„СЕНЗОР“ ЌЕ ГИ СНИМА МАКЕДОНСКИТЕ ПАТИШТА

Во присуство на министрите за внатрешни работи Гордана Јанкулоска и за транспорт и врски Миле Јанакиески, како и директорот на Јавното претпријатие за државни патиштa Љупчо Георгиевски денеска во Автомото сојузот на Македонија отпочна имплементацијата на меѓународниот проект „СЕНЗОР“ за безбедносна процена на автопатските рути во Југоисточна Европа – ЈИЕ и во Република Македонија… 

Извор: www.telma.mk

Размислете два пати пред да ја нагазите педалата за гас! (видео)

Размислете два пати пред да ја нагазите педалата за гас!

Агенцијата за сообраќај на Нов Зеланд сними впечатливо видео со цел да влијае на намалување на бројот на сообраќајки во земјата предизвикани од пребрзо возење.

Погледнете го рекламниот спот кој нема да ве остави рамнодушни:
Извор: www.sitel.com.mk

Околу 100 милиони евра за реконструкција и изградба на патишта во 2013.

Близу 100 милиони евра Владата ќе одвои за реконструкција и изградба на нови патишта низ земјава оваа година. Во 2013, 133 локални патишта со должина од 162 километри во 70 општини низ државата ќе бидат реконструирани или изградени, за нив се одвоени 17 милиони евра од буџетската каса.

Околу 100 милиони евра за реконструкција и изградба на патишта во 2013

Според владиниот портпарол Ѓорѓиев ќе бидат вложени и 30 милиони евра во 11 регионални патишта со должина од 160 километри.

Владата одвоила и 200 милиони денари за старт на проектот за модернизација и воведување електронски системи за наплата на патарините.
Пари ќе има за секоја општина независно од составот на населението, нејзината големина или пак политичката припадност на градоначалникот, вели Александар Ѓорѓиев, портпарол на Влада.

Патиштата дел од фокусот и на министерот за транспорт Јанакиески. Даде отчет за сработеното лани. Покрај инфраструктурните проекти во министерството се работеше и на набавка на 311 нови автобуси , проектот за водоснабдување и одведување отпадни води, се изградија 3 објекти, а 11 чекаат за целосна реализација на станови за социјално ранливи категории на лица, отуѓување на државно земјиште, решение за дивите превозници.

На граѓаните им се овозможени и пониски цени на авиобилетите преку проектот за финансиска поддршка на авиопревозници и склучениот договор со нискотарифната компанија Виз Ер која започна со оперирање на 6 нови дестинации од Скопје до Малме, Базел Мулуз, Ајндховен, Дортмунд и Меминген – Минхен. – Поволните авиобилети за само два месеци, од кога беа воведени ги искористија повеќе од 112.000 граѓани, вели Миле Јанакиески – министер за транспорт и врски.

2012 транспорт ја бележи и со стартот на големиот инвестициски циклус во железницата.

Во тек се проекти за целосна рехабилитација на пругите на три делници вредни 17,6 милиони евра. Се реконструира и делницата Куманово – Бељаковце за што се обезбедени 46,4 милиони евра. Добиени се средства и за изработка на проект за железничко поврзување со Албанија.

 

Извор: www.kanal5.com.mk

Акција за дарување крв во Полиција

Во рамките на програмските активности на Комисијата за крводарителство Општинската организација на Црвен крст Велес на 25 септември организираше крводарителска акција за вработените во МВР – Сектор за внатрешни во Велес. Во акцијата, што ја изведе екипа на Институтот за трансфузиона медицина од Скопје, 21 доброволни дарители даруваа крв.

Извор: www.crvenkrst-veles.org.mk

PARIS MOTOR SHOW 2012: ŠKODA RAPID

Главната новина на штандот на Škoda на салонот во Париз е целосно новиот Rapid, модел што ќе се обиде да освои сосем нов бран на корисници, а првите испораки на возилата се пред крајот на годината.

