Ова е новата Volkswagen Buba во кабриолет верзија!

До саемот во L.A., кој почнува на крајот од ноември, остана уште многу време, толку многу што Volkswagen не можеше да причека, при што ги објави првите официјани фотографии за кабриолет верзијата Buba.

Не сме изненадени што новата Buba кабриолет ја следи истата формула видена како и кај својот претходник, комбинација од ретро стил со кров традиционално сместен позади задните седишта.

Volkswagen изјави дека со подигнат кров изгледа на првата генерација на Buba. Спуштањето на кровот трае 10 секунди и може да се спушти до брзина на возење од 48km/h.

На основниот модел ќе се најде 1.2 – литарски TSI со 104 КС, а останатите бензиски мотори ќе бидат понудени со 1.4 – литарски и 2.0  TSI со 158, односно со 197 КС.
Кога станува збор за дизелскиот агрегат, купувачите може да бираат помеѓу 1.6 – литарски и 2.0 литарски TDI со 103, односно 138 КС.
Advertisements

Зголемена продажбата на автомобили во САД во септември

Производителите на автомобили „Тојота“ и „Крајслер“ во септември забележаа солиден успех во САД, додека нивните конкуренти „Џенерал моторс“ (ГМ) и „Форд“ соопштуваат за мал раст на продажбата, иако вкупната прогноза во автомобилската индустрија делува позитивно.

ГМ го евидентираше најуспешниот септември од 2008 година, со раст на продажбата од скромни 1,5 отсто или 210.245 возила, пренесоа светските агенции.

-Продажбата на автомобили и натаму е светла точка во американската економија, што е особено добра вест за ГМ, бидејќи во 2013 и 2014 година ќе исфрлиме повеќе нови производи, рече шефот за продажба во ГМ во САД, Курт Мекнили.

ГМ наведува дека „ агресивно работи на замената на постојните возила со модели со подобар дизајн, повеќе технологија и поекономична потрошувачка“, што значи дека оваа и следната година дури 70 отсто од неговите модели ќе бидат нови или редизајнирани.

„Крајслер“, исто така, очекува добри резултати, откако продажбата во септември беше зголемена за 12 отсто, на 142.041 возило, од што продажбата на автомобили нараснала за 27 отсто, а на камионите за шест отсто.

„Тојота“ наведе дека продажбата во септември им нараснала за 42 отсто, на 171.910 возила.

„Форд“ евиденира пад на продажбата од 0,1 отсто на 174.976 возила, бидејќи продажбата на камиони им се смали за осум отсто, иако вториот по големина американски производител на автомобили го истакна фактот дека продажбата на нивните мали автомобили нараснала за 73 отсто, или на највисокото ниво во последната деценија.

„Фолксваген“ ја зголемил добивката по агресивното ширење на американскиот пазар, со раст на продажбата од 34 отсто, на 36.663 возила во септември.

Извор: www.kurir.mk

Замрзнато ветробранско стакло? Volkswagen има решение!

Volkswagen развива нова технологија која треба да го го спречи замрзнувањето на ветробранското стакло – технологија наречена Low-E Coating…

VW групацијата заедно со Институтот за површинска технологија развива нова технологија наречена Low-E Coatting која претставува тенок премаз од индиум оксид, кој го спречува замрзнувањето и замаглувањето на ветробранското стакло. Oвој премаз би требало да спречува замрзнување на ветробранските стакла до темпертаури од -18 целзиусови степени.
Директорот на VW Thomas Drescher изјави дека овој премаз не може да ја спречи кондензацијата и замрзнувањето на ветробранското стакло на неодредено време, но сепак може многу да го ограничи тој процес.
Сепак, и ова револуционерно решеније има свои недостатоци, на пример е тоа што Low-E Coatting го блокира приемот на сигнали од мобилните мрежи. Доколку VW најде решение и за овој проблем, со сигурност може да кежеме дека Low-E Coatting ќе биде едно од најпрактичните решенија за замрзнатите ветробрански стакла и еден вид ново револуционерно решение во автоиндустријата.

Извор: koli.com.mk

FORD FOCUS Е НАЈПРОДАВАН АВТОМОБИЛ ВО СВЕТОТ ВО 2012 ГОДИНА

За седум месеци од годинава се продадени над 500.000 возила на планетава, со што е најдобар во овој период, а воедно со Focus е поврзан и друг клучен настан за Ford, излегувањето како 350-милионитиот произведен автомобил во историјата на компанијата.

