Околу 100 милиони евра за реконструкција и изградба на патишта во 2013.

Близу 100 милиони евра Владата ќе одвои за реконструкција и изградба на нови патишта низ земјава оваа година. Во 2013, 133 локални патишта со должина од 162 километри во 70 општини низ државата ќе бидат реконструирани или изградени, за нив се одвоени 17 милиони евра од буџетската каса.

Околу 100 милиони евра за реконструкција и изградба на патишта во 2013

Според владиниот портпарол Ѓорѓиев ќе бидат вложени и 30 милиони евра во 11 регионални патишта со должина од 160 километри.

Владата одвоила и 200 милиони денари за старт на проектот за модернизација и воведување електронски системи за наплата на патарините.
Пари ќе има за секоја општина независно од составот на населението, нејзината големина или пак политичката припадност на градоначалникот, вели Александар Ѓорѓиев, портпарол на Влада.

Патиштата дел од фокусот и на министерот за транспорт Јанакиески. Даде отчет за сработеното лани. Покрај инфраструктурните проекти во министерството се работеше и на набавка на 311 нови автобуси , проектот за водоснабдување и одведување отпадни води, се изградија 3 објекти, а 11 чекаат за целосна реализација на станови за социјално ранливи категории на лица, отуѓување на државно земјиште, решение за дивите превозници.

На граѓаните им се овозможени и пониски цени на авиобилетите преку проектот за финансиска поддршка на авиопревозници и склучениот договор со нискотарифната компанија Виз Ер која започна со оперирање на 6 нови дестинации од Скопје до Малме, Базел Мулуз, Ајндховен, Дортмунд и Меминген – Минхен. – Поволните авиобилети за само два месеци, од кога беа воведени ги искористија повеќе од 112.000 граѓани, вели Миле Јанакиески – министер за транспорт и врски.

2012 транспорт ја бележи и со стартот на големиот инвестициски циклус во железницата.

Во тек се проекти за целосна рехабилитација на пругите на три делници вредни 17,6 милиони евра. Се реконструира и делницата Куманово – Бељаковце за што се обезбедени 46,4 милиони евра. Добиени се средства и за изработка на проект за железничко поврзување со Албанија.

 

Извор: www.kanal5.com.mk

Advertisements

Делницата Катланово – Велес во завршна фаза

Небезбедни, стари, темни патишта, речиси без патна сигнализација и згора на тоа во делови налик на депонии. Потоа, неосветлени тунели, стари наплатни рампи на запуштени патарини. Ова е состојбата на дел од македонските автопатишта. Ќе заличат ли на европските?

Делницата Катланово – Велес во завршна фаза

Секако, ако некој сериозно се заложи да го реши проблемот, но не со ветувања туку на терен со факти- а за тоа е потребно време.

 Во последните неколку месеци сведоци сме на промени.

Делницата Катланово – Велес е во завршна фаза. Да убеди, со екипата на Канал 5 на терен излезе и директорот на Агенцијата за државни патишта Љупчо Георгиевски. Се рехабилитираат 28 километри делница од автопатот Коридор 10.

Се осветлуваат тунелите, се заштитуваат критичните места со одрони за поголема безбедност.

– Тоа се овие три тунели од оваа делница, веќе се распишани тендери за нивно средување, голем дел од нив се завршени. Секако наидуваме во временски период кој што малку е полош, најверојатно за 10 дена ќе се отпочне со осветлување на тунелот поголемиот на влезот во Скопје од Велес кон Скопје, а сигнализацијата и бојадисување ќе ја оставиме за два месеци зависно од временските услови, вели Љупчо Георгиевски, директор на Агенцијата за државни патишта.

Додека да се автоматизираат се средуваат и патарините. Светлосна сигнализација, монитори за наплата, хортикултурано уредување.
Од октомври патарините преминаа во надлежност на Агенцијата за државни патишта. За само два месеци наплатата е зголемена за 14,6%.

Ќе се осветлуваат и поголемите клучки од Коридорот 8 и 10, кај Велес, Хиподром, Желино. Ќе има повеќе места за одмор со тоалети.

– Деновиве се отпочна активноста за проектирање и сметаме дека од пролет првата фаза на реализација на тој проект делницата од Велес до Кадрифаково со должина од 28 км под итно ќе треба да се рехабилитира, а тоа значи од постојните 6 метри кои што се во овој момент ќе треба да се прошират на 11 метри од таа траса и да добие две ленти по 3,5 метри и две по 2,5 метри. Така да имаме еден побезбеден сообраќај бидејќи таму имаше повеќе црни точки и сообраќајни незгоди на таа делница, вели Георгиевски.

Но она што е огледало на една нација е „свеста за чиста околина“- очигледно ја немаме. Агенцијата за патишта ќе ја подига свеста кај патниците со информативни табли преку кои ќе апелира да не се фрлаат кеси, пластични шишиња и други отпадоци со кои во моментов патиштата изгледаат на депонии.

