ВИДЕО КАМЕРИ НА ПАТНАТА МРЕЖА,
ПАТАРИНИТЕ И ГРАНИЧНИТЕ ПРЕМИНИ ВО
РЕПУБЛИКА МАКЕДОНИЈА
Advertisements
Category Archives: Info za Sostojba na Patistata vo Makedonija
Сообраќајот се одвива без забрани и ограничувања
Според најновите информации добиени од ЈП Македонија пат, сообраќајот на сите магистрални и регионални патни правци низ државата се одвива непречено, по претежно суви коловози.
Влажни коловози се бележат на повисоките планински и осојничави места. По клисурите и засеците можна е почеста појава на поситни одрони, посебно на патните правци Маврово-Дебар-Струга, Д.Капија-Удово и Катланово-Велес, кои можат да го попречат движењето на возачите. Дежурните екипи на ЈП Македонијапат се на терен, редовно ги контролират и одржуваат проодни сите патни правци.
Интензитетот на сообраќај на патните правци надвор од градските средини е умерен.
На граничните премини нема подолготрајни задржувања за влез и за излез од државата.
АМСМ ги потсетува сите возачи дека законската обврска за поседување на зимската опрема во возилата, без оглед на моменталната временска состојба, трае до 15.03.2013.
Околу 100 милиони евра за реконструкција и изградба на патишта во 2013.
Близу 100 милиони евра Владата ќе одвои за реконструкција и изградба на нови патишта низ земјава оваа година. Во 2013, 133 локални патишта со должина од 162 километри во 70 општини низ државата ќе бидат реконструирани или изградени, за нив се одвоени 17 милиони евра од буџетската каса.
Според владиниот портпарол Ѓорѓиев ќе бидат вложени и 30 милиони евра во 11 регионални патишта со должина од 160 километри.
Владата одвоила и 200 милиони денари за старт на проектот за модернизација и воведување електронски системи за наплата на патарините.
Пари ќе има за секоја општина независно од составот на населението, нејзината големина или пак политичката припадност на градоначалникот, вели Александар Ѓорѓиев, портпарол на Влада.
Патиштата дел од фокусот и на министерот за транспорт Јанакиески. Даде отчет за сработеното лани. Покрај инфраструктурните проекти во министерството се работеше и на набавка на 311 нови автобуси , проектот за водоснабдување и одведување отпадни води, се изградија 3 објекти, а 11 чекаат за целосна реализација на станови за социјално ранливи категории на лица, отуѓување на државно земјиште, решение за дивите превозници.
На граѓаните им се овозможени и пониски цени на авиобилетите преку проектот за финансиска поддршка на авиопревозници и склучениот договор со нискотарифната компанија Виз Ер која започна со оперирање на 6 нови дестинации од Скопје до Малме, Базел Мулуз, Ајндховен, Дортмунд и Меминген – Минхен. – Поволните авиобилети за само два месеци, од кога беа воведени ги искористија повеќе од 112.000 граѓани, вели Миле Јанакиески – министер за транспорт и врски.
2012 транспорт ја бележи и со стартот на големиот инвестициски циклус во железницата.
Во тек се проекти за целосна рехабилитација на пругите на три делници вредни 17,6 милиони евра. Се реконструира и делницата Куманово – Бељаковце за што се обезбедени 46,4 милиони евра. Добиени се средства и за изработка на проект за железничко поврзување со Албанија.
СОСТОЈБА НА ПАТИШТАТА ВО МАКЕДОНИЈА
понеделник, 21 јануари 2013 06:08:41
СОСТОЈБА ВО МАКЕДОНИЈА: Според најновите информации добиени од ЈП Македонијапат, сообраќајот на сите магистрални и регионални патни правци низ државата се одвива непречено во зимски услови, по наместа влажни коловози. Дежурните екипи на ЈП Македонијапат се на терен и редовно ги контролираат и одржуваат сите патни правци. ФРЕКВЕНЦИЈА: Интензитетот на сообраќај на патните правци надвор од градските средини е умерен. ГРАНИЧНИ ПРЕМИНИ: На граничните премини нема подолготрајни задржувања за влез и за излез од државата. ИЗВЕСТУВАЊЕ: Ги потсетуваме сите возачи дека од 15.11.2012 година стапи на сила законската обврска за поседување на зимската опрема во возилата, без оглед на моменталната временска состојба. Оваа обврска трае до 15.03.2013.
