„СЕНЗОР“ ЌЕ ГИ СНИМА МАКЕДОНСКИТЕ ПАТИШТА

Во присуство на министрите за внатрешни работи Гордана Јанкулоска и за транспорт и врски Миле Јанакиески, како и директорот на Јавното претпријатие за државни патиштa Љупчо Георгиевски денеска во Автомото сојузот на Македонија отпочна имплементацијата на меѓународниот проект „СЕНЗОР“ за безбедносна процена на автопатските рути во Југоисточна Европа – ЈИЕ и во Република Македонија… 

Извор: www.telma.mk

Од 19-ти јануари единствени европски возачки дозволи

Од 19-ти јануари единствени европски возачки дозволи

Наместо досегашните стотици модели возачки дозволи во Европската унија, од следната сабота 19-ти јануари ќе започне издавањето со единствените нови пластични дозволи во формат на кредитните картички.

Новата директива за возачките дозволи стапува на сила на 19-ти јануари 2013 година, што значи дек ановите возачки дозволи издадени по тој датум во сите земји членки ќе мора да бидат според единствениот европски модел.

Со новите прописи се укинуваат возачките дозволи со неограничено важење кои постојат во некои земји членки од Европската унија и тие ќе мора да заменат до 19-ти јануари 2033 година. Земјите членки на ЕУ имаат можност да издаваат дозволи со рок на важење од 10 до 15 години. Дозволите за професионални возачи ќе важат пет години, а при секое продолжување на важноста професионалните возачи ќе мора да минат лекарски преглед.

Се воведуваат и построги правила за управување со мотоцикли. За управување со скутери, најмалите мотоцикли, ќе се бара полагање на теоретски испит, а земјите членки може да се одлучат и за воведување на практичен испит.

За поголемите мотоцикли предвидени се две можности: полагање на возачки испити ќе биде можно со навршени 24 години, наместо како досега со 21 година, а втората можност е да се овозможи пристап за полагањето на испитите со навршени 20 години за оние кои имаат најмалку две години искуство во управување со помал мотоцикл. Со таа мерка се сака да се принудат мотоциклистите искуство прво да стекнат искуство на помали скутери пред да минат на посилни мотоциклисти.

Новата директива треба да ја оневозможи практиката оние на коишто ќе им биде одземена возачката дозвола во една земја членка да полагаа во друга земја членка на Европската унија. Исто така, предвидено е и високо ниво на заштита од фалсификување.

Директивата беше донесена во 2006 година, а земјите членки мораа да га вградат во своите законодавства до крајот на минатата 2012 година, за да може да се спроведува од 19-ти јануари 2013 година.

Главните цели за воведувањето на ваквите единствени возачки дозволи се подобрување на безбедносната во сообраќајот, олеснување на користењето на слободата на движењето на возачите во Европската унија, но и спречување на измами Новата директива значи дека граѓанин на ЕУ на кој му е одземена возачката дозвола, било поради управување на возило во алкохолизирано било поради други прекршувања на законот или од здравствени причини, не смее да ја мине границата и да побара издавање на нова во друга земја членка, што досега се случуваше во Европа.

 

Извор: www.lisica.mk

КОЧНИЦИ ЗА “ИТНИ СЛУЧАИ” НА НОВИТЕ “VOLVO” КАМИОНИ

VOLVO TRUCKS CORPORATION

ПОГЛЕДНЕТЕ ГО ВИДЕОТО СО КАКВИ СОПИРАЧКИ РАСПОЛАГА НОВИОТ  “VOLVO” !

Извор: www.motika.com.mk

Кои градови се сообраќајно најзагушени?

Холандскиот производител на навигациски уреди Том Том објави најнова листа на градови од Европа и Северна Америка со најголеми гужви во сообраќајот, а на прво место се наоѓаат Истанбул и Лос Анџелес.

Том Том се занимава со истражување на проток на сообраќајот во поголемите светски градови од 2007 година, за да ги развијат навигациските системи во возилата на корисниците на своите услуги.

Наместо следење на математички модели, оваа компанија собира податоци по пат на ГПС системите од милион возила ширум светот кои ги користат навигациските уреди на Том Том. На тој начин, се создава база на податоци која постојано се ажурира и која Том Том ја користи за подобрување на навигација на автомобилите во големите градови.

Врз основа на оваа база, објавена е листа на градови во Европа и Северна Америка со најголема загушеност во сообраќајот. Првото место на европската листа го зазаде Истамбул, со индекс на загушување од 57 отсто. Потоа следи Варшава со индекс 45 отсто, а на трето место е  Марсеј со индекс 42 отсто.

Што се однесува до северноамериканскиот континент, тука очекувано на прв е Лос Анџелес со индекс 34 отсто, потоа следи канадскиот град Ванкувер со 33 отсто, додека трет е уште еден калифорниски град Сан Франциско 29 отсто.

