Ова е Stinger 609 – најмалиот V8 мотор во продажба

Достапен е како атмосферец и во комбинација со компресор, а развива 5.5 КС, односно 9 КС…

А цената му е 4.400 евра за послабата и 5.400 евра за помоќната варијанта.
Со димензии од 35 сантиметри во должина, 15 сантиметри во ширина и 25 сантиметри во висина, тежи пет килограми, а има зафатнина од 100 кубни сантиметри. Сето ова го прави најмалиот V8 мотор некогаш изработен, но и најслабиот. Како се кажува, V8 мотор со 5.5, или 9 “коњи”?
Интересно е што таа моќност е достапна при 9.500 вртежи во минута кај послабата и високи 10.500 кај посилната верзија.
Како звучи? Проверете сами, преку видеата во продолжение.

1. ПОГЛЕДНЕТЕ ГО ВИДЕОТО …

2. ПОГЛЕДНЕТЕ ГО ВИДЕОТО…

3. ПОГЛЕДНЕТЕ ГО ВИДЕОТО…

Извор: www.koli.com.mk

JAGUAR F-TYPE НАЈДОБАР АВТОМОБИЛ-ЕКСПОНАТ НА САЛОНОТ ВО ПАРИЗ

Новиот Jaguar F-TYPE беше избран од уредниците на престижното американско издание Autoweek за најдобар експонат на меѓународната автомобилска изложба во Париз.

„Со витка линија, крајно привлечен, секси …, а од друга страна многу моќен, F-Type се претвора во нова икона за Jaguar“, коментира Ендрју Стој од Autoweek. „Кога ќе го спуштите покривот, па го стартувате моторот и забревтаат оние осум цилиндри, вие едноставно сте во некој друг свет. Ова е несомнено е дел од соништата на секој кој посакува спортски автомобили”.

Jaguar F-Type се нуди во три главни верзии F-TYPE, F-TYPE S и F-TYPE V8 S, а за погонот се грижат новиот 3,0 V6 мотор со 340 или 380 коњски сили и 5,0 V8 со 495 КЅ. Најмоќната модификација ќе биде во можност да се забрза од 0 до 96 km/h за 4.2 секунди и да развие максимална брзина на движење од 300 km/h.

 

Извор: www.avtoplus.mk

Ова е новата Volkswagen Buba во кабриолет верзија!

До саемот во L.A., кој почнува на крајот од ноември, остана уште многу време, толку многу што Volkswagen не можеше да причека, при што ги објави првите официјани фотографии за кабриолет верзијата Buba.

Не сме изненадени што новата Buba кабриолет ја следи истата формула видена како и кај својот претходник, комбинација од ретро стил со кров традиционално сместен позади задните седишта.

Volkswagen изјави дека со подигнат кров изгледа на првата генерација на Buba. Спуштањето на кровот трае 10 секунди и може да се спушти до брзина на возење од 48km/h.

На основниот модел ќе се најде 1.2 – литарски TSI со 104 КС, а останатите бензиски мотори ќе бидат понудени со 1.4 – литарски и 2.0  TSI со 158, односно со 197 КС.

Кога станува збор за дизелскиот агрегат, купувачите може да бираат помеѓу 1.6 – литарски и 2.0 литарски TDI со 103, односно 138 КС.

Извор: www.puls24.mk

КАМИОНОТ НА ГОДИНАТА ВО МАКЕДОНИЈА

Во рамките на неодамна завршениот втор Меѓународен саем за транспорт и логистика, македонскиот импортер за програмата на Iveco, компанијата Каргомакс од Скопје, го претстави новиот модел Stralis Hi-Way,Камионот на годината за 2013

По претставувањето во Хановер на најголемата саемска смотра на стопански и комерцијални возила, каде и му беше доделена престижната награда, Iveco Stralis Hi-Way пристигна и во македонската метропола. Ова претставува голем респект кон нашиот увозник Каргомакс, кој е еден од водечките субјекти на ова поле не само во државава, туку и во регионот. Наградата се доделува од меѓународното жири за избор на  Камион на Годината, кое се состои од водечки новинари, претставници на изданија од 25 европски држави каде функционираат над 700.000 транспортни компании. Во согласност со правилата на меѓународното жири годишната награда Камион на Годината се доделува на стопанско возило, чија премиера била во последните 12 месеци и кој има најголем придонес кон ефикасноста на транспортот, разгледувана од неколку различни перспективи – горивна ефикасност, безбедност, однесување на патот и околината.

Iveco Stralis Hi-Way се одликува со смели иновативни решенија кои ги задоволуваат строгите еколошки норми Евро 6, базирани на технологијата SCR за дополнителна обработка на издувните гасови. Овој чекор на италијанскиот производител трасира сосема нов пат, различен од оној на другите европски производители, во однос на намалувањето на штетните гасови од дизел моторите на камионите. Во Iveco се базираат на два главни фактори: прецизен алторитам за контрола на работата на моторот врз основа на претходна оценка и особено ефикасниот систем за мешање на издувните гасови и дополнителната течност AdBlue.