Ford Focus е најпродаван автомобил во светот за 2012 година, надминувајќи ги и најголемите конкуренти во компактната класа. Над 500.000 автомобили од моделот Focus се продадени од јануари до јули, што секако претставува историски успех за компанијата чиј заштитен знак е синиот овал. Како досега течат работите мошне реално е да бидат надминати рекордните 860.000 продадени автомобили Focus минатата година. Всушност Ford продал точно 522.821 автомобили Focus за првите 7 месеци од 2012 година и ги надминува остварувањата за истиот период на Toyota Corolla и Volkswagen Golf.

Со Focus е поврзан и друг клучен настан за Ford, 350-милионитиот произведен автомобил во историјата на компанијата.

-Размислете подетално на момент, за бројката од 350 милиони автомобили, изјави Џон Флеминг, извршен потпретседател за глобално производство во Ford, по повод овој миг. -Тоа е еднакво на производство на еден автомобил на секои 10 секунди во текот на 109 години, и ако овие автомобили се ставаат еден зад друг ќе стигнат до месечината и назад, и тоа два пати!

Ford Focus се појавува за прв пат во Европа во 1998 година, а во 1999 година ја освои наградата Автомобил на годината. Оваа, трета генерација на компактниот модел, претставена минатата година, дизајнирана е со поинаков пристап, со голем број врвни технологии и карактеристики. Во Европа новиот Focus е достапен со 4 и 5 врати и караванска изведба. Оваа година Ford го претстави Focus ST со 250 КЅ. Треба да се напомене посебно дека во Европа се нуди новиот Focus со 1.0-литарски EcoBoost бензински мотор, прогласен за Светски мотор на 2012 година. Првиот целосно електричен патнички автомобил на Ford – Focus Electric со нулта емисија, ќе се нуди во 2013 година.

Извор: Avto +

НОВИОТ GOLF VII – ВНАТРЕШНОСТ

Ова се првите официјални видеа од новиот Golf VII. Се надеваме дека наскоро ќе видиме и нешто во живо. 

Погледнете го видеото за Volkswagen Golf VII…

Извор: Avto+

Како изгледа новиот Volkswagen Golf 7

На посебна манифестација организирана во Берлин специјално за него, Volkswagen ја претстави новата, седма по ред генерација на Golf.

 

Под мотото „Клучот за перфекцијата”, новата генерација на Golf блесна со сите свои атрибути пред многубројните присутни гости во берлинскиот национален музеј на уметностите. Дизајнот, како што знаевме, му е еволутивен, со јасна порака дека продолжува по стапките на досегашните шест генерации, кои за 38 години се продадоа во повеќе од 29 милиони примероци. Поставен на модуларната MQB платформа, Golf VII е долг 4.255, широк 1.799 и висок 1.452 mm, што значи дека е за 56 mm подолг, за 13 поширок и за 28 милиметри понизок од сегашната генерација. Меѓуоскиното растојание му е зголемено за 59 mm и сега изнесува 2.637 милиметри, а за 8, односно 6 mm се зголемени и трагите на тркалата напред и назад, од што директно профитираат просторот во кабината и багажникот, кој сега е поголем за 30 литри и располага со вкупно 380 dm³. При самото проектирање на возилото многу се внимавало на тежината, која со бројни мерки е намалена и до 100 kg во однос на сегашната генерација. Како директен резултат на тоа, потрошувачката на гориво која во просек е намалена за 13,9%, кај некои моторни верзии е помала за скоро четвртина.

Сега засега, од дизел моторите на располагање ќе бидат 1,6 и 2,0 литарските TDi мотори со 105 и 150 KS, додека бензинската моторната понуда се состои од два TSi мотора, малиот 1,2 литарски со 85 KS и современиот 1,4 литарски со деактивација на цилиндрите и 140 KS, познат од Polo BlueGT, кој, спарен со седумстепен DSG менувач, ќе може да помине 100 km со само 4,8 литри, притоа испуштајќи 112 g CO₂ во атмосферата. Во блиска иднина моторната понуда ќе биде проширена со нови три и четирицилиндрични турбо бензински и дизел мотори, а веќе во 2013 година ќе започнат да се појавуваат и неговите еколошки верзии – со погон на природен гас, хибридни електрични.

Производството на новата генерација на Golf започна уште на почетокот на август во фабриките на Volkswagen во Волфсбург и Цвикау, заради тоа што веќе во ноември ќе се најде во продажба на големите европски пазари.

VOLKSWAGEN НОВИТЕТИ

VOLKSWAGEN ГО ПРЕТСТАВИ ЛЕБДЕЧКИОТ АВТОМОБИЛ.

Кога минатата година Volkswagen ги повикале своите купувачи да дадат некои идеи за дизајнот за идните автомобили, се претпоставувало дека меѓу предлозите ќе има и лебдечки автомобил, пишува Daily Mail.

Еден концепт, наречен´Hover Car’ односно лебдечки автомобил со своето презентациско видео го фасцинирал менаџментот на компанијата. Погледнете го видеото…