Škoda Rapid ќе освои корисници кои посакуваат стилски и динамичен дизајн. Ова е првиот автомобил на брендот, кој може да се пофали со целосно нова стилистика, која етапно ќе ја видиме и во наредните верзии на актуелните во моментов моделски предлози. Rapid ја дополнува гамата, сместен помеѓу помалата Fabia и поголемата Octavia. Големиот простор на автомобилот  е репер во сегментот. Ниту еден друг автомобил во класата не нуди толку простор кај колената и над главата, како и кај багажникот – 550 литри.”

Како и кај сите други модели и кај Rapid посебен акцент е ставен на практичноста. Новиот модел има над 19 “Simply clever” решенија. Еден пример е особено генијален, гребалка за мраз интегрирана во капакот за полнење гориво. Други практични решенија вклучуваат реверзибилен под кај багажникот и под седиштето на возачот.

Rapid е првиот автомобили на брендот со нов Škoda дизајн: атрактивен , модерен, јасен, прецизен и безвремен. Во центарот на предниот дел на автомобилот е поставено новото лого, хромирана крилеста стрела со црна мат позадина која е елегантно заокружена со хромирана линија. Позиционирањето на главните светла и светлата за магла е такво што наликува на детелина со четири листа. Од страна гледан Rapid е елегантен и има купе силуета со јасна поделба на површините и линиите. Задниот дел на возилото е чист, свеж и прецизен: задните светла го имаат типичниот Škoda дизајн со С изглед.

Новата Škoda Rapid, близнак на новиот Seat Toledo, е долга 4.48 метри и е широкa 1.7 метри, ќе се нуди со избор меѓу пет бензински и два дизел мотори. Во областа на безбедноста, Rapid импресионира со опрема за сеопфатна активна и пасивна заштитна.

Погледнете го видеото за новата Škoda Rapid…

Извор: www.avtoplus.mk

ОД НЕОДАМНА ПРОМОВИРАНОТО ДВД ИЗДАНИЕ – “СООБРАЌАЕН БУКВАР“

ПОГЛЕДНЕТЕ ГИ ВИДЕАТА ОД СООБРАЌАЕН БУКВАР !

1. Сообраќаен Буквар!

2.Што е семафор?

3.Како да поминеш крстосница каде што нема

семафор?

4.Како да поминеш крстосница каде што има

семафор?

5.Како со велосипед, тротинет или скејт?

6.Како да преминам улица кога ке се симнам од

автобус?

7.Како да преминам пат каде што нема

сообраќаен знак?

8.Како да преминам преку железничка пруга?

9.За време на училишен одмор внимателно

преку улица !!!

 

Извор: www.mvr.gov.mk

 

Од 1 октомври казни за стара возачка

Нема да се казнуваат оние кои веќе ја започнале постапката за нови документи.

Уште 5 дена има до истекот на рокот за вадење на биометриска возачка дозвола. Сите кои по 1 октомври полицијата ќе ги затекне како возат со стара возачка дозвола ќе добијат казна во висина од 45 евра или 25 казнени поени, пишува Вест.
Од МВР за весникот велат дека казни нема да плаќаат оние возачи кои ја започнале процедурата за нова возачка дозовола. Од полицијата информираат дека тие имаат начин да проверат, кои возачи веќе закажале термин за вадење нова битметриска возачка.
Доколку денеска закажете термин за фотографирање на бесплатниот телефонски број 0800 192 92 пред објективот на МВР ќе можете да седнете дури на крајот од декември. Вадењето на новиот документ во редовна постапка ќе ве чини 600, а во итна 1150 денари. Повеќе информации за потребните документи, како и самите обрасци можете да најдете на веб сајтот на МВР.
Вест повикувајќи се на информации од полицијата пишува дека до сега се издадени 511.056 биометриски возачки дозволи.