Очекувањата се дека моторите Hi-eSCR кај новиот Stralis Hi-Way, заедно со целокупната оптимизација на компонентите и подобрената аеродинамика на кабината ќе доведат до сериозно намалување на потрошувачката на гориво согласно еколошки норми Евро 6, кои влегуваат во сила од 1 јануари 2014 година. Реконструираната кабина на Stralis Hi-Way нуди за возачот тивка, удобна и пријатна работна средина. Новиот Stralis Hi-Way се нуди со современи системи за безбедност и иновативни телематички решенија, кои може да се контролираат благодарение на 7-инчен touch-screen екран, вграден во контролната табла. Овие карактеристики, како и функцијата за многу детална проценка на стилот на возење на возачот, придонесуваат за постојана контрола на сите елементи и компоненти во текот на управувањето на возилото.

Новиот Stralis ќе се испорачува со мотори Cursor, создадени од FPT Industrial engines. Тоа се редните шестцилиндерски агрегати во три варијанти од  9, 11 и 13 литри за гамата Евро-6. Дизел моторите се достапни во 8 варијанти на моќност во интервалот од 310 до 560 КС, а на располагање се и три CNG верзии – од 270 до 330 КС.

Како што истакнуваат од Каргомакс, се разбира од нивото на опрема и изборот на агрегатот, цената на најновото издание на Iveco Stralis Hi-Way е од 70.000 евра па нагоре, сите заинтересирани веќе може да го нарачаат и ќе им биде испорачан на почетокот на следната година.

Извор: www.avtoplus.mk

Зголемена продажбата на автомобили во САД во септември

Производителите на автомобили „Тојота“ и „Крајслер“ во септември забележаа солиден успех во САД, додека нивните конкуренти „Џенерал моторс“ (ГМ) и „Форд“ соопштуваат за мал раст на продажбата, иако вкупната прогноза во автомобилската индустрија делува позитивно.

ГМ го евидентираше најуспешниот септември од 2008 година, со раст на продажбата од скромни 1,5 отсто или 210.245 возила, пренесоа светските агенции.

-Продажбата на автомобили и натаму е светла точка во американската економија, што е особено добра вест за ГМ, бидејќи во 2013 и 2014 година ќе исфрлиме повеќе нови производи, рече шефот за продажба во ГМ во САД, Курт Мекнили.

ГМ наведува дека „ агресивно работи на замената на постојните возила со модели со подобар дизајн, повеќе технологија и поекономична потрошувачка“, што значи дека оваа и следната година дури 70 отсто од неговите модели ќе бидат нови или редизајнирани.

„Крајслер“, исто така, очекува добри резултати, откако продажбата во септември беше зголемена за 12 отсто, на 142.041 возило, од што продажбата на автомобили нараснала за 27 отсто, а на камионите за шест отсто.

„Тојота“ наведе дека продажбата во септември им нараснала за 42 отсто, на 171.910 возила.

„Форд“ евиденира пад на продажбата од 0,1 отсто на 174.976 возила, бидејќи продажбата на камиони им се смали за осум отсто, иако вториот по големина американски производител на автомобили го истакна фактот дека продажбата на нивните мали автомобили нараснала за 73 отсто, или на највисокото ниво во последната деценија.

„Фолксваген“ ја зголемил добивката по агресивното ширење на американскиот пазар, со раст на продажбата од 34 отсто, на 36.663 возила во септември.

Извор: www.kurir.mk

LADA ГО ПУШТА B-CROSS ВО СЕРИСКО ПРОИЗВОДСТВО

Додека целиот автомобилски свет го насочил своето внимание кон салонот во Париз, руската компанија АвтоВАЗ одлучи да привлече внимание и кон себе.

Од нејзиното раководство официјално објавија дека планираат да го пуштат во сериско производство кросоверот што како концепт беше претставен неодамна на салонот во Москва.

Во официјалното соопштение на компанијата се вели дека е донесена одлука за отпочнување на проектите BM-Hatch и теренска верзија B-Cross. Тоа се случило на состанокот на одборот на директори на автомобилскиот гигант, за време на салонот во Париз.

„Во претставувањето на бизнис-плановите до 2020 година доставивме до врвот на Алијансата програма за развој, се разбира со сериозна помош и инвестиции од нашите партнери. Ова ќе ни овозможи уште во 2014 година да пуштиме во приозводство нова генерација мотори Н4 во фабриките во Тољати и Ижевск“ , објави претседателот на одборот на директори на АвтоВАЗ, Сергеј Чемезов.

