Top Gear влезе во Гинисовата книга на рекорди

Како најгледано ТВ шоу во светот, Top Gear се прикажува во 212 земји од светот…

Емитување од 2002-ра година, 18 сезони, 147 епизоди, 12.1 милиони Facebook фанови, емитување во 212 земји од светот и бескрајната забава го направија Top Gear рекордер според Гинис – најгледано ТВ шоу во светот.

Иако ова е повеќе од јасно – доколку прашате, било кого – кој има и најмал интерес за автомобили, ќе ви каже дека Top Gear е број 1 автомобилско шоу. Сега тоа е и официјално потврдено.

Jeremy Clarkson, при примањето на ова неверојатно признание, кратко изјави: “Многу сум горд што учествувам во создавањето на една ваква емисија…” Не е во негов стил, секако!

Во 2005-та година, Top Gear освои и Emmy, а во 2009-та година Channel 4 го прогласи ова “Pokey motoring show” како шоу на деценијата.

Извор: koli.com.mk

Advertisements

Зошто вистинските мажи користат појас?

Појасот во автомобилот, веднаш до паркинг сензорот, веројатно е еден од најиритирачките парчиња на опрема. На вистинскиот маж не му требаат паркинг сензори, уште помалку појас…

Се додека не се забие фронтално во друг автомобил или ѕид. Тогаш ќе му треба само брза помош…

Правите мажи не се врзуваат. Правиот маж ќе го врзе појасот зад седиштето, за да неговиот автомобил не „пишти“ секој пат кога ќе го запали автомобилот за сто метри, до најблиската продавница по пиво. Правиот маж ќе го отвори и прирачникот за да дознае каде се наоѓа проклетиот осигурач поради кој автомобилот „пишти“ кога нема да се врзе – да го најде и извади. Правиот маж се останато во автомобилот знае, бидејќи научил од неговиот татко, прав маж, и прирачник не му треба. Правиот маж верува дека е доволен силен за да во случај на судар може да ги задржи рацете за управувачот, и не прелета преку ветробранското стакло. Правите мажи, најчесто и прелетуваат преку ветробранското стакло.

Постои добра причина зошто, како што би рекла сообраќајната полиција – паметните знаат зошто служи појас, и зошто најголемите возачки фаци, како Шумахер, Лоеб, не се врзуваат со обичен појас кој се осигурува на три, туку на седум точки? Овој лесен и едноставен дел од опремата, е најважен пасивен елемент во сигурноста на автомобилот. Воздушни перници? Болидите немаат воздушни перници, ниту им требаат, но затоа и тоа како им требаат и имаат моќни појаси за врзување.

Погледнете го видеото Прегратка за живот – секогаш врзувајте го ременот…

Извор: koli.com.mk

ЕУ воведува “паметни камери”

Европската Унија воведува нови “паметни камери” кои можат да снимат повеќе прекршоци во сообраќајот…

Освен брзината со која возите, новите камери ќе можат да утврдат колкава е оддалеченоста од возилото пред вас , дали ги носите сигурносните појаси, и дали вашето возило е осигурано, па дури и дали се платени даноците за возилото кое го управувате.
Новата генерација се уште се тестира во VVT техничко-истражувачкиот центар во Финска. Развојот на ASSET (Advanced Safety and Driver Support for Essential Road Transport) е започнат уште во 2008 година, а се очекува првите “паметни” камери да бидат поставени во 2013 година.
Matti Kutila, научникот од финскиот институт изјавил дека “Главна цел на камерите е да и се помогне на сообраќајната полиција за да може да се идентификуваат повеќе сообраќајни несреќи”.
Британската автомобилска асоцијација претпоставува дека овие нови камери можат да послужат само како нов извор на приход на локалните власти.

 

Извор: koli.com.mk

ДЕЦАТА ГИ КОПИРААТ СВОИТЕ РОДИТЕЛИ И ЗАД УПРАВУВАЧОТ

Децата секогаш ги гледаат своите родители и се обидуваат да ги поддржуваат во сè. Ова правило важи и при управувањето со возилото. До сличен заклучок стигнаа научниците од американскиот институт Liberty Mutual Insurance, кој направи истражување заедно со јавна студентска организација.

