Најдобриот тјунинг на Mercedes S класа

Lorinser oбјави сет на слики и видео снимка на најновиот Lorinser S70 пакет. Се работи за широко опремен пакет кој е заснован на Mercedes-Benz S600 L V12 Bi-Turbo. Lorinser направи подобрување во аеродинамиката, перформансите и внатрешноста на луксузната лимузина.

Mercedes – Benz  Lorinser Releases S70 6.0 V12 Bi-Turbo

Кога станува збор за перформансите, силата на овој автомобил сега изнесува 805КС и 1.270 Nm вртежeн момент помеѓу 1.900 и 4.200 o/min. Максималната брзина сега изнесува 300 km/h но на побарувачка на купувачите може да биде зголемена на 330 km/h.

Аеродинамичните подобрувања вклучуваат нова каросерија со исто така нов преден браник и LED светла, нов заден браник и преден дел, странични прагови и спојлер на кровот.

ПОГЛЕДНЕТЕ ГО ВИДЕОТО ЗА Mercedes – Benz  Lorinser Releases S70 6.0 V12 Bi-Turbo

Извор: www.themen.mk

ОЖИВУВАЊЕ НА АВТОМОБИЛСКИТЕ ЛЕГЕНДИ НА RENAULT

Groupe CAT овласти два свои тима од експерти да ги вратат повторно на патеката легендарните Renault 4CV и Caravelle, специјално за овој викенд, кога во Гудвуд ќе се одржи трка на историски автомобили од 40-те, 50-те и 60-те години на минатиот век.

Моделот 4CV е првиот француски автомобил, од кој се продадени повеќе од милион примероци. Познат како quatre pattes (од фр. – четири шепи), тој се покажа мошне адекватен за натпреварувања. Освоен што имапе успех на 24 часа Ле Ман, се потврди и на легендарната Mille Miglia. Класичниот родстер Caravelle е доработен од тим од Саутемптон. Сигурно ако излезете со овој возбудлив автомобил по улиците ќе ги натерате луѓето да го свртат погледот кон вас.

На оваа трка на легендите ќе видиме  повеќе претставници од Mercedes-Benz и Auto-Union, па Ferrari 250GTO, кои исто така ја одбележаа автомобилската историја.

Повеќе информации побарајте на http://www.goodwood.co.uk / revival.

Извор: Avto +

Дали може да се вози Mercedes SLK со штикли?

Кога ќе седне згодна девојак позади воланот на скап и егзотичен автомобил е тука веќе имаме вистински хит кој за кратко време ќе стане омилен на интернет, поготово помеѓу машката популација.

Погледнете го видеото и уверете се…

Извор: MKzabava.com

ИНТЕРВЈУ СО СЛАВЧЕ ТАНЕВСКИ, НАЈМЛАДИОТ ДИЗАЈНЕР ВО МЕРЦЕДЕС

Славче Таневски е најмладиот дизајнер во Мерцедес, а ние може да се пофалиме дека е наш сограѓанин. Тој е Македонец, студирал овде, но и во Германија. И покрај напорната работа, Славче одвои време за нас и ни одговори на неколку прашања. 

1. Што точно работиш во компанијата и како стигна до тоа место?
Моментално ја дизајнирам надворешноста на сите сериски возила на Мерцедес-Бенз. Од А-класа, сите лимузини, СУВ возила, до СЛС. Мојата работа се состои од давање предлози за изгледот на возилата како и нивна изработка во 3Д простор односно ЦАС или модели од глина. За моделирањето се задолжени специјализирани моделари кои ги насочувам како да го изработат според мојата замисла. Знаејќи го фактот дека само 12 дизајнери ги создаваат сите Мерцедес модели (а ги има доста) јасно е дека овој клуб од професионални дизајнери е ексклузивен и дека е многу тешко да се успее до таму. Мене најмногу ми помогна талентот и целата енергија што ја вложив додека студирав. Бев упорен и не се откажував. Заслуга за тоа што сум сега секако има и мојот факултет кој има одлична врска со студијата за дизајн во Германија и пошироко. За да биде комплетен пакетот, освен квалитетн дизајнер, треба да бидете пред се’ човек и професионалец, и а може да се интегрирате во тим. Ова шефовите за дизајн го еволуираа кај мене за време на 6 месечната дипломска работа кои ги поминав во истото студио каде што работам денес. Уште како студент во 5 семестар добивав задачи за сериско производство кои веќе можат да се видат на новата А-класа, но добив и фантастичен буџет за изработка на два сопствени проекти: Нимбус и Ариа.

2. Си студирал и на македонски и на германски факултет. Можеш ли да направиш споредба помеѓу факултетите овде и таму?
Најголемата разлика е процентуалната поделеност на теоретски и практичен дел. Студирав индустриски дизајн на Машинскиот Факултет во Скопје каде учев многу непотребни теоретски предмети, додека пракса имаше многу малку. Во Минхен беше сосем спротивно. Во Германија постои индустрија, во Македонија не. Во Минхен секогаш на 1во место било квалитетно да се изработи проектот и на крај студентот да добие работа. Во Македонија најважни се оценките и дипломата, во Германија тоа е портфолиото.

Од друга страна можноста да студирате дизајн е лимитирана. За 10ина места на смерот транспортен дизајн годишно конкурираат над 1000 ученици. Студиите траат 7 семестри и секој има право да студира максимум 11. Испитот смее да се преполага само 2 пати. Доколку паднете на било кој предмет по трет пат, автоматски добивате исписница.

3. Дали факултет е главната причина поради која се вработи во Мерцедес или има и побитни работи кои ти помогнаа во успехот?
Како што спомнав претходно, талентот и напорната работа се најважни. На факултетот се оптимираат вештините на студентот и преку спонзорираните проекти студентите се во фокусот на шефовите од автомобилските дизајн студија, односно идните работодавци.

