Top Gear влезе во Гинисовата книга на рекорди

Како најгледано ТВ шоу во светот, Top Gear се прикажува во 212 земји од светот…

Емитување од 2002-ра година, 18 сезони, 147 епизоди, 12.1 милиони Facebook фанови, емитување во 212 земји од светот и бескрајната забава го направија Top Gear рекордер според Гинис – најгледано ТВ шоу во светот.

Иако ова е повеќе од јасно – доколку прашате, било кого – кој има и најмал интерес за автомобили, ќе ви каже дека Top Gear е број 1 автомобилско шоу. Сега тоа е и официјално потврдено.

Jeremy Clarkson, при примањето на ова неверојатно признание, кратко изјави: “Многу сум горд што учествувам во создавањето на една ваква емисија…” Не е во негов стил, секако!

Во 2005-та година, Top Gear освои и Emmy, а во 2009-та година Channel 4 го прогласи ова “Pokey motoring show” како шоу на деценијата.

Извор: koli.com.mk

Golf BlueMotion троши 3,2 литра на 100 км

Golf BlueMotion е најавен на почетокот на идниот месец во Берлин,  каде што ќе се одржи претставувањето на новата генерација на Golf, а на саемот во Париз ќе дебитира во концептна форма.

Golf BlueMotion е најефикасниот Golf на сите времиња  во поглед на потрошувачката. Тој ќе троши 3.2 лит/100 км и ќе има емисија од јаглероден диоксид од 85g/км.

Golf BlueMotion има 1.6 – литарски TDI дизелски агрегат со 109 КС и 250 Nm обртен момент кој развива максимална брзина од 202 км/h.

Извор: www.puls24.mk

Се обидел да помине граница маскиран во автомобилско седиште…

Еден Гвинеец, во обид да влезе во шпанската енклава Мелија од Мароко, смислил мошне бизарно, но креативно решение. Имено, очајниот емигрант се обидел да ја помине границата маскиран во автомобилско седиште.

Комплетното совозачко седиште на автомобилот рено 7, освен рамката, било извадено. Празната рамка му послужила како „место за криење“ на Гвинеецот, додека совозачот седел на него, пренесува Дејли меил.

Против двајцата Мароканци што се обиделе да го прошверцуваат преку граница се поднесени пријави, а Гвинеецот, по појавувањето пред судија, бил депортиран од Мелија.

Извор: mkd.mk

Протекоа првите фотографии од Jaguar F-Type

Вчера се појавија првите неофицијални фотографии на Jaguar F-Type кои го покажуваат спортскиот roadster од сите можни агли, вклучително и неговата внатрешноста. Од Jaguar во меѓувреме како да се навлекоа на промовирање на моделот во камуфлажа, па ако пред неколку месеци тие така и го најавија, оваа недела продолжуваат со серија на видеа на кои е прикажано како е тестиран камуфлираниот F-Type. Додека од британската марка тактизираат и сакаат уште повеќе да ја зголемат мистичноста на новиот модел, некој друг добро си ја завршил работата, па на неколку дена од официјалната премиера, можеме да го видиме прекрасниот roadster.

C-X16 купе концепт моделот, прикажан минатиот септември во Франкфурт, јавноста го прими одлично и не беше тајна дека новиот F-Type ќе позајмува некои дизајнерски потези токму од него, но никој не очекуваше дека двата модели ќе бидат речиси идентични. Jaguar по се изгледа, се потпрел на проверената формула – тимот што победува не се менува (во овој случај дизајнот на моделот) – па направил ситни измени и го отстранил покривот.

Кога станува збор за погонот, Jaguar не беше толку мистичен, па знаеме дека понудата на мотори за новиот F-Type ќе ја сочинуваат два 3.0-литарски V6 мотори со натполнење и “R” модел погонуван од 5.0-литарски V8 мотор со натполнење.

Извор: avtoportal.mk

Вашиот автомобил биолошко оружје?

Доколку сте претерано штедливи, па наместо средство за чистење на ветробранското стакло користите обична вода, големи се шансите вашето возило да го претворите во билошко оружје…

Легионарската болест е атипично воспаление на плуќата кој ја предизвикува бактеријата Легионела. Обожава да стои во вода и во умерени температури, па резервоарот за чистење на стакла, особено во текот на топлите денови, е нејзин расадник од соновите.
При прскањето  на стаклото, преку вентилацискиот систем, бактеријата влегува во патничката кабина, а потоа и во вашето тело.
Истражувачите дошле до овој заклучок по едно истражување, кое покажало дека професионалните возачи боледуваат пета пати повеќе во однос на возачите аматери, пренесува BBC.

Најдобар начин да ја уништите потенцијалната опасност е да наточите од препорачаното средство во резервоарот за чистење на стакла, а тоа ќе ги уништи бактериите доколку постојат во резервоарот.