Речиси мнозинството од анкетираните млади возачи, скоро 90%, признаваат дека виделе како нивните родители разговараат по телефон за време на возење, а 88% признаваат дека биле сведоци како мајките и татковците ја надминуваат брзината. Уште 59% ги виделе нивните родители да пуштаат SMS додека возат, а 47% признаваат дека пропуштаат да стават ременот. За случаи на возење под алкохол признале 20% и за користење марихуана, од страна на нивните родители, 7% од младите луѓе.

Учениците и студентите откриваат  кои се најчесто прекршоците кои тие ги прават кога се зад управувачот. Резултатите од нивните одговори речиси се во склад со оние на нивните родители. Дури 78% од младите пишуваат SMS зад воланот, а 16% возат автомобил, откако пушеле марихуана (по тој показател младите Американци ги наднинуваат мајките и татковците). Тинејџерите, сепак се повеќе строги при користењето на ременот, само 33% од нив го прескокнуваат.

Истражувањето покажува дека децата сакаат да молчат, ако нивните родители ги кршат сообраќајните правила. Дури 21% од нив се подготвени да го натераат пијан родител да го запре возилото. Интересно е што во 78% од ваквите случаи мајката или таткото се согласуваат со своето дете и не се решаваат да управуваат со возилото. Според научниците генерално 66% од родителите не ги извршуваат за време на возење упатствата кои самите им ги дале на своите деца.

Извор: avtoplus.mk

Направа која не дозволува да заспиете додека го управувате вашето возило

Anti-Sleep монитор е мала, но многу ефикасна направа која може да ја зголеми безбедноста во сообраќајот…

Една група Дански дизајнери ја дизајнирале направа со чија помош возачот зад воланот ќе остане буден. Се нарекува Anti-Sleep Pilot, големa е отприлика колку еден хокеарски пак и содржи многу технологија во себе. Овој апарат мери дури 26 параметри на човековото тело со кои се детерминира колку возачот е заморен. Во него можат да бидат зачувани неколку различни профили, а секој возач прави краток тест со кој се мери ризикот тој да заспие зад воланот. Потоа Anti-Sleep Pilot произведува мали кратки тестови (преку допир на апаратот).
Оваа направа служи и како мерач на брзината на автомобилот. Доколку возачот е многу заморен, Anti-Sleep Pilot ќе почне да произведува разни звуци се додека возачот не застане на пауза.
За разлика од другите слични апарати, Anti-Sleep pilot не користи камери со кои ќе ги надгледува очите на возачот. Сега засега, овој апарат е достапен само на Данскиот пазар, но и странците можат да направат нарачка за сума од 250$.

Извор: koli.com.mk

МВР со нов систем за електронско полагање на теоретскиот дел за возачка дозвола

Зголемена  контрола и квалитет на тестовите за полагање за возачка дозвола ќе овозможи новиот систем на електронско тестирање,  што го промовира денеска на прес-конференција министерката за внатрешни работи Гордана Јанкулоска.

Новиот систем има над 80 милиони комбинации. Осумте испитни центри и нивните подружници низ државата веќе се поврзани, опремени и првично оспособени за реалзиација на проектот, но со електронското тестирање ќе се почне кон крајот на наредниот месец, за да се остави простор на идните кандидати да се запознаат со прашањата.

Досега во новиот систем во првата фаза се внесени 842 испитни прашања на македонски и на албански јазик со графика и со реални состојби во сообраќајни ситуации и површини,  кружни крстосници, тунели, надвозници, а се планира да се внесат уште двапати по 400  испитни прашања.

Јанкулоска појасни дека е предвидено по случаен избор системот да генерира тест од различни испитни прашања. Не само што квантативно е зголемен бројот на прашања што се во оптек и бројот на сообраќајни ситуации, туку практично сведена е на минимум можноста еден тест да се повтори кај повеќе кандидати, а со тоа станува целосно безполезно учењето тестови на памет. Наместо претходните 30 комбинации на тестови со новиот систем добивме над 80 милиони комбинации на тестови, рече Јанкулоска.

Кога кандидат ќе дојде на тестирање, како што појасни, испитната комисија ќе го евидентира, а членовите го активираат неговиот кориснички профил, со што системот генерира корисничко име и лозинка за пристап, единствено за секој кандидат, кои се печатат од страна на испитната комисија и се дава на кандидатот. Кандидатот со тоа корисничко име и лозинка, може да се најави на системот само од строго определен и нумериран компјутер од испитното место кое го одредува испитната комисија. Од моментот кога кандидатот ќе кликне на копчето „Започни со решавање на тестот”, системот генерира тест и времето предвидено за решавање на тестот почнува да одбројува и тоа во секој момент од тестот ќе му биде видливо на кандидатот. Кандидатот може да избира кое прашање ќе го одговара во даден момент, но кога еднаш ќе го одговори прашањето (со кликање на копче „Одговори“), нема да може повторно да се врати и да го измени одговорот. Доколку кандидатот заврши со одговарање на прашањата пред истекот на предвиденото време, може да кликне на копчето „Заврши со тестирање“, со што веднаш излегуваат резултатите од тестот, односно известување за тоа дали кандидатот положил, со колку поени и слично.