Ако се прашувате каде тука на пример е Скопје, ќе останете без информација за загушување на нашиот главен град. Поголемиот дел од источна Европа и речиси целиот Балкан се изземени од оваа статистика.

Погледнете ја листата на сообраќајно најзагушените градови во Европа и Северна Америка:

Европа:
1. Истанбул, 2. Варшава, 3. Марсеј, 4. Палермо, 5. Рим, 6. Париз, 7. Штутгарт, 8. Брисел, 9. Хамбург, 10. Стокхолм.

Северна Америка:
1. Лос Анџелес, 2. Ванкувер, 3. Сан Франциско, 4. Монтреал, 5. Торонто, 6. Вашингтон, 7. Сиетл, 8. Њујорк, 9. Чикаго, 10. Мајами.

 

Извор: www.tirekovmirece.com

Тојота тестира „паметни“ автомобили

Тојота моментално работи на системи кои драстично ќе ги намалат сообраќајните незгоди, и ќе овозможат автомобилите да комуницираат меѓу себе и со патиштата.

Автомобилите примаат информации од сензори и предаватели кои се инсталирани на улиците, за да се минимизира ризикот од сообраќајќи во ситуации како поминување на црвено светло, пешаци кои ја поминуваат улицата и слично. Се тестира и преносот на такви информации меѓу автомобилите.

Претставници на Тојота изјавија дека технологијата на „паметни“ автомобили ќе почне да се тестира на јапонските улици од 2014-та година. Слични тестирања се планираат во САД, иако за тоа нема никакви детали.

Сите производители на автомобили развиваат безбедносна технологија за да ја зголемат вредноста на автомобилите, особено на развиените пазари во САД, Европа и Јапонија.

Конкуренцијата на Тојота, Нисан, неодамна претстави автомобили кои биле доволно „паметни“ сами да сопрат, да се паркираат и да избегнат пешаци кои неочекувано ќе им се најдат на патот.

Од Тојота велат дека технологијата наскоро ќе биде достапна, но нема официјален датум, и се претпоставува дека ќе ја имаат луксузните модели Lexus.

Професорот на Универзитетот Парма, Алберто Броги, кој е и експерт за системи за интелигентен транспорт, вели дека идејата за автомобили без ризик за несреќа е „многу актуелна“ и дека веројатно ќе стигне на патиштата за неколку години.

Извор: www.on.net.mk

Лежечки полицаец кој се активира по потреба?

По потреба – само доколку возачот ја надминал пропишаната брзина…

Во Шведски Linköping, од 2010-та година се тестираат лежечки полицајци кои ги “казнуваат” оние возачи кои возат побрзо од дозволеното. Тие се дело на компанијата Edeva, а носат назив Actibump.
Така, овие лежечки полицајци работат сосема спротивно на оние класичните. Имено, доколку возачот вози повеќе од дозволеното, самиот Actibump, се вовлекува во асфалтот, при што остава дупка – затоа и рековме дека работи на спротивен принцип. Но, неговите креатори тврдат дека таа дупка не е доволно голема (6 сантиметри) за да направи штета на автомобилот. Доколку брзината е во рамките на дозволената, плочата останува на место, а со тоа се исклучува секакво влијание на патот и врз возилото.

Сè разбира, брзината на движење на автомобилите се утврдува со радар. Што се однесува до одржувањето, наводно овие лежечки полицајци се многу лесни за одржување, додека стандардните потребно е да се заменуваат во рок од седум до десет (?) години.
Единствена мана е нивната висока цена. Односно, кога ќе размислиме подобро, зошто наместо да се вовлекуваат во земја, не ги направиле да излегуваат нанадвор, кога веќе се моторизирани?

Зборот е, да си останат со стандарден концепт и вистински да ги казнуваат оние кои ја пречекоруваат брзината – сите знаеме каква штета може да нанесе на автомобилот малку повисок лежечки полицаец при “малку” поголема брзина. Вака, онаа празнина од 6 сантиметри, и самите творци тврдат дека не нанесува штета на возилото? Па, тогаш, каде е санкцијата за несовесните возачи? Може да се види и на видеото во продолжение, речиси никаков ефект.
Дали можеби ова мислење е резултат на “кратерите” по нашите патишта, што ги удираме на секои 100 метри, а се посериозни од овој Actibump? Што мислите Вие?

ПОГЛЕДНЕТЕ ГО ВИДЕОТО…

Извор: www.koli.com.mk

JAGUAR F-TYPE НАЈДОБАР АВТОМОБИЛ-ЕКСПОНАТ НА САЛОНОТ ВО ПАРИЗ

Новиот Jaguar F-TYPE беше избран од уредниците на престижното американско издание Autoweek за најдобар експонат на меѓународната автомобилска изложба во Париз.