Иако нема подетални информации кога точно ќе се случи тоа, наскоро се очекува сериско производство на кросоверот Lada X ray, која беше еден од хит изданијата на салонот во Москва, на почетокот на минатиот месец. Се очекува возилото, сепак  да претрпи некои промени во споредба со прототипот, кој дебитираше во руската престолнина, но генерално ќе биде задржана новата линија на дизајнот, кој го преземат Русите и за другите свои модели.

Извор: www.avtoplus.mk

PARIS MOTOR SHOW 2012: НОВИТЕТИТЕ ОД HONDA

Главниот акцент на штандот на Honda на салонот во Париз е на целосно новата генерација на луксузниот теренец CR-V. Сериозен интерес се очекува да предизвика и верзијата за моделската 2013 на моделот CR-Z, кој е обновен со дизајн на екстериерот и ентериерот, а моќноста на хибридниот погон е зголемена.

Првите испораки на целосно новата Honda CR-V ќе бидат реализирани во есента оваа година. Автомобилот кој досега е продаден во над 5.000.000 единици од 1995 година па наваму, ќе се нуди со широк избор на агрегати, кои ќе се нудат во комбинација, како со систем за погон на сите четири, така и на две тркала. Товарниот простор на возилото е со капацитет од 589 литри, а ако се соборат седиштата, слободниот волумен може да биде зголемен до 1.648 литри или за 148 l повеќе во споредба со она кај претходникот. Она што посебно треба да се потенцира кај новата генерација на Honda CR-V се и оптимизирани аеродинамика, подобра изолација од вибрации и бучавост на каросеријата, стандардните системи за заштеда на гориво Idle-stop, Eco Assist и ECON Mode, како и изборот меѓу бензински и дизел мотор. Во опремата на овој модел ќе може да се вклучат адаптивен засилувач на управувачот, адаптибилен систем за погон на сите тркала, електронска стабилизирачка програма, систем за помош на поаѓање на угорници и друго. Новиот CR-V ќе се нуди со 2,0 i-VTEC погонски агрегат со максимална моќност од 155 КЅ и максимален вртежен момент од 192 Nm, а 2,2-литарски i-DTEC дизел мотор ветува 150 коњски сили и 350 Nm.

Honda CR-Z 2013 е со обновен дизајн на екстериерот и ентериерот, а моќноста на хибридниот систем е зголемена. На штандот на Honda на Sалонот во Париз се демонстрира исто така футуристички ev-ster, а компанијата ја одбележува и 40-годишнината од пазарнато лансирање на моделот Civic.

Извор: www.avtoplus.mk

Golf BlueMotion троши 3,2 литра на 100 км

Golf BlueMotion е најавен на почетокот на идниот месец во Берлин,  каде што ќе се одржи претставувањето на новата генерација на Golf, а на саемот во Париз ќе дебитира во концептна форма.

Golf BlueMotion е најефикасниот Golf на сите времиња  во поглед на потрошувачката. Тој ќе троши 3.2 лит/100 км и ќе има емисија од јаглероден диоксид од 85g/км.

Golf BlueMotion има 1.6 – литарски TDI дизелски агрегат со 109 КС и 250 Nm обртен момент кој развива максимална брзина од 202 км/h.

Извор: www.puls24.mk

Протекоа првите фотографии од Jaguar F-Type

Вчера се појавија првите неофицијални фотографии на Jaguar F-Type кои го покажуваат спортскиот roadster од сите можни агли, вклучително и неговата внатрешноста. Од Jaguar во меѓувреме како да се навлекоа на промовирање на моделот во камуфлажа, па ако пред неколку месеци тие така и го најавија, оваа недела продолжуваат со серија на видеа на кои е прикажано како е тестиран камуфлираниот F-Type. Додека од британската марка тактизираат и сакаат уште повеќе да ја зголемат мистичноста на новиот модел, некој друг добро си ја завршил работата, па на неколку дена од официјалната премиера, можеме да го видиме прекрасниот roadster.

C-X16 купе концепт моделот, прикажан минатиот септември во Франкфурт, јавноста го прими одлично и не беше тајна дека новиот F-Type ќе позајмува некои дизајнерски потези токму од него, но никој не очекуваше дека двата модели ќе бидат речиси идентични. Jaguar по се изгледа, се потпрел на проверената формула – тимот што победува не се менува (во овој случај дизајнот на моделот) – па направил ситни измени и го отстранил покривот.

Кога станува збор за погонот, Jaguar не беше толку мистичен, па знаеме дека понудата на мотори за новиот F-Type ќе ја сочинуваат два 3.0-литарски V6 мотори со натполнење и “R” модел погонуван од 5.0-литарски V8 мотор со натполнење.

Извор: avtoportal.mk