 

Извор: www.kanal5.com.mk

Потпишан договор со ИФЦ за патарините на патниот правец Скопје-Гостивар-Кичево

Министерството за транспорт и врски денеска соопшти дека е потпишан      договор со Меѓународната финансиска корпорација (ИФЦ) за советодавни услуги во однос на реализацијата на предвидениот проект за изградба, одржување и наплата на патарини на патниот правец Скопје-Гостивар-Кичево, кој е дел од патниот Коридор 8 во Република Македонија.

Целта на договорот е обезбедување консултантски услуги и изработка на студии и анализи. Согласно текстот, ИФЦ ќе има обврска до Владата на Република Македонија да предложи модел за имплементација на проектот за концесија на патниот правец Скопје-Гостивар–Кичево и да биде трансакциски консултант на Владата се до склучување на договор со потенцијалниот најповолен понудувач. ИФЦ ќе биде задолжена да и асистира на Владата во структурирање на проектот и подготвување на транспарентен, фер и компетитивен процес за привлекување приватен партнер за изведување на проектот по модел на јавно-приватно партнерство.

Со договорот, како што се наведува во соопштението, се предвидува во временска рамка од 14 месеци до две години да бидат имплементирани две фази на овој проект, кој треба да заврши со избор на најповолен понудувач.

За време на изведување на првата фаза од проектот, ИФЦ ќе треба да ги разгледа и направи анализа на сите релевантни информации кои се однесуваат на концесијата на патиштата, да изготви техничко-сообраќајна анализа, детален финансиски модел, испитување на пазарот и изработка на препорачлива структура за имплементација.

Доколку по оваа фаза бидат прифатени изготвените студии ќе се имплементира втора фаза од проектот во која од страна на ИФЦ ќе се промовира моделот за концесија, ќе се асистира во фазата на претквалификација, изработка на тендерска документација, преговорите со претквалификуваните компании и во завршување на тендерската постапка со избор на најповолниот понудувач и склучување на договор.

Меѓународната финансиска корпорација (ИФЦ), која е член на Светска банка, е најголемата глобална развојна институција, фокусирана исклучиво на приватниот сектор во земјите во развој и финансира и обезбедува советодавни услуги кои се однесуваат на проекти основани на јавно-приватно партнерство, а преку својата советодавна активност им помага на владите да создадат услови кои го стимулираат вливањето на домашни и странски приватни инвестиции.

Извор: www.sitel.com.mk

 

Странците непријатно изненадени – на патарините веќе не примаат евра

Странците што поминуваат низ земјава непријатно се изненадени што дури кога ќе стасаат на патарината дознаваат дека веќе не се примаат евра или друга странска валути.

Наредбата ја издал првиот човек на ЈП „Македонија пат“ без да има претходно известување за возачите, а важи од 25 септември,  пишува Дневник.

Се поставува прашањето како странците ќе плаќаат патарина кога се знае дека до 2014 година нема да проработи електронски систем за наплата.

Дополнителен проблем е што повеќето странци низ земјава минуваат транзит за до Грција и немаат воопшто ниту потреба да имаат денари во себе. Посебно иритира и фактот што во Македонија нема каде да се заменат пари, на патарините нема менувачници, а единствената која е на промер на граничниот премин со Србија често не работи, реагираат странците.

.. Влегов во Македонија доцна вечерта, после 2 часот по полноќ, на патарината кај Куманово не ми дадоа да платам во евра, им понудив картичка, но рекоа немаат можност да ми наплатат на тој начин. Го прашав па добро дајте ми решение што да правам. Се вратив назад до Куманово да најдам менувачница, но ништо не работеше нормално во тоа глуво доба, на крајот замолив еден камионџија кој беше на патарината зад мене да ми смени 10 евра.,, за MKnews.MK вели револтирано 35 годишната Марија Вуисиќ од Врање која често низ земјава минува транзит бидејќи има бизнис во Солун, Грција.

,, Се враќав викендов од Грција и намерно оставив ситни евра за да ги потрошам за да платам патарина. Непријатно ме изненади вработениот на патарината, кој не ми ги примаше еврата и инсистираше да платам во денари. Не бев само јас, имаше и странски држававјани, кои бледо гледаа и не разбираа што се случува. И зошто никој не информира дека веќе не важат еврата – вели Валентин Митревски од Скопје за Дневник.

Според Дневник еврата на некои патарини минуваат на некои не. Скопјанец за весникот изјавил дека на враќање од Охрид без проблем платил патарина во евра.

Електронската наплата на патарините се очекува да почне од 2014 година, најпрвин по Kоридорот 10, а потоа и по Kоридорот 8, со што се очекува да се надминат долгите колони и чекања пред рампите, како и проневерите со собраните пари, пишува дневник.

