 72,50 денари, а на Екстра лесното масло за домаќинство (ЕЛ-1) изнесува 61,00 денар.

Малопродажната цена на мазутот М -1 НС се зголемува за 0,520 ден/кг, и ќе изнесува 42,937 ден/кг.

 

Извор: www.kanal5.com.mk

Advertisements

Од ноќеска поевтинуваат ЕУРОСУПЕР 98 и Дизелот

Од ноќеска на полноќ, цената на ЕУРОСУПЕР БС-98 се намалува за половина денар. Цената на ЕУРОСУПЕР БС-95 останува иста, додека дизел горивото ќе поевтини за половина денар.

ЕУРОСУПЕР БС-98 ќе чини 84,50 денари за литар, додека дизел горивото 71,50. Цената на ЕУРОСУПЕР БС-95 ќе остане 83 денари за литар.

Намалувањето на цените на нафтените деривати е последица на пониската просечна цена на суровата нафта на светскиот пазар, но и на понискиот курс на денарот во однос на доларот во последниве 14 дена.

 

Извор: www.press24.mk

Ново поевтинување на горивата

Бензините од ноќеска на полноќ се намалуваат за три денари, односно за 3,5 денари, а дизелот за 1,5 денари, одлучи денеска Регулаторната комисија за енергетика.

ЕУРОСУПЕР БС-95 поевтинува за 3,5 денари, а ЕУРОСУПЕР БС-98 за три денари за литар. Новата цена на ЕУРОСУПЕР БС-95 ќе изнесува 83, а на ЕУРОСУПЕР БС-98 ќе биде 85 денари за литар.

Еуродизелот ќе се продава по 72 денари за литар, а цената на екстра лесното масло, која се намалува за еден денар, ќе изнесува 61 денар за литар.

Намалувањето на цените на нафтените деривати се должи на пониската просечна цена на суровата нафта на светскиот пазар, како и на понискиот курс на денарот во однос на доларот во изминатиот 14-дневен период.

Извор: kurir.mk

Поевтинуваат бензините и дизелот

Бензините од полноќ поевтинуваат за 2 денари, а дизел горивата за 1 денар по литар, одлучи денеска Регулаторната комисија за енергетика.

Малопродажната цена на ЕУРОСУПЕР БС-95 ќе изнесува 86,50, а на ЕУРОСУПЕР БС-98 ќе биде 88 денари за литар.

ЕУРОДИЗЕЛОТ (Д-Е V) ќе се продава за 73,50, а Екстра лесното масло за домаќинство (ЕЛ-1) за 62 денари за литар.

Со оваа одлука се врши намалување на рафинериските и на малопродажните цени на нафтените деривати во просек за 2,54 %, односно за 1,87 % во однос на рафинериските и на малопродажните цени на нафтените деривати.

Извор: Kurir.mk

Дали е реална сегашната цена на нафтата!?

Да се направи анализа на цената на нафтените деривати и ако е можно да се формира нова цена за да се спречат сите шпекулации околу ценовните коригирања на горивата.

По бизнисмените и експертите се се погласни за спречување на нафтените шокови Растот на цената на енергенсите е една од најголемите опасности за македонската економија. Ова негативно влијае врз трговскиот дефицит кој се прогнозира да достигне и до 22% од БДП до крајот на годината сметаат економистите.
Клучен момент за Македонија е дали Германија како најголем трговски партнер во последниот квартал ќе влезе во рецесија. Ако германската економија забележи негатива тогаш се смета дека стопанството ќе се соочи со дополнителни шокови. Од Владата велат дека се преземаат краткорочни мерки за спречување на поголеми штети во домашната економија.
Кризата во Европа нема крај, бројките покажуваат дека досега Европа изгубила околу 20 илјади милијарди долари. За домашните компании да го намалат влијанието од кризата особено се значајни поволните кредитни услови, зголемување на конкурентноста, формирање на брендови и наоѓање на нови пазари, повратот на ДДВ, сметаат експертите.

Извор: Канал 5

КАКО ДА ЗАШТЕДИТЕ ГОРИВО!

