Како автомобилите на иднината ќе спречуваат судари?

Автомобилите во блиска иднина ќе имаат уреди за комуникација и ќе комуницираат меѓу себе, а идејата е да спречат судирите. Проектот е дел од студијата на американскиот Департмент за сообраќај во рамките на која околу 3.000 „зборлести“ автомобили се пуштени низ патиштата во САД и притоа постојано ја јавуваат својата позиција и испраќаат пораки во комуникацијата со останатите автомобили… (прочитај повеќе)

Извор: www.kajgana.com

Advertisements

Колку возачката обука влијае врз безбедноста во сообраќајот?

Колку возачката обука влијае врз безбедноста во сообраќајот?

Вистинската борба за безбедноста во сообраќајот и намалувањето на бројот на несреќите и смртните последици започнува токму на местото каде идните возачи се обучуваат – во автошколите и во процесот на едукацијата и полагањето на возачкиот испит… (прочитај повеќе)

Извор: www.visokioktani.mk

Од Пошта до нoвиот Театар ќе се вози во две насоки

Од Пошта до нoвиот Театар ќе се вози во две насоки

Од Пошта до новиот Театар ќе се двози во две насоки. Почнува измената на сообраќајниот режим во градот. Еднонасочниот сообраќај по улицата Благој Ѓорев на овој потег ќе биде минато. Според предложениот план, двете крстосници кај театарот и поштата ќе се регулираат со светлосна сигнализација. Освен семафори ќе се постави и соодветна хоризонтална и вертикална сиганлизација. Засега нема утврдено рок кога ќе се реализира планот. Тој првин треба да го одобри општинскиот совет. Ќе се бара согласност и од Министерството за внатреши работи. Откако ќе ги помине овие филтри општината ќе бара изведувач за предвидената смена во сообраќајниот режим.

Нови сообаќајни правила се предвидени и за уште неколку крстосници во градот. Кружен тек ќе има кај Авона ,семафори кај Панини ,а постојните кај градскиот базен ќе бидат заменети со кружен тек.

Овие предвидени измени засега нема да се реализираат. Тие се утврдени во сообраќајната студија која лани ја изработи Општината. Таа покажа дека постојниот режим не ги задоволува сообраќајните потреби.

Во образложението на Општината напишано по иницијативата за смена на сообраќајниот режим се вели дека сообраќајната слика на уличната мрежа во градот е загрижувачка. Има недостиг од паркинг а намален е капацитетот на крстосниците и нивното ниво на услуги.

Овие недостатоци треба да се надминат со целосната реализација на планот за смена во сообраќајниот режим. Според него, градот ќе добие и нова улица. Постојан сообраќај ќе се одвива и по улицата зад новиот тетар.

Извор: www.lisica.mk

Од 19-ти јануари единствени европски возачки дозволи

Од 19-ти јануари единствени европски возачки дозволи

Наместо досегашните стотици модели возачки дозволи во Европската унија, од следната сабота 19-ти јануари ќе започне издавањето со единствените нови пластични дозволи во формат на кредитните картички.

Новата директива за возачките дозволи стапува на сила на 19-ти јануари 2013 година, што значи дек ановите возачки дозволи издадени по тој датум во сите земји членки ќе мора да бидат според единствениот европски модел.

Со новите прописи се укинуваат возачките дозволи со неограничено важење кои постојат во некои земји членки од Европската унија и тие ќе мора да заменат до 19-ти јануари 2033 година. Земјите членки на ЕУ имаат можност да издаваат дозволи со рок на важење од 10 до 15 години. Дозволите за професионални возачи ќе важат пет години, а при секое продолжување на важноста професионалните возачи ќе мора да минат лекарски преглед.

Се воведуваат и построги правила за управување со мотоцикли. За управување со скутери, најмалите мотоцикли, ќе се бара полагање на теоретски испит, а земјите членки може да се одлучат и за воведување на практичен испит.