Извор: www.sitel.com.mk

ПОВТОРНО СЕ НАЈАВУВА ЕЛЕKТРОНСKАТА НАПЛАТА НА ПАТАРИНИТЕ НИЗ ДРЖАВАВА

ПАТАРИНИТЕ БЕЗ ИНКАСАТОРИ ПО 2014

Електронскиот систем за наплата засега нема да ги поскапи патарините, иако Македонија има најниска цена во регионот, вели Љупчо Георгиевски, директор на Агенцијата за државни патишта

Патарини без инкасатори, бесплатна телефонска линија за поплаки и видеонадзор за следење на метежот на наплатните рампи. Ова е само дел од обемниот и амбициозен план за модернизирање на патарините, кој го најави Љупчо Георгиевски, директор на Агенцијата за државни патишта, која од 1 октомври ќе ја преземе надлежноста за нив од „Македонијапат“. Според него, воведувањето на новиот систем на наплата засега нема да ги поскапи патарините, иако, како што вели, тие во Македонија се најниски во споредба со земјите во регионот.
Електронската наплата на патарините се очекува да почне од 2014 година, најпрвин по Kоридорот 10, а потоа и по Kоридорот 8, со што се очекува да се надминат долгите колони и чекања пред рампите, како и проневерите со собраните пари. На 4 септември завршува рокот за пријавување на јавниот повик за електронска наплата на патарините, а од Агенцијата за државни патишта очекуваат дека до крајот на годината ќе биде познат изведувачот. Рокот на изведба на проектот е 18 месеци, а 17-те милиони евра се обезбедени од Европската банка за обнова и развој.
Планираме целосно да се изземе човечкиот фактор. Наместо со готови пари, ќе се плаќа со банкарски картички или со специјални смарт-картички, кои ќе може да се купат во секоја трафика, дуќан или бензинска пумпа. Ако некој нема картичка, не мора да плати веднаш. Неговото возило и регистрација ќе бидат снимени и ќе добие сметка на домашна адреса, која ќе треба потоа да ја плати. Странците ќе имаат опција да плаќаат со банкарски картички – појаснува директорот Георгиевски.
Тој информира дека ќе бидат преземени 257 вработени од „Македонијапат“, кои работат на патарините и кои ќе треба да се придржуваат кон новиот правилник за работа.
Со преминувањето кај нас тие потпишуваат дека ќе ги почитуваат правилникот и нашите акти, каде што стои дека мора да има резервен инкасант, раководител и 24-часовно присуство на дополнителен помошник-раководител. Недозволиво е од четири наплатни рампи да работи само една и не смее да се случи рампата на патарините да биде подигната. Ако не се почитува правилникот, ќе бидат спроведени санкции кон вработените – истакна Георгиевски и најави дека во следните три години, односно до воведувањето на електронскиот систем за наплата, нема да има намалување на нивниот број, освен тие што ќе си заминат доброволно или поради пензионирање.
За да се засили работната дисциплина, ќе се вршат засилени контроли и ќе се воведе бесплатна телефонска линија за граѓанитена која ќе може да пријавуваат нерегуларности.

Во делот на модернизацијата се планира да се обноват наплатните куќички и во нивна близина да се изградат потребни помошни објекти за вработените, а ќе се постави ново осветлување и сигнализација. Се планира, на јасно видливо место на секоја патарина, да се постави набљудувачка кабина, во која ќе има човек што ќе се грижи за безбедноста на наплатувачите и на возачите. За таа цел на наплатните рампи ќе се постават камери, а видеонадзорот ќе може да го гледаат и граѓаните на веб-страницата на Агенцијата за да се информираат дали има метеж на патиштата. Агенцијата за државни патишта планира да распише и јавен повик за собирање на средствата од наплатните рампи, односно собирањето на парите најверојатно ќе се врши преку банка, која ќе биде задолжена еднаш во текот на денот да гарантира за парите и да ги уплати на нивна сметка.

Доцнат парите од техничките прегледи

Апелирам до фирмите за технички преглед на возила редовно да ги плаќаат долговите кон Агенцијата за државни патишта и другите државни институции инаку ќе бидеме принудени да преземаме строги мерки за да ги добиеме овие пари, вели Георгиевски.
– Според законот, парите за одржување на патиштата што ги наплаќаат од граѓаните при техничкиот преглед на возилата мора да ги уплаќаат на наша сметка во рок од десет дена. Последната инспекција на работата на сервисите за технички преглед утврди дека тие ни должат околу 4 милиони евра за последниве неколку години – вели Георгиевски.

Тунелите ќе се осветлат

Во текот на следната недела ќе биде објавен и јавен повик за безбедносно средување на тунелите со комплетна промена на осветлувањето, белење на ѕидовите и обележување со флуоросценти бои. Исто така, ќе се осветлат влезовите и излезите од тунелите.
Според најавите, наскоро ќе се постави камен-темелник за автопатската делница од Демир Kапија до Смоквица и ќе се санира патот Смрдлива Вода-Kожув, кој беше оштетен од лошите временски услови. До Нова година ќе се доврши патниот правец Радовиш Струмица во должина од три километри. Годинава се завршени 56 локални патишта во 40 општини со вкупна должина од 129 километри во вредност од 10 милиони евра. До крајот на годината е планирано да се завршат уште 63 патишта во 44 општини со вкупна должина од 132 километра и вредност од 11 милиони евра.