Возењето е потреба, а со секојдневното покачување на цените на горивата, полека и сигурно за некои возачи ќе стане и луксуз. За тоа како да заштедите гориво а со тоа и пари, следете ги следниве совети:

1. Слабо напумпаните гуми секогаш ја зголемуваат потрошувачката. Затоа би требало често да гo проверувате притисокот во гумите.

2. Кога застанувате, на пример пред семафор, возете во брзина, а не со притиснат кумплуг.

3. Точете гориво кога резерварот е до половина. Кога резерварот е на резерва или скоро празен во него има многу воздух, па така исто како кога точите со голема брзина горивото испарува, истото се случува и тука.

4. Непотребно не уклучувајте разни уреди кои ја зголемуваат потрошувачката – клима, грејач на стакла, грејач на седишта, итн.

5. Поврзувајте ги дестинациите, бидејќи возењето на кратки релации предизвикува поголема потрошувачка.

6. Точете гориво наутро. Температурата наутро е значително пониска, со што густината на горивото се зголемува. Со тоа ќе добиете повеќе гориво во однос на количината што ја добивате кога темературата е повисока.

7. Немојте возилото беспотребно да го оптеретувате – ослободете го од сите непотребни работи кои ги превезувате.

8. Возете со ниски вртежи (обртаи, не надминувајте 2.500 вртежи), рано префрлувајте во повисок степен (брзина).

9. При долги застанувања исклучете го моторот.

10. Не возете со отворени прозори- струењето на воздухот ја смалува аеродинамиката. Не убрзувајте и не кочете беспотребно, одржувајте темпо на возење.

ИМА ЛИ ЗАМЕНА ЗА “ЕВТИНИОТ” ПЛИН?

Цената на горивата постојано расте и нема враќање назад. Најевтиното гориво, гасот (плинот) за автомобилите, сега чини најмалку 40,5 денари за 1l (во зависност од која бензиска станица го купувате). Како ќе се одразат новите цени на горивата, се знае: ќе се намали нашата подвижност, ќе се зголемат цените на производите, ќе  се намали стандардот, платата ќе ја нема таа вредност што ја имаше до вчера.

И тие што сакаа во своите возила да вградат плински уред, сега се двоумат, бидејќи најевтина експолатација на возилото е – невозењето.

Има ли замена за „евтиниот“ плин. Некои енергетичари тврдат  дека има, а тоа е компримираниот природен гас (КПГ) или – метанот. Некои пресметале дека неговото користење е двојно поевтино од гасот.
Македонските возачи во однос на метанот имаат два проблема: 1. вградувањето на инсталацијата за користење на метанот е скапо и 2. нема ниедна станица за налевање метан, значи го нема!
Вградувањето на инсталацијата во околните земји чини двојно поскапо од плинскиот систем: 2000 – 2500 евра за моторите со вбризгување, а за карбураторските е могу поевтино – 600 евра. Инсталацијата е многу слична на таа за плин, но мора да биде складиран во неколку помали боци, со значително подебели ѕидови, што значи и потежок товар, така што возилото губи на сила од 10% кај новите возила, до 20% кај старите. Боците мораат да бидат цилиндрични, боца не може да се стави на местото на резервното тркало, бидејќи таква боца не може да издржи притисок од 200 бара.

Во Македонија засега нема ниедна пумпа за налевање на ова гориво. На бензиската пумпа во Влае има предвидено простор, но услугата уште ја нема.
Во Бугарија, на пример, постојат станици за налевање само за метан.
Метанот е земен гас, што се вади наменски или доаѓа како нуспроизвод во вадењето нафта. Пред употребата не треба да се преработува, затоа и е евтин. Во составот на гасот метанот учествува со 95 проценти, остатокот е етан и пропан. Метанот не преминува во течна состојба при компресија, како плинот, тој останува во гасовита состојба, се чува под притисок од 200 бара. Затоа и е тешко да се одреди количеството на неговата потрошувачка. Просечниот автомобил би требало да троши 5-6 килограми на 100 км, а енергетичарите тврдат дека тоа би било двојно поевтино од цената на плинот.