За поголемите мотоцикли предвидени се две можности: полагање на возачки испити ќе биде можно со навршени 24 години, наместо како досега со 21 година, а втората можност е да се овозможи пристап за полагањето на испитите со навршени 20 години за оние кои имаат најмалку две години искуство во управување со помал мотоцикл. Со таа мерка се сака да се принудат мотоциклистите искуство прво да стекнат искуство на помали скутери пред да минат на посилни мотоциклисти.

Новата директива треба да ја оневозможи практиката оние на коишто ќе им биде одземена возачката дозвола во една земја членка да полагаа во друга земја членка на Европската унија. Исто така, предвидено е и високо ниво на заштита од фалсификување.

Директивата беше донесена во 2006 година, а земјите членки мораа да га вградат во своите законодавства до крајот на минатата 2012 година, за да може да се спроведува од 19-ти јануари 2013 година.

Главните цели за воведувањето на ваквите единствени возачки дозволи се подобрување на безбедносната во сообраќајот, олеснување на користењето на слободата на движењето на возачите во Европската унија, но и спречување на измами Новата директива значи дека граѓанин на ЕУ на кој му е одземена возачката дозвола, било поради управување на возило во алкохолизирано било поради други прекршувања на законот или од здравствени причини, не смее да ја мине границата и да побара издавање на нова во друга земја членка, што досега се случуваше во Европа.

 

Извор: www.lisica.mk

Внимание: Две илјади евра за возење под дејство на алкохол !!!

Во Македонија за надминување на брзината од 30 км на час над дозволеното во населено место, т.е. надминување на брзината од 50 км на час над дозволеното надвор од населено место, се плаќа казна од 300 евра. За некористење на сигурносни појаси 20 евра, за возење во алкохолизирана состојба 350 евра.

Внимание: Две илјади евра за возење под дејство на алкохол

Според податоците на балканскиот Автомото сојуз, казнените мерки за прекршоци во сообраќајот се најостри во Црна Гора, каде несовесните возачи кои ќе возат под дејство на алкохол ќе платат и до 2.000 евра парична казна, додека во Србија за надминување на дозволената брзина следи и затворска казна од 30 дена. Македонија иако со високи казни далеку заостанува зад овие држави.

Учесниците во сообраќајот во Црна Гора, кои ќе ги паркираат своите возила и притоа пречат на регуларното одвивање на сообраќајот, но и тие кои ќе фрлаат отпадоци од автомобилите, ќе бидат санкционирани со парична казна од 100 до 450 евра. Казната за користење на мобилен телефон во текот на возењето се движи од 60 до 150 евра.

За надминување на дозволената брзина во населено место од 50 км на час, во Хрватска се плаќа казна од 670 до 1.980 евра. Истата висина на казни важи и за возачите кај кои ќе се утврди над 1,5 промили алкохол во крвта. Некористење на сигурносни појаси чини 65 евра, како користење на мобилен телефон, додека поминување на црвено светло од 260 до 670 евра.

Во Босна и Херцеговина казните за надминување на брзината можат да достигнат и до 500 евра. За тие кои во населено место возат со брзина над дозволената од 50 км на час, казната може да изнесува од 200 до 500 евра. Истата казна важи и за возење со две или повеќе промили алкохол во крвта.

Во Србија за надминување на брзината во населено место од 51 до 70 км на час, се плаќа казна од 135 до 270 евра, а можна е и затворска казна од 30 дена. За возење со 1,61 до 2,0 промили на алкохол во крвта, казната достигнува и до 270 евра, а можна е и 30-дневна затворска казна. Надминување на брзината во населени места со над 70 км на час, во однос на максималната дозволена брзина, ќе се санкционира со парична казна во износ поголем од 1.000 евра.
Во Македонија за надминување на брзината од 30 км на час над дозволеното во населено место, т.е. надминување на брзината од 50 км на час над дозволеното надвор од населено место, се плаќа казна од 300 евра. За некористење на сигурносни појаси 20 евра, за возење во алкохолизирана состојба 350 евра.