Јанкулоска информира дека испитните прашања ќе бидат од областа на „Хуманите односи и етиката во сообраќајот“, „Сообраќајните правила и прописи“, „Сообраќајните крстосници, кружни текови и знаци што ги даваат полициските службеници при контрола и регулирање на сообраќајот“ и „Сообраќајни знаци, сообрасќајна сигнализација и уреди и опрема на патиштата“. Сите заинтересирани уште од денеска ќе може да имаат увид во прашањата и да ги проучуваат на интернет страницата ан МВР. Преку таа интернет страница, идните возачи ќе може да пристапат и до симулаторот кој ќе им генерира тест и на крајот ќе им каже дали нивното знаење е доволно или не за да се положи. Во наредниот период се очекува да биде објавен и прирачник кој ќе ги содржи правилата и прописите, но и објаснувањата за решавање на ситуациите.

Предвидено е прашањата да бидат на македонски и англиски, а доколку некој кандидат има проблем со познавањето на работата со компјутер, од страна на комисиите ќе му биде испечатен компјутерски генерираниот тест.

Министерката за внатрешни работи истакна дека со електронското полагање на теоретскиот дел од возачкиот испит ќе се обезбеди максимална заштита. – Сведена е на минимум можноста за неовластено откривање, симнување, снимање, зачувување, изнесување и давање на испитните прашања т.е комбинациите од прашања во форма на тест согласно утврден стандард за доверливост и одржливост на електронски системи, рече Јанкулоска, оценувајќи дека  воедно ќе се засили надзорот над работата на испитните центри.

Таа се надева дека најавата за менување на начинот на полагање ќе побуди интерес кај идните кандидати кои посериозно ќе мора да пристапат на теориското тестирање, бидејќи, укажа, нашата цел не е да ја направиме возачката дозвола понепристапна, туку да ги направиме поподготвени за вклучување во сообраќајот.

Извор: www.kurir.mk

ЗА COLONIA + СО АВТО ШКОЛА “ТИ – ЛА”

 

COLONIA + Ви нуди брзо и квалитетно оспособување на кандидати за возачи за АБ иМ категорија на моторни возила, мотори и мопеди во соработка со Авто Школата “ТИ-ЛА” од Велес. Научете да возите во една од најстарите Авто Школи во Македонија по редовна цена од 12.999 денари. Во цената се вклучени: 36 часови обукатеориска наставапробно тестирањепосредување за вадење на лекарско уверение и прва помошпомош при совладување на сите потешкотии при учење на тестовите… Возењето, освен исполнување на задоволството на единката од која потекнува ја поттикнува и потребата за извршување на секојдневните обврски. Пред почетокот на долгиот пат кој ќе го возите низ животот, се соочувате со предизвикот на тест со кој ќе докажете дека тој пат ќе го возите според одредени правила и според вашите можности. Тука доаѓа Авто Школата ТИ-ЛА” одВелес. Правилата ги обликуваат Вашите можности. Им даваат форма. Развојот на Вашите можности, преку професионални инструктори како што е Игор Чоков, достигнува степен каде слободно можете да се соочите со предизвиците на еден модерен возач. Професионалноста која е потребна да ја добиете, е и прашање на време – своевидно искуство. Но искуството што може да Ви го пренесе човек кој едноставно е посветен и специјализиран во однос на сообракајот, Ви овозможува секогаш да бидете чекор пред другите. Секако постои и можност за договор на одложено плаќање на 2 до 3 рати. За дополнителни информации Ви стојам на располагање.

**Донеси пријател (кандидат за возач), и добиј бесплатно користење на автомобил за полагање на полигон и градско возење.

Инструктор Игор Чоков,  сооб. тех. 072 274 034 (ONE оператор), 078 627 462 (VIP оператор), 043 239 373 (M.Tелеком).

е-mail:   chokov@macedonia.eu.org                                             cokov@yahoo.com

 

Извор: COLONIA +