Како се вози кога има магла?
Од АМСМ деновиве препорачуваат внимателно возење заради појавата на магла и намалената видливост на дел од патните правци. Еве неколку корисни совети за тоа како да возите кога има магла, кои што секако нема да ви бидат на одмет.
За безбедно возење низ магла најважно е да имате исправни фарови за да бидете забележани на патот. Во магла се користат кратки светла за осветлување на патот или специјални светла за магла, а може и двете истовремено.
Има возачи што не знаат како правилно се користат светлата за магла. Тие се вклучуваат само за време на намалена видливост за време на дожд, снег и магла. Во никој случај не треба да се користат во други прилики, на пример, ноќе, затоа што им пречат на останатите возачи.
Второто важно правило е да возите бавно. Најмногу 50 километри на час, но често ниту таа брзина не е возможна. Неопходно е да забавите кога ќе забележите возило пред вас затоа што заради намалената видливост тешко ќе процените дали тоа стои или се движи. Кога маглата е густа најчестите верижни судири се случуваат токму заради задоцнетото забележување на другите автомобили.
Исто така не се препорачува ниту претекнувањето, затоа што возилото што оди во спротивна насока тешко можете да го забележите, а оддалеченоста и брзината на автомобилот што го претекнувате исто така неможете точно да ја утврдите кога е намалена видливоста. Затоа немојте да се нервирате кога некој пред вас „лази“ и не обидувајте се да го заобиколите.
Исто така, зголемете го растојанието, сконцентрирајте се, ако е можно не разговарајте со останатите во автомобилот, намалете го тонот на музиката.
Ако сте се решиле да застанете и да почекате да се разведри во никој случај не заборавајте да ги оставите светлата на автомобилот вклучени.
СОСТОЈБА НА ПАТИШТАТА ВО МАКЕДОНИЈА
понеделник, 10 декември 2012 14:16:00
НОРМАЛИЗИРАН СООБРАЌАЈ: Од 09:00 часот укината е забраната за тешки товарни возила на патниот правец Маврово – Дебар. Од 09:45 часот укината е забраната за тешки товарни возила на патниот правец Кичево – Македонски Брод – Прилеп. Од 09:30 часот укината е забраната за тешки товарни возила на патниот правец Гостивар – Кичево (планински премин Стража). Забрана за движење на тешки товарни возила на патниот правец Струга – гп.Ќафасан е укината во 13:00. Сообраќајот на патниот правец Отешево – гп.Стење е нормализиран. СОСТОЈБА ВО МАКЕДОНИЈА: Коловозите се претежно влажни на места со остатоци од снег. Поради многу ниски термператури можни се подмрзнувања на коловозот па се препорачува внимателно возење и прилагодување на брзината кон условите на патот. На повисоките планински и осојничави места има остатоци од снег кои го забавуваат движењето на возачите. ВНИМАТЕЛНО: Препорачуваме голема внимателност на патните правци Дебар – Струга, Маврово – Дебар, Катланово – Велес и Демир Капија – Удово каде има почеста појава на одрони кои може да го попречат движењето на возачите. РАБОТА НА ПАТ: Повнимателно управување со возилата е потребно и на магистралниот пат М-1 делница Катланово – Велес, каде се одвиваат работи за реконструкција на патот за што има поставено соодветна сообраќајна сигнализација. ФРЕКВЕНЦИЈА: Интензитетот на сообраќај на патните правци надвор од градските средини е умерен. ГРАНИЧНИ ПРЕМИНИ: На граничните премини нема подолготрајни задржувања за влез и за излез од државата. ИЗВЕСТУВАЊЕ: Ги потсетуваме сите возачи дека од 15.11.2012 година стапи на сила законската обврска за поседување на зимската опрема во возилата, без оглед на моменталната временска состојба. Оваа обврска трае до 15.03.2013.
Одронот на регионалниот пат Ресен-Стење се расчистуваше седум часа
Екипите на „Македонија пат“ седум часа го расчистувале одронот кај Сирхан…
Расчистувањето траеше седум часа, односно од 23 часот синоќа до 6 часот утрово, соопштија од Дирекцијата за заштита и спасување во Ресен.
Лавината од карпи и земја се срушила на еден километар од туристичкото одморалиште Отешево и ги зафатила двете коловозни ленти од рагионалниот пат,поради што патот бил непрооден цели десет часа.