Меѓутоа, казните за сообраќајните прекршоци во многу европски земји се многу поригорозни:
Во Норвешка за поминување на црвено светло и недозволено заобиколување се казнува со 697 евра, а за надминување на брзината до 35 км на час повеќе во однос на дозволената, казната е 1.045 евра. Во рамки на овие мерки на претпазливост спаѓа и одење на суд за прекршоци.
Во Австрија за возење под влијание на алкохол се плаќа казна од минимални 300 до 5.900 евра, вклучувајќи и одземање на возачка дозвола. За надминување на брзината од 40 км на час, во однос на дозволената брзина во населено место или 50 км на час надвор од населено место, казната е од 150 до 2.180 евра и одземање на возачката дозвола најмалку на две недели. За непрописно паркирање може да се плати казна од 726 евра.

Некористење на сигурносни ремени во Италија и некористење на детско седиште се казнува со парична казна од 76 до 306 евра. За надминување на брзината казната е од 39 до 3.199 евра, погрешно паркирање се казнува од 39 до 318 евра, возење под влијание на алкохол над 0,5 промили од 500 до 6.000 евра, возење под влијание на други опијати 1.500 до 6000 евра, одземање на дозволата и затворска казна во траење од една година.

За надминување на брзината во Германија возачите плаќаат од 15 до 600 евра, за поминување на црвено светло од 90 до 320 евра, додека казната за возење под влијание на алкохол или дроги е 500 евра.

Во Словенија за надминување на брзината над 50 км на час во населено место се плаќа казна од 1.200 евра со можност за одземање на возачката дозвола.
Во Шведска за надминување на брзината во населено место каде максималната дозволена брзина е од 50 км на час се плаќа казна од 230 евра, а на возачите кои се соочени со ваква казна им се заканува и кривично гонење.

 

Извор: www.vecer.com.mk

ПО БАРАЊЕТО НА ССК, ВЛАДАТА ДОПРВА ЌЕ СЕ ИЗЈАСНУВА…Ограничување на увозот на половните возила!?

Увозниците на нови возила сметаат дека меѓу другото влезот на половни автомобили со еуро 1 и еуро 2 норматив негативно влијае на автомобилскиот сектор во Македонија

ПО БАРАЊЕТО НА ССК, ВЛАДАТА ДОПРВА ЌЕ СЕ ИЗЈАСНУВА...Ограничување на увозот на половни возила на владин колегиум.

Владата се уште нема одговор на барањето на импортерите на нови возила, увозот на употребувани автомобили да се ограничи на не постари од седум години. Оттаму информираат дека пред конечната одлука, барањето прво треба да ги помине сите утврдени владини процедури.
– Барањата кои Владата ги добива од субјектите по однос на одредени теми се разгледуваат во соодветна процедура која опфаќа разгледување на генерален колегиум и на комисиите на Владата, за потоа да дојдат на владина седница. По разгледувањето на ова барање со соодветна аргументација и препораки од телата ќе заземеме став за кој и ќе информираме – вели владиниот портпарол, Александар Ѓорѓиев.

Импортерите на возила организирани во Сојуз на стопански комори (ССК) кои пред извесно време го доставија ова барање до Владата, објаснуваат дека се решиле на ваков чекор затоа што сметаат дека мерките со кои се дозволува увезувањето на возила со еуро 1 или еуро 2 норматив станале контрапродуктивни бидејќи во државата влегуваат многу стари возила кои се големи загадувачи на животната средина, а поради староста и техничката неисправност претставуваат и директна опасност во сообраќајот. Од друга страна, објаснуваат во ССК, со увозот на над 110.000 користени автомобили во последните три години е задоволен социјалниот момент на сегментот на потрошувачи кои покрај тоа што не беа во можност да купат нов автомобил, успеаја да го заменат својот престар автомобил со само стар автомобил кој не одговара на еколошките стандарди.
– Увозот на половни возила негативно влијае на автомобилскиот сектор во Македонија. Во 2012 во однос на 2008 година продажбата на нови возила е намалена за околу 73%. Овој податок не е во прилог на привлекување странски инвеститори во автомобилскиот сектор. Инвеститорите од овој сектор произведуваат производи по најнова технологија, производи кои ќе бидат продавани во ЕУ и во целиот свет, а додека со увозот на повеќе од 110.000 половни возила се дава прибежиште на старите технологии, односно возила за кои земјите со развиена автомобилска индустрија со разни мерки се борат да ги отстранат од сообраќај – објаснуваат од Комората и додаваат дека импортерите на нови моторни возила инвестираат во државата преку изградбата на модерни центри, дилерски салони, сервиси и технологии, исшколувале над 2.000 кадри и вработиле повеќе од 3.500 лица, за разлика од увозниците на половни возила кои немаат никакви инвестиции.

