На повидок нова фабрика за делови на БМВ и Мерцедес во Велес

Фабрика за делови за БМВ и Мерцедес

Во Велес ќе се гради фабрика за делови за автомобилите на БМВ и мерцедес во што германскиот инвеститор ќе вложи 20 милиони евра и која ќе овозможи вработување на 600 лица во првата фаза.
– До крајот на февруари се надевам ќе завршиме со преговорите и ќе успееме и во Велес да донесеме една нова гринфилд инвестиција. Таму има доста квалификувана работна рака и градот има позадина на индустрија. Се надеваме дека ова ќе направи пресврт во уште еден град и регион надвор од Скопје. Тој проект мене лично ќе ми биде во фокусот следниве два месеци – изјави министерот за привлекување странски инвестиции, Веле Самак, во интервју за Сител телевизија.

Според Самак, инвестицијата ќе претставува комбинација од трудоинтезивно и високотехнолошко производство.
– Се работи за некој вид комбинација од она што го прави “Џонсон Контролс” во Скопје и дополнителни пластични, рачни обработки. На крајот, деловите генерално ќе влегуваат во луксузните германски брендови, начелно БМВ и мерцедес – изјави министерот Самак кој вели дека компанијата “Мерцедес” направила ревизија и дала одлична оценка за почетното производство на “Дрекслмајер” во Кавадарци.
Министерот 2012 ја сумираше како незапаметена година во Македонија во поглед на бројот на нови фабрики кои почнаа да се градат или веќе да произведуваат и најави дека има уште неколку проекти за кои во моментов нема индикации дека ќе бидат откажани, а ќе се објават во текот на оваа година.

Извор: www.vecer.com.mk

Делницата Катланово – Велес во завршна фаза

Небезбедни, стари, темни патишта, речиси без патна сигнализација и згора на тоа во делови налик на депонии. Потоа, неосветлени тунели, стари наплатни рампи на запуштени патарини. Ова е состојбата на дел од македонските автопатишта. Ќе заличат ли на европските?

Делницата Катланово – Велес во завршна фаза

Секако, ако некој сериозно се заложи да го реши проблемот, но не со ветувања туку на терен со факти- а за тоа е потребно време.

 Во последните неколку месеци сведоци сме на промени.

Делницата Катланово – Велес е во завршна фаза. Да убеди, со екипата на Канал 5 на терен излезе и директорот на Агенцијата за државни патишта Љупчо Георгиевски. Се рехабилитираат 28 километри делница од автопатот Коридор 10.

Се осветлуваат тунелите, се заштитуваат критичните места со одрони за поголема безбедност.

– Тоа се овие три тунели од оваа делница, веќе се распишани тендери за нивно средување, голем дел од нив се завршени. Секако наидуваме во временски период кој што малку е полош, најверојатно за 10 дена ќе се отпочне со осветлување на тунелот поголемиот на влезот во Скопје од Велес кон Скопје, а сигнализацијата и бојадисување ќе ја оставиме за два месеци зависно од временските услови, вели Љупчо Георгиевски, директор на Агенцијата за државни патишта.

Додека да се автоматизираат се средуваат и патарините. Светлосна сигнализација, монитори за наплата, хортикултурано уредување.
Од октомври патарините преминаа во надлежност на Агенцијата за државни патишта. За само два месеци наплатата е зголемена за 14,6%.

Ќе се осветлуваат и поголемите клучки од Коридорот 8 и 10, кај Велес, Хиподром, Желино. Ќе има повеќе места за одмор со тоалети.

– Деновиве се отпочна активноста за проектирање и сметаме дека од пролет првата фаза на реализација на тој проект делницата од Велес до Кадрифаково со должина од 28 км под итно ќе треба да се рехабилитира, а тоа значи од постојните 6 метри кои што се во овој момент ќе треба да се прошират на 11 метри од таа траса и да добие две ленти по 3,5 метри и две по 2,5 метри. Така да имаме еден побезбеден сообраќај бидејќи таму имаше повеќе црни точки и сообраќајни незгоди на таа делница, вели Георгиевски.

Но она што е огледало на една нација е „свеста за чиста околина“- очигледно ја немаме. Агенцијата за патишта ќе ја подига свеста кај патниците со информативни табли преку кои ќе апелира да не се фрлаат кеси, пластични шишиња и други отпадоци со кои во моментов патиштата изгледаат на депонии.