 

Извор: koli.com.mk

ЕУ воведува “паметни камери”

Европската Унија воведува нови “паметни камери” кои можат да снимат повеќе прекршоци во сообраќајот…

Освен брзината со која возите, новите камери ќе можат да утврдат колкава е оддалеченоста од возилото пред вас , дали ги носите сигурносните појаси, и дали вашето возило е осигурано, па дури и дали се платени даноците за возилото кое го управувате.
Новата генерација се уште се тестира во VVT техничко-истражувачкиот центар во Финска. Развојот на ASSET (Advanced Safety and Driver Support for Essential Road Transport) е започнат уште во 2008 година, а се очекува првите “паметни” камери да бидат поставени во 2013 година.
Matti Kutila, научникот од финскиот институт изјавил дека “Главна цел на камерите е да и се помогне на сообраќајната полиција за да може да се идентификуваат повеќе сообраќајни несреќи”.
Британската автомобилска асоцијација претпоставува дека овие нови камери можат да послужат само како нов извор на приход на локалните власти.

 

Извор: koli.com.mk

Замрзнато ветробранско стакло? Volkswagen има решение!

Volkswagen развива нова технологија која треба да го го спречи замрзнувањето на ветробранското стакло – технологија наречена Low-E Coating…

VW групацијата заедно со Институтот за површинска технологија развива нова технологија наречена Low-E Coatting која претставува тенок премаз од индиум оксид, кој го спречува замрзнувањето и замаглувањето на ветробранското стакло. Oвој премаз би требало да спречува замрзнување на ветробранските стакла до темпертаури од -18 целзиусови степени.
Директорот на VW Thomas Drescher изјави дека овој премаз не може да ја спречи кондензацијата и замрзнувањето на ветробранското стакло на неодредено време, но сепак може многу да го ограничи тој процес.
Сепак, и ова револуционерно решеније има свои недостатоци, на пример е тоа што Low-E Coatting го блокира приемот на сигнали од мобилните мрежи. Доколку VW најде решение и за овој проблем, со сигурност може да кежеме дека Low-E Coatting ќе биде едно од најпрактичните решенија за замрзнатите ветробрански стакла и еден вид ново револуционерно решение во автоиндустријата.

Извор: koli.com.mk

Мал историјат на TÜV ознаката

Широко познатата ознака кога се работи за увоз на половни автомобили (TÜV) оваа година слави јубилеј од 50 години, откако се применува во Германија.

TÜV ознаката на регистарските таблички се користи од 1961 година. Се работи за мала лепенка во форма на круг, која се наоѓа на регистарските таблички и со која е означено дека возилото е технички исправно за сообраќај до одреден период (кој месец). Пред воведувањето на TÜV лепенките возачите на автомобили во Германија биле повикувани по пат на пошта и писма да дојдат на контрола за исправност на возилата.
Со годините системот за контрола на исправноста на возилата е усовршуван и стана се посложен, како поради екологијата, така и поради се поголемите сигурносни барања. Како што во таа област се воведуваат се повеќе електронски контроли, така од 2012 година се планира исправноста на возилата, а со самото тоа и TÜV ознаките (лепенките) да се контролираат со посебни електронски уреди.
Во првите години, па се до 1973 година контролната лепенка имала втиснати броеви на месеците во насока на стрелките на часовникот на бела подлога. Денес лепенката има 12 кружни делови со бројки кои се движат во обратна насока од стрелките на часовникот, а два црно означени исечоци овозможуваат полесно да се воочи во кој месец треба да се изврши TÜV тест на возилото.
Од 1980 година се менуваат боите на лепенките – сина, жолта, розева, зелена, портокалова и тоа на годишно ниво. Помеѓу 1985 и крајот на 2009 година воведени се хексагонски лепенки за тест на издувни гасови на предната регистарска табличка. И таа ознака ги следеше дизајнот и бојата на главната лепенка.
Извор: koli.com.mk

Ма какви LED светла, BMW ќе има ласери!

Научна фантастика !?

И додека LED ламбите полека ги освојуваат светлосните склопови на секој нов автомобил, се чини дека за расветлите диоди не лудуваат сите подеднакво.

Со последното медиумско известување BMW ја фрли ракавицата во лицето на Audi, најавувајќи дека наскоро ќе претстави технологија на ласерски светлосен сноп. Во однос на LED диодите, ласерите имаат бројни предности – помали се, поштедливи, посветли се и можат да бидат проектирани подиректно и на поголема оддалеченост.

Додека LED-иците имаат јакост на светлото од 100 лумени, ласерите блештат со интензитет од дури 170 лумени, а ако се земе во предвид дека целиот склоп ќе биде покомпактен, можете и сами да замислите што дизајнерите можат да постигнат со дизајнот на автомобилот.

Да целата работа биде подобра, во BMW истакнуваат дека ласерската технологија воедно е и значително посигурна бидејќи е погодна за изолирање на останатите учесници во сообраќајот. Поврзана е пример, со инфрацрвена камера, ласерската технологија би можела со сноп на посилна светлост да ги издвои пешаците или животните и да го сврти влијанието на возачот на нив.

Можеби мислите дека ќе се начекаме за имплементација на оваа футуристичка технологија во комерцијалните автомобили, но Баварците уверуваат дека хибридот модел i8 ќе располага со ласери.

Извор: koli.com.mk