„Со витка линија, крајно привлечен, секси …, а од друга страна многу моќен, F-Type се претвора во нова икона за Jaguar“, коментира Ендрју Стој од Autoweek. „Кога ќе го спуштите покривот, па го стартувате моторот и забревтаат оние осум цилиндри, вие едноставно сте во некој друг свет. Ова е несомнено е дел од соништата на секој кој посакува спортски автомобили”.

Jaguar F-Type се нуди во три главни верзии F-TYPE, F-TYPE S и F-TYPE V8 S, а за погонот се грижат новиот 3,0 V6 мотор со 340 или 380 коњски сили и 5,0 V8 со 495 КЅ. Најмоќната модификација ќе биде во можност да се забрза од 0 до 96 km/h за 4.2 секунди и да развие максимална брзина на движење од 300 km/h.

 

Извор: www.avtoplus.mk

PARIS MOTOR SHOW 2012: ŠKODA RAPID

Главната новина на штандот на Škoda на салонот во Париз е целосно новиот Rapid, модел што ќе се обиде да освои сосем нов бран на корисници, а првите испораки на возилата се пред крајот на годината.

Škoda Rapid ќе освои корисници кои посакуваат стилски и динамичен дизајн. Ова е првиот автомобил на брендот, кој може да се пофали со целосно нова стилистика, која етапно ќе ја видиме и во наредните верзии на актуелните во моментов моделски предлози. Rapid ја дополнува гамата, сместен помеѓу помалата Fabia и поголемата Octavia. Големиот простор на автомобилот  е репер во сегментот. Ниту еден друг автомобил во класата не нуди толку простор кај колената и над главата, како и кај багажникот – 550 литри.”

Како и кај сите други модели и кај Rapid посебен акцент е ставен на практичноста. Новиот модел има над 19 “Simply clever” решенија. Еден пример е особено генијален, гребалка за мраз интегрирана во капакот за полнење гориво. Други практични решенија вклучуваат реверзибилен под кај багажникот и под седиштето на возачот.

Rapid е првиот автомобили на брендот со нов Škoda дизајн: атрактивен , модерен, јасен, прецизен и безвремен. Во центарот на предниот дел на автомобилот е поставено новото лого, хромирана крилеста стрела со црна мат позадина која е елегантно заокружена со хромирана линија. Позиционирањето на главните светла и светлата за магла е такво што наликува на детелина со четири листа. Од страна гледан Rapid е елегантен и има купе силуета со јасна поделба на површините и линиите. Задниот дел на возилото е чист, свеж и прецизен: задните светла го имаат типичниот Škoda дизајн со С изглед.

Новата Škoda Rapid, близнак на новиот Seat Toledo, е долга 4.48 метри и е широкa 1.7 метри, ќе се нуди со избор меѓу пет бензински и два дизел мотори. Во областа на безбедноста, Rapid импресионира со опрема за сеопфатна активна и пасивна заштитна.

Погледнете го видеото за новата Škoda Rapid…

Извор: www.avtoplus.mk

PARIS MOTOR SHOW 2012: НОВИТЕТИТЕ ОД HONDA

Главниот акцент на штандот на Honda на салонот во Париз е на целосно новата генерација на луксузниот теренец CR-V. Сериозен интерес се очекува да предизвика и верзијата за моделската 2013 на моделот CR-Z, кој е обновен со дизајн на екстериерот и ентериерот, а моќноста на хибридниот погон е зголемена.

Првите испораки на целосно новата Honda CR-V ќе бидат реализирани во есента оваа година. Автомобилот кој досега е продаден во над 5.000.000 единици од 1995 година па наваму, ќе се нуди со широк избор на агрегати, кои ќе се нудат во комбинација, како со систем за погон на сите четири, така и на две тркала. Товарниот простор на возилото е со капацитет од 589 литри, а ако се соборат седиштата, слободниот волумен може да биде зголемен до 1.648 литри или за 148 l повеќе во споредба со она кај претходникот. Она што посебно треба да се потенцира кај новата генерација на Honda CR-V се и оптимизирани аеродинамика, подобра изолација од вибрации и бучавост на каросеријата, стандардните системи за заштеда на гориво Idle-stop, Eco Assist и ECON Mode, како и изборот меѓу бензински и дизел мотор. Во опремата на овој модел ќе може да се вклучат адаптивен засилувач на управувачот, адаптибилен систем за погон на сите тркала, електронска стабилизирачка програма, систем за помош на поаѓање на угорници и друго. Новиот CR-V ќе се нуди со 2,0 i-VTEC погонски агрегат со максимална моќност од 155 КЅ и максимален вртежен момент од 192 Nm, а 2,2-литарски i-DTEC дизел мотор ветува 150 коњски сили и 350 Nm.

Honda CR-Z 2013 е со обновен дизајн на екстериерот и ентериерот, а моќноста на хибридниот систем е зголемена. На штандот на Honda на Sалонот во Париз се демонстрира исто така футуристички ev-ster, а компанијата ја одбележува и 40-годишнината од пазарнато лансирање на моделот Civic.

Извор: www.avtoplus.mk