Талин е прв главен град во Европа со бесплатен јавен превоз

Главниот град на Естонија, Талин е прв во Европската унија што има бесплатен јавен превоз за своите жители, јави Танјуг…

Талин е прв главен град во Европа со бесплатен јавен превоз.

Користењето на целокупната автобуска и трамвајска градска мрежа е бесплатно, а најавени се и нови автобуси.

Градскиот совет на Талин објави дека од воведувањето на бесплатниот превоз, на почетокот на годината, значително е зголемен бројот на корисници на јавен превоз.

Властите на главниот град на Естонија за таков чекор се одлучиле бидејќи приходите од продажбата на билети покривале само третина од трошоците на јавниот превоз.

 

Извор: www.press24.mk

Advertisements

Македонија претставена на светскиот конгрес за автомобилска индустрија

Инвестициските можности што ги нуди  Македонија  во  автомобилската индустрија се претставени на светскиот конгрес за најновите случувања и перспективи во тој сектор, што се одржува во Детроит, од 15 до 17 јануари.

Македонија претставена на светскиот конгрес за автомобилска индустрија.

На  конгресот,  настан во пресрет на најважниот годишен автомобилски настан во светот North American International Auto Show (NAIAS), македонскиот штанд го претставија директорот на  Дирекцијата за технолошко-индустриски развојни зони Виктор Мизо со неговиот тим и економскиот промотор во Детроит, Дејан Величков.  Тие имаа средби со претставници на голем број компании со кои контактираат веќе подолго време, како и со компании присутни на економското претставување на Македонија од страна на Владата во ноември лани во Детроит.

– Присуството на државна институција од Македонија на конгресот беше позитивно оценето и од организаторот и од голем дел од учесниците кои го посочија ова како пример за држава која работи активно на промоција на можностите и привлекување странски инвестиции, соопшти Дирекцијата за технолошки индустриски развојни зони.

На конгресот во Детроит учествуваат над 1.000 делегати од производители на автомобили и водечки производители на компоненти за автомобилска индустрија од САД и светот. Презентации извршија  претставници на Форд, Ауди, Крајслер, Хонда, Хјундаи и БМВ,  како и глобални производители на компоненти како Денсо, Континентал, Магна, Џонсон Контролс, Брос и Борг Варнер. Беа презентирани и перспективите и глобалните трендови на индустријата во 2013 година. Освен Македонија, со свои штандови на конгресот се претставија и Канада, Англија и региони како Вирџинија и Луизијана.

Извор: www.denesen.mk

Апел до сите учесници од сообраќајот од РСБСП

Републичкиот Совет за безбедност на сообраќајот на патиштата, апелира до сите учесници во сообраќајот да обрнат посебно внимание на сложените услови за одвивање на сообраќајот за време на зимскиот период. Во продолжение проследете ги во целост препораките упатени до учесниците во сообраќајот.

getimagethumbnail2

Препорачуваме, во секоја можна пригода да се користи градски или јавен превоз.

Возачите на моторни возила треба да обрнат посебно внимание на одржување на техничката исправност на своите возила.

Препорачуваме употреба на зимски гуми, заради зголемената безбедност при управување со возилото.

Поседувањето на комплетна зимска опрема е задолжително.

Пред возење, по потреба, возилото треба темелно да биде исчистено од снег и мраз, а стаклата од замагленост.

Потребна е добра проценка на состојбата на коловозот при учество во сообраќај, заради можноста за снежни наноси и голомразица, кои се основни причини за сообраќајни незгоди во овој период.

Брзината на движење и растојанието помеѓу возилата мора да биде прилагодено на условите на патот, а будноста и свесноста за движењето на останатите учесници во сообраќајот да биде на високо ниво.

Доколку се патува вон градските средини, потребно е навремено да се провери состојбата на тој патен правец. За таа цел, најпогодна е консултација на телефонскиот број на АМСМ,15 555.

Во случај за потреба од помош на пат, обратете се на телефонскиот број 196.

Не верувајте на бројките од километражата.

Километражата е вратена најмалку на секој трет половен автомобил…

Не верувајте на бројките од километражата.

При купување на половен автомобил, прво почнете со проверка на лимаријата – таа е и најбитниот дел од автомобилот. Во секој случај е подобро да купите автомобил со оригиналната боја, дури и ако е малку оштетена (ситни гребаници, на пример од паркинг просторите).