 

Извор: www.kanal5.com.mk

АНГЛИЧАНИ ПРЕТСТАВИЈА ХИБРИДНА ТРАНСМИСИЈА

Британската компанија Xtrac која испорачува менувачи за тимовите од Формула 1 и за некои производители на скапи и луксузни модели, создаде нова трансмисија за спортски автомобили.

АНГЛИЧАНИ ПРЕТСТАВИЈА ХИБРИДНА ТРАНСМИСИЈА

Проектот беше претставен на меѓународен симпозиум во Берлин, посветен на иновативни менувачи, како и на хибридни и електрични погон на автомобилите. Новиот 7-степен менувач на Xtrac беше наречена од компанијата „хибридна автоматизирана механика“. Таа е наменета главно за автомобили, чии мотори имаат вртежен момент помеѓу 800 и 1000 Nm, a ќе им овозможи да бидат доста поекономични и ќе исполнуваат еколошките норми кои ќе влезат во сила во 2020 година.

АНГЛИЧАНИ ПРЕТСТАВИЈА ХИБРИДНА ТРАНСМИСИЈА2

Една од особеностите на трансмисија е 120-киловатен електромотор, кој и овозможува на машината да се движи само на електрична енергија до брзина од 150 km/h. Самиот менувач има неколку режими на работа – може возилото да биде управувано само на електрична енергија, само со моторот со внатрешно согорување или пак да ги комбинира и двата мотори како хибрид.

АНГЛИЧАНИ ПРЕТСТАВИЈА ХИБРИДНА ТРАНСМИСИЈА3

Освен тоа менувачката кутијата има систем кој овозможува (како при трансмисија со двојно кохезија), менувањето на брзините да биде без загуба на енергија. Од Xtrac тврдат дека нивната разработка е лесна, помалку комплицирана како конструкција и поекономична од познатите досега менувачи со двојно кохезија. Тежината на новата кутија е 168 килограми, каде е и системот за обновување на енергијата при сопирање.

АНГЛИЧАНИ ПРЕТСТАВИЈА ХИБРИДНА ТРАНСМИСИЈА4

 

Извор: www.avtoplus.mk

Ќе се градат автопати помогнати од Кина

Изградба на автопатска делница Миладиновци – Штип и надградба на патната делница Штип – Кочани, како и изградба на автопат Кичево – Охрид и на патот Охрид – Св. Наум, се приоритетни инфраструктурни проекти за македонската Влада што треба да ги реализира преку соработка и поддршка со Владата на Народна Република Кина.

Меѓудржавниот договор денеска во Скопје го потпишаа министерот за транспорт и врски Миле Јанакиески и кинескиот амбасадор во Скопје Цуј Џивеи.

– Со Договорот се дава приоритет на изградбата на инфраструктурните проекти, односно патна и железничка мрежа, мостови, електроенергетски и телекомуникациски објекти и активно се охрабрува соработка помеѓу банките и компаниите во двете држави со цел непрекината и успешна соработка, рече министерот Јанакиески по потпишувањето на договорот.

Според него, паралелно ќе се работи на изградбата на сите планирани делници, но најбргу може да се почне со автопатот Миладиновци – Штип за кој веќе е изготвен финален проект и е почнат процес за експропријација. На ниво на автопат ќе биде и патот Кичево – Охрид, за кој исто така веќе се изготвени проекти, а за патот Охрид – Св. Наум Агенцијата за државни патишта во наредните две години треба да изготви проектна документација.

За финансирање на делниците се планира да се искористат дел од 10 милијарди евра што ги најави кинеската Влада за развој на Југоисточна Европа, со кредитирање преку кинеската Експорт импорт банка. Динамиката и димензионирањето на тие проекти, според Јанакиески, ќе биде согласно Стратегијата за надворешниот  долг на Република Македонија.

– Моментно Владата на НР Кина најави дека имаат на располагање 10 милијарди евра наменети за развој на земјите од Југоисточна Европа, но можеби  во иднина ќе има и други можности  за развој на инфарструктурата. За патот Миладиновци – Штип нашата тенденција е да искористиме дел од тие 10 милијарди евра, а во иднина можеби ќе има и други  поповолни линии или друг начин на финансирање. Во конкретниот случај  за тие 10 милијарди евра се работи за  многу поволно кредитирање од кинеската Ексим банка, појасни Јанакиески.