Импортерите на нови возила се жалат дека го живеат најтешкиот период, отпуштаат вработени, а може да се затворат и некои салони. Тие објаснуваат дека намалената продажба не може да биде причина за поевтинување на новите возила, бидејќи, како што велат, нивната цена сега е сведена на минимум.
Пред да се овозможи увозот на употребувани возила со намалени давачки, во 2009 година, во автосалоните се купуваа 3,5 пати повеќе возила отколку на плацовите за половни. Денес соодносот е обратен, во корист на продавачите на половни возила. Дилерите на нови автомобили предупредуваат дека новите возила се карактеризираат со ниска емисија на јаглерод диоксид и штетни честички во воздухот и имаат посебни филтри кои ги задржуваат штетните канцерогени честички да не влезат во атмосферата. Возилата со еуро 1 или еуро 2 норматив, пак, немаат заштитни филтри и емитуваат огромна количина на штетни честички во воздухот.

Извор: www.vecer.com.mk

ПО НАЈАВАТА ДЕКА ГЕРМАНСКА КОМПАНИЈА ВО ВЕЛЕС ЌЕ ГРАДИ ФАБРИКА…

Советот на општината го вклучи алармот – подготвува локација.

Советот започна процедура за промена на планот и земјиштето од земјоделско да стане градежно. Со ова ќе се овозможат услови новите инвеститори непречено да дојдат и да инвестираат во Велес, вели Славчо Чадиев, претседател на Советот на општината

ПО НАЈАВАТА ДЕКА ГЕРМАНСКА КОМПАНИЈА ВО ВЕЛЕС ЌЕ ГРАДИ ФАБРИКА...

Владата најави изградба на германска фабрика од автомобилската индустрија во Велес, а општинските власти се растрчаа да подготват терен. Советот започна постапка за промена на Деталниот урбанистички план во индустриската зона Речани 2″, бидејќи таа локација, според инвеститорот, била најпривлечна.
– Советот започна процедура за промена на планот и земјиштето од земјоделско да стане градежно. Со ова ќе се овозможат услови идните инвеститори непречено да дојдат и да инвестираат во Велес. Наше е да им понудиме добри услови – вели Славчо Чадиев, претседател на Советот на општина Велес.

Веста за фабриката брзо се прошири во Велес. Граѓаните засега се претпазливи. Дел се сомневаат дека целата работа можеби е предизборен маркетинг. Сепак, сите се согласуваат во тоа дека на Велес, некогаш најразвиен индустриски центар, му е потребна ваква инвестиција.
– Слушнав и мислам дека е за поздравување. Најавуваат дека 600 луѓе ќе работат таму. Тоа е одличен број за да заживее градот. Ако се реализира тоа, ќе биде одлично, пред се за младиве. Нема да бараат работа во светот, туку ќе имаат шанса да се вработат – вели жител на Велес.

Овој и наредниот месец се клучни дали германскиот инвеститор ќе гради фабрика во Велес. Министерот за странски инвестиции, Веле Самак, изјави дека пречки засега нема. Изградба на фабрика во Велес е неговиот приоритет.
– Најизгледен проект ни е германска фирма од автомобилска индустрија која начелно го има избрано Велес како една од локации, иако не споредуваа со Србија и Бугарија, но јас се надевам дека до крајот на февруари ќе ги завршиме овие преговори и ќе донесеме и во Велес уште една гринфилд инвестиција – вели Самак.

Ако се реализираат најавите, изградбата на фабриката ќе чини 20 милиони евра. Таму ќе се вработат помеѓу 500 и 1000 лица.

Извор: www.vecer.com.mk