Со ист степен на сомнеж треба да се согледаат и оштетен волан и рачка од менувачот. Седиштата, со долготрајна употреба, се деформираат до одреден степен – тоа е и најчесто знак дека автомобилот има поминато повеќе од декларираната километража. Сомнителен е исто така и свежо исперен мотор, затоа што тоа е начин да се скријат трагите од потечено моторно масло, доколку моторот пропушта одредена количина. Но, и покрај тоа, контролата на моторот е лесна – во место моторот треба да работи мирно, без вибрации.

Немојте да се залажувате дека тоj дефект на моторот од сличен карактер е лесно за поправање – по правило тоа значи губење на силата на моторот и откажување на еден или два цилиндри. Автомобилот мора да ја прима гаста рамномарно, без чадење издувот, со сина или црна боја. Тоа најдобро се проверува преку мерење на компресијата на моторот. Компресијата треба да се провери кај механичар, кој може да прегледа и се останато, што е битно за нормално функционирање на автомобилот. Издувниот систем, односно последниот негов дел (задниот лонец), како и дисковите – укажуваат на претерано оптеретување на автомобилот.

Пробното возење е, секако, неминовна работа. Авотмобилот мора да држи правец и на прав пат не смее ниту малку да “влече” на страна. Кочниците треба да “фаќаат” рамномерно, без вибрации и тресење. Амортизерите се проверуваат со едноставно притискање на крилата – доколку се добри амотризерите, автомобилот треба да престане веднаш да се “лула”.

Неправилноста и оштетувањето на потпирањето (амортизацијата) може да се увиди од нерамномерно абење на гумите, па доколку автомобилот има нови гуми, дополнително внимавајте. Во секој случај, не заборавајте – Вие, како купувач, сте во неспоредливо подобра ситуација од продавачот.

Нереално ниската цена на автомобили што се мета на крадците најчесто (VW Golf, Passat, Audi A4 и A6, BMW Серија 3, 5 и X5, Mercedes E…), исто така може да е показател за нешто сомнително. Дополнително, доколку стаклото не е оригиналното, како и воланот и пластиките околу воланот – најдобар совет е, едноставно да побарате друг автомобил. Тоа се деловите од автомобилот кои најчесто се оштетуваат при кражба, а потоа се заменуваат со нови. Во една ваква ситуација, најдобро е да го проверите автомобилот во службите на МВР.

Извор: www.koli.com.mk

Природниот гас поевтинува за шест денари

Компанијата Макпетрол а.д. Скопје ја намали цената на природниот гас за стопанството за 6,23 денари.

Природниот гас поевтинува за шест денари

Новата цена изнесува 30,03 денари за кубен метар гас за разлика од досегашните 36,26 денари.

Според компанијата, споредено со минатиот месец намалувањето е за 17,18 проценти.

Причина за намалувањето е пониската набавна цена на гасот за првиот квартал годинава во споредба со четвртиот квартал од минатата година за 14,3 проценти, односно цената од 579 долари за 1.000 метри кубни се намалува на 496 долари, соопшти „Макпетрол“.

 

Извор: www.kurir.mk

Бензинот и дизелот поскапуваат од полноќ

Од полноќ ќе имаме повисоки цени на бензинот и дизелот.

Бензинот и дизелот поскапуваат од полноќ

Цените на бензините и на дизелот од ноќеска на полноќ се зголемуваат од еден до два денара, одлучи денеска Регулаторната комисија за енергетика.

Новата цена на ЕУРОСУПЕР БС – 95 ќе изнесува 82, а на ЕУРОСУПЕР БС-98 ќе биде 83,5 денари за литар. Еуродизелот ќе се продава за 72,00 денари за литар.

Зголемување има и кај малопродажната цена на екстра лесното масло за домаќинство за 0,50  денари. Тоа сега ќе чини 60,50 денари за литар. Се зголемува и цената на мазутот за 2,172 ден/кг.

Покачувањето се должи на зголемувањето на просечната цена на сурова нафта на светскиот пазар и на повисокиот курс на денарот во однос на доларот во изминатиот 14. дневен период.

 

Извор: www.press24.mk

Еве зошто зимската опрема е неопходна (ВИДЕО)

Еден голем шлепер повлекол со себе влечно возило во 200 метри длабоката провалија во Леифјорд во Норвешка, лизнувајќи се од автопатот прекриен со снег.

Еве зошто зимската опрема е неопходна.

Видеото делува застрашувачки, но за среќа никој не го загубил животот!

Се се случило минатата зима, но несреќата е добар потсетник за тоа што се случува кога немате зимска опрема во возилото.

ПОГЛЕДНЕТЕ ГО ВИДЕОТО !!! 

 

Извор: www.kurir.mk