Владата, укажа, сака да се реализираат сите приорити, но мора да се исполнат сите услови согласно Стратегијата за надворешниот долг, капацитетот на двете држави и сите останати мерки што ќе бидат преземени во иднина.

– Како  држава се уште сме во границата на ниско задолжени земји, но сепак треба да се почитува Статегијата за надворешниот долг во РМ при евентуални кредити за изградба на инфраструктурата. Но, овие проекти се наш приоритет и во соработка  со Министерството за финансии и вицепремиерот за економски прашања Владимир Пешевски ќе утврдиме динамика, бидејќи паралелно Министерството за транспорт  и врски со Министерството за финансии работи и на обезбедување  средства за изградба на Коридорот 8 кон Бугарија  и за гасификацискиот систем, појасни Јанакиески.

Кинескиот амбасадор во Скопје оцени дека договорот е резултат на долги подготовки и разговори помеѓу двете влади и претставува можност за продлабочување на соработката.

Договорот за соработка, меѓу другото, опфаќа и техничка помош од експерти, професионалци специјализирани за обука на домашни лица за изработка на развојни планови и други работи поврзани со инфраструктурните проекти, одржување тренинг курсеви, набавка на машини, опрема и материјали, размена на искуства  за сигнализација и интегрирани системи…

 

Извор: www.denesen.mk

Кои градови се сообраќајно најзагушени?

Холандскиот производител на навигациски уреди Том Том објави најнова листа на градови од Европа и Северна Америка со најголеми гужви во сообраќајот, а на прво место се наоѓаат Истанбул и Лос Анџелес.

Том Том се занимава со истражување на проток на сообраќајот во поголемите светски градови од 2007 година, за да ги развијат навигациските системи во возилата на корисниците на своите услуги.

Наместо следење на математички модели, оваа компанија собира податоци по пат на ГПС системите од милион возила ширум светот кои ги користат навигациските уреди на Том Том. На тој начин, се создава база на податоци која постојано се ажурира и која Том Том ја користи за подобрување на навигација на автомобилите во големите градови.

Врз основа на оваа база, објавена е листа на градови во Европа и Северна Америка со најголема загушеност во сообраќајот. Првото место на европската листа го зазаде Истамбул, со индекс на загушување од 57 отсто. Потоа следи Варшава со индекс 45 отсто, а на трето место е  Марсеј со индекс 42 отсто.

Што се однесува до северноамериканскиот континент, тука очекувано на прв е Лос Анџелес со индекс 34 отсто, потоа следи канадскиот град Ванкувер со 33 отсто, додека трет е уште еден калифорниски град Сан Франциско 29 отсто.

Ако се прашувате каде тука на пример е Скопје, ќе останете без информација за загушување на нашиот главен град. Поголемиот дел од источна Европа и речиси целиот Балкан се изземени од оваа статистика.

Погледнете ја листата на сообраќајно најзагушените градови во Европа и Северна Америка:

Европа:
1. Истанбул, 2. Варшава, 3. Марсеј, 4. Палермо, 5. Рим, 6. Париз, 7. Штутгарт, 8. Брисел, 9. Хамбург, 10. Стокхолм.

Северна Америка:
1. Лос Анџелес, 2. Ванкувер, 3. Сан Франциско, 4. Монтреал, 5. Торонто, 6. Вашингтон, 7. Сиетл, 8. Њујорк, 9. Чикаго, 10. Мајами.

 

Извор: www.tirekovmirece.com

Тојота тестира „паметни“ автомобили

Тојота моментално работи на системи кои драстично ќе ги намалат сообраќајните незгоди, и ќе овозможат автомобилите да комуницираат меѓу себе и со патиштата.

Автомобилите примаат информации од сензори и предаватели кои се инсталирани на улиците, за да се минимизира ризикот од сообраќајќи во ситуации како поминување на црвено светло, пешаци кои ја поминуваат улицата и слично. Се тестира и преносот на такви информации меѓу автомобилите.

Претставници на Тојота изјавија дека технологијата на „паметни“ автомобили ќе почне да се тестира на јапонските улици од 2014-та година. Слични тестирања се планираат во САД, иако за тоа нема никакви детали.