Извор: press24.mk

ЗА COLONIA + СО АВТО ШКОЛА “ТИ – ЛА”

 

COLONIA + Ви нуди брзо и квалитетно оспособување на кандидати за возачи за АБ иМ категорија на моторни возила, мотори и мопеди во соработка со Авто Школата “ТИ-ЛА” од Велес. Научете да возите во една од најстарите Авто Школи во Македонија по редовна цена од 12.999 денари. Во цената се вклучени: 36 часови обукатеориска наставапробно тестирањепосредување за вадење на лекарско уверение и прва помошпомош при совладување на сите потешкотии при учење на тестовите… Возењето, освен исполнување на задоволството на единката од која потекнува ја поттикнува и потребата за извршување на секојдневните обврски. Пред почетокот на долгиот пат кој ќе го возите низ животот, се соочувате со предизвикот на тест со кој ќе докажете дека тој пат ќе го возите според одредени правила и според вашите можности. Тука доаѓа Авто Школата ТИ-ЛА” одВелес. Правилата ги обликуваат Вашите можности. Им даваат форма. Развојот на Вашите можности, преку професионални инструктори како што е Игор Чоков, достигнува степен каде слободно можете да се соочите со предизвиците на еден модерен возач. Професионалноста која е потребна да ја добиете, е и прашање на време – своевидно искуство. Но искуството што може да Ви го пренесе човек кој едноставно е посветен и специјализиран во однос на сообракајот, Ви овозможува секогаш да бидете чекор пред другите. Секако постои и можност за договор на одложено плаќање на 2 до 3 рати. За дополнителни информации Ви стојам на располагање.

 

**Донеси пријател (кандидат за возач), и добиј бесплатно користење на автомобил за полагање на полигон и градско возење.

Инструктор Игор Чоков,  сооб. тех. 072 274 034 (ONE оператор), 078 627 462 (VIP оператор), 043 239 373 (M.Tелеком).

е-mail:   chokov@macedonia.eu.org                                             cokov@yahoo.com

 

Извор: COLONIA +

ДЕЦАТА ГИ КОПИРААТ СВОИТЕ РОДИТЕЛИ И ЗАД УПРАВУВАЧОТ

Децата секогаш ги гледаат своите родители и се обидуваат да ги поддржуваат во сè. Ова правило важи и при управувањето со возилото. До сличен заклучок стигнаа научниците од американскиот институт Liberty Mutual Insurance, кој направи истражување заедно со јавна студентска организација.

Речиси мнозинството од анкетираните млади возачи, скоро 90%, признаваат дека виделе како нивните родители разговараат по телефон за време на возење, а 88% признаваат дека биле сведоци како мајките и татковците ја надминуваат брзината. Уште 59% ги виделе нивните родители да пуштаат SMS додека возат, а 47% признаваат дека пропуштаат да стават ременот. За случаи на возење под алкохол признале 20% и за користење марихуана, од страна на нивните родители, 7% од младите луѓе.

Учениците и студентите откриваат  кои се најчесто прекршоците кои тие ги прават кога се зад управувачот. Резултатите од нивните одговори речиси се во склад со оние на нивните родители. Дури 78% од младите пишуваат SMS зад воланот, а 16% возат автомобил, откако пушеле марихуана (по тој показател младите Американци ги наднинуваат мајките и татковците). Тинејџерите, сепак се повеќе строги при користењето на ременот, само 33% од нив го прескокнуваат.

Истражувањето покажува дека децата сакаат да молчат, ако нивните родители ги кршат сообраќајните правила. Дури 21% од нив се подготвени да го натераат пијан родител да го запре возилото. Интересно е што во 78% од ваквите случаи мајката или таткото се согласуваат со своето дете и не се решаваат да управуваат со возилото. Според научниците генерално 66% од родителите не ги извршуваат за време на возење упатствата кои самите им ги дале на своите деца.

Извор: avtoplus.mk