4. Дали сметаш дека може да се постигне толкав успех во Македонија?
Не. Барем не како дизајнер. Како прво во Македонија нема индустрија. Второ во Македонија нема зантересираност за дизајн пред се, а и вредните и чесни луѓе не проаѓаат славно. Мислам дека трудот не е доволно ценет и луѓето добиваат признание за она што биле и што го работеле после нивната смрт, за жал.

5. Дали имаш идоли или луѓе кои те инспирираат?
Секако. Како луѓе мои идоли секогаш биле моите прекрасни родители на кои им должам многу. Како млад човек најголем идол ми е Тоше Проески. Дечко за пример во секој поглед. Како уметници почитувам многу луѓе: Милчо Манчевски, Марчело Гандини, Заха Хадид, Крис Бенгл со кој лично се знам и многу други. Многу ме инспирираат и моите колеги на работа кои секогаш добронамерно ме критикуваат и ме поттикнуваат да напредувам.

6. Како ги помниш студентските денови? Дали би сакал да ги живееш одново?
Студентските денови ќе ги помнам по убаво. Не беа многу различни од професионалниот живот денес, но имаа некоја магија. Немаше можеби многу дружење, но многу убави работи ми се случуваа уште од 2 семестар со Ламборџини Анкониан, како и со Ламборџини Мадура. Следуваа многу награди, посети на саеми како и ангажманите прво во МИНИ Десигн (9 месеци) а веднаш потоа и во Мерцедес-Бенз. Сепак слободата што ја имам сега како професионален дизајнер не би ја менувал за студентските денови.

7. Што би им порачал на сегашните и идните македонски студенти?
На македонските студенти би им препорачал да бидат упорни и да се вложуваат максимално во тоа што го сакаат, доколку навистина имаат цел. Да се интересираат и да контактираат со луѓе кои успеале. Да ги влечат професорите за ракав и да бараат знаење и совет од нив. Треба да покажат глад за знаење и да бидат самоиницијативни.

Извор: Fakulteti.mk

МАКЕДОНЕЦ СТУДЕНТ ДИЗАЈНИРА АВТОМОБИЛ ЗА МЕРЦЕДЕС.

Младиот скопјанец Славчо Таневски направил дизајн за автомобил „мерцедес“ што ги воодушеви Германците поради што веднаш му понудиле работа.

Славчо Таневски, 23-годишен скопјанец, студент на дизајн во Минхен, од неодамна стана член на реномираната германска компанија „Мерцедес – Бенц“. Средношколецот од гимназијата „Раде Јовчевски-Корчагин“, кој една година студирал на Машинскиот факултет, а студиите ги продолжил во Германија, подготвил дипломска работа, автомобил АИДА од марката „Мерцедес Бенц“. Трудот ги воодушевил првите луѓе од фирмата, по што тие веднаш оствариле контакт со талентираниот Таневски и му понудиле работа на неопределено време. Тоа било вистинска реткост во досегашната практика на „Мерцедес Бенц“, каде што најчесто се нудат работни места за определен период.

Таневски и ова негово посебно достигнување беше презентирано на вчерашната прес-конференција на „Мерцедес Бенц Мак ауто стар“, при што младиот Таневски посочи дека ова вработување за него значи голем поттик во натамошното работење и добар почеток на кариерата.

Инаку, по повод 125-годишниот јубилеј на „Мерцедес“, „Мерцедес – Бенц Мак ауто стар“, преку конкурс реши да го бара најдобриот млад дизајнер во Македонија. Конкурсот започна вчера, а ќе трае до 19 декември годинава, односно 125 дена. Целта е да се изработи дизајн-студија под насловот: „Мерцедес дизајн на иднината“.

Како што истакна Владица Кокаловиќ, директор на маркетинг и односи со јавноста во „Мак ауто стар“, оваа компанија, како една од најстарите во автомобилскиот бизнис во Македонија, досега поддржала голем број проекти од разни области од општествениот живот.

„Така и сега, ’Мерцедес Бенц Мак Ауто Стар“, како социјално одговорна компанија, има намера преку овој конкурс да им овозможи на сите студенти, млади луѓе и невработени, до 30-годишна возраст, да ја искажат својата способност и талент и да креираат дизајн што ќе се базира на досегашниот развој на ’Мерцедес‘ во изминатите 125 години, како и врз основа на денешните вредности на брендот“, посочи Кокаловиќ.

Директорот за патнички возила на оваа македонска компанија, Марко Јовановски, истакна дека „Мерцедес Бенц Мак ауто стар“ е компанија што се грижи за младите, особено за оние со изразен спортски и динамичен дух, но и за повозрасните, чиј престиж и успех постојано се следи преку имиџот и филозофијата најдобрите секогаш го сакаат најдоброто.

„Тоа е главен мотив во изминатите 125 години и токму во духот на нашиот слоган – 125 години иновации сакаме да продолжи успешната приказна и во Македонија, преку конкурсот за најдобар дизајн“, изјави Јовановски.

Инаку, компанијата прв пат го распишува овој конкурс, а планира да стане тоа традиција. За студентите поблиску да се запознаат со целата идеја, ќе има неколку предавања на факултети. Додека условите за учество на конкурсот, како и процедурата за изработка на проектот, можат да се погледнат на веб-порталот http://www.mercedes-benz.mk или да се добијат директни одговори на адресата : marketing@makautostar.com.mk.

Победникот ќе биде објавен на крајот на јануари следната година и ќе биде награден со патување во седиштето на „Мерцедес Бенц“ во Штутгард. Погледнете го видеото за Mercedes Benz Aria Concept…