Сите производители на автомобили развиваат безбедносна технологија за да ја зголемат вредноста на автомобилите, особено на развиените пазари во САД, Европа и Јапонија.

Конкуренцијата на Тојота, Нисан, неодамна претстави автомобили кои биле доволно „паметни“ сами да сопрат, да се паркираат и да избегнат пешаци кои неочекувано ќе им се најдат на патот.

Од Тојота велат дека технологијата наскоро ќе биде достапна, но нема официјален датум, и се претпоставува дека ќе ја имаат луксузните модели Lexus.

Професорот на Универзитетот Парма, Алберто Броги, кој е и експерт за системи за интелигентен транспорт, вели дека идејата за автомобили без ризик за несреќа е „многу актуелна“ и дека веројатно ќе стигне на патиштата за неколку години.

Извор: www.on.net.mk

Дуелот на германските „џебни ракети“: BMW M135i против AUDI RS3 (ВИДЕО)

Крис Харис е еден од најпопуларните британски автомобилски критичари на Интернет, и тој во ова видео ги споредува двата најбрзи и најмоќни европски хечбек автомобили – Aуди рс3 и новиот БМВ м135и.

 

Според Крис, кога два германски автомобили од истата категорија ќе се најдат „очи во очи“ на пазарот, тие се најчесто многу слични – во цената, изгледот и перформансите. Но ситуацијата тука е поинаква.

Ауди рс3 има 2,5-литарски турбобензински мотор со 340КС и погон на сите четири тркала во комбинација со ДСГ менувач, и од 0 до 100 км/ч стигнува за 4,6 секунди.

Неговиот баварски ривал, м135, ја користи најновата изведба на 3,0-литарскиот 6-цилиндарски мотор на БМВ, со 320КС, со погон и на задните и на сите четири тркала. Во комбинација со 6-брзински мануелен менувач спринтот до 100 км/ч трае 5,1 секунда, додека 8-брзинскиот автоматик го скратува времето на 4,9 секунди.

Но најголемата разлика меѓу овие два модели е цената. Во Европа ауди рс3 е речиси за 20 отсто поскап од м135и, што значи дека разликата може да достигне неверојатни 10.000 евра.

ПОГЛЕДНЕТЕ ГО ВИДЕОТО ЗА ДУЕЛОТ НА ГЕРМАНСИТЕ “ЏЕБНИ РАКЕТИ”: . . .

Извор: www.mkd.mk

Британците произведоа бензин со помош на воздух и вода

Една мала британска компанија успеала да произведе бензин со помош на вода и воздух, со кој се надева дека еден ден ќе допринесе за производството на еколошкото гориво од широки размери.

Инженерската компанија “Air Fuel Synthesis” во Тисајд, на северот на Англија, тврди дека за три месеци создале пет литри синтетички бензин.

Технологијата се состои од издвојување на јаглен диоксид од воздухот и водород од водата и со нивно комбинирање во реактор со катализатор добија метанол со кој потоа се добива бензин.

Користејќи енергија која се обновува во овој процес, можно е да се произведе СО2 неутрално гориво кое може да се користи исто како стандардниот бензин.

“Горивото е почисто бидејќи е синтетичко” – објаснува официјалното лице на AFS, Питер Харисон.

Истражувањето е дел од двегодишниот проект кој засега чинел околу 1.6 милиони долари.

Но, “еколошкиот” бензин нема да може во блиска иднина да се појави на бензиските.

“Моментално не можеме да го произведуваме по сегашната цена на бензинот, но тоа ќе се случи. Сè што ни е потребно е енергија која се обновува, а кога нафтата ќе стане проблем, ќе бидеме во состојба да помогнеме за автомобилите и понатаму да се движат, а авионите да летаат” – вели Харисон.

AFS планира за две години да изгради фабрика која ќе произведува околу 1.200 литри специјално гориво наменето за спортските возила.

Извор: www.themen.mk

Пет најлоши автомобили на сите времиња

Ви ги претставуваме петте најлоши автомобили одбрани од стручњаци и од самите возачи.

5. Fiat Multipla 1997

4. Trabant 1957

3. Peel Trident 1964

2. Jugo 1980

1. Ford Pinto 1960

Извор: www.puls24.mk