Компании од автомобилскиот сектор годинава ќе инвестираат во Македонија

Компании од автомобилскиот сектор во текот на првиот квартал од годинава ќе испратат свои претставници во Македонија за да се финализираат договорите за изградба на фабрики во земјава.

Дирекцијата за Технолошко индустриски зони изјавува дека ова е најавено на средбата на директорот на Дирекцијата Виктор Мизо за време на Automotive News World Congress, кој се одржува  во Детроит за време на  NAIAS – најголемиот автомобилски саем во Северна Америка… (прочитај повеќе)

Извор: www.press24.mk

Нема да ви се верува колку алкохол имал во крвта најпијаниот возач што го сопрела македонската полиција

Нема да ви се верува колку алкохол имал во крвта најпијаниот возач што го сопрела македонската полиција

За оваа година највисока количина на алкохол во крвта кај возач била откриена при контрола извршена од страна на полицијата на автопат… (прочитај повеќе)

Извор: www.press24.mk

Бензинот и дизелот поскапуваат од полноќ

Од полноќ ќе имаме повисоки цени на бензинот и дизелот.

Бензинот и дизелот поскапуваат од полноќ

Цените на бензините и на дизелот од ноќеска на полноќ се зголемуваат од еден до два денара, одлучи денеска Регулаторната комисија за енергетика.

Новата цена на ЕУРОСУПЕР БС – 95 ќе изнесува 82, а на ЕУРОСУПЕР БС-98 ќе биде 83,5 денари за литар. Еуродизелот ќе се продава за 72,00 денари за литар.

Зголемување има и кај малопродажната цена на екстра лесното масло за домаќинство за 0,50  денари. Тоа сега ќе чини 60,50 денари за литар. Се зголемува и цената на мазутот за 2,172 ден/кг.

Покачувањето се должи на зголемувањето на просечната цена на сурова нафта на светскиот пазар и на повисокиот курс на денарот во однос на доларот во изминатиот 14. дневен период.

 

Извор: www.press24.mk

Одронот на регионалниот пат Ресен-Стење се расчистуваше седум часа

Екипите на „Македонија пат“ седум часа го расчистувале одронот кај Сирхан…

Одронот на регионалниот пат Ресен-Стење се расчистуваше седум часа

Расчистувањето траеше седум часа, односно од 23 часот синоќа до 6 часот утрово, соопштија од Дирекцијата за заштита и спасување во Ресен.

Лавината од карпи и земја се срушила на еден километар од туристичкото одморалиште Отешево и ги зафатила двете коловозни ленти од рагионалниот пат,поради што патот бил непрооден цели десет часа.

Извор: www.press24.mk

Од полноќ бензинот ќе поевтини за 4,5 – дизелот за 1,5 денари

Од ноќеска по полноќ поевтинуваат бензинот и дизелот.

ЕУРОСУПЕР БС-95 и на ЕУРОСУПЕР БС-98 од полноќ ќе бидат поевтини за 4,50 денари за литар. ЕУРОСУПЕР БС-95 ќе чини 78,50 денари, а ЕУРОСУПЕР БС-98 пак 80,50 денари за литар.

ЕУРОДИЗЕЛ и Екстра лесното масло за домаќинство поевтинуваат за 1,50 денари односно дизелот ќе изнесува 72 денари, а Екстра лесното масло за домаќинство ќе лини 60,50 денари за литар.

 

Извор: www.press24.mk

Јанкулоска присуствуваше на пуштањето во употреба на новиот систем за полагање за возачка

Министерката за внатрешни работи Гордана Јанкулоска денеска присуствуваше на официјалното пуштање во употреба на новиот систем за полагање на теоретскиот дел од возачкиот испит во електронска форма, во Испитниот центар за полагање за возачка дозвола во Тетово.

Со новиот начин, потенцира Јанкулоска, бројот на комбинации на испитните прашања е речиси неограничен, односно има над еден милион од овие комбинации, а тоа значи дека секој кандидат полага различен тест.

– Исходот се дознава веднаш по завршувањето на испитот. Во изминатиот месец кандидатите имаа можност да се обучат за електронско полагање преку симулатор на нашата веб-страница. Се уште е рано за првите резултати, меѓутоа од информациите што ги добиваме од сите осум центри во Македонија каде што денеска започна овој начин на полагање повеќе се оние кои не го положиле отколку оние кои го положиле, што значи дека и самите авто-школи, но и кандидатите треба да посветат повеќе внимание на теоретскиот дел бидејќи нема тестови на кои одговорите треба само да се меморираат, туку секој тест е нова ситуација, изјави министерката за внатрешни работи.

До 31 декември 2013 година Законот предвидува можност оние кои не можат или не сакаат да го полагаат електронски да може тоа да го направат во печатена верзија. Но, и во овој случај, посочи Јанкулоска, генерирањето на прашањата ќе оди на новиот начин само што тие потоа ќе бидат испечатени и кандидатот ќе ги добие во писмена форма. И во овој случај, истакна, не ќе може да има повторување на прашањата како што е и во електронската форма.

Возачкиот испит во испитниот центар во Тетово денеска го полагаа 20 кандидати, а во Гостивар уште 12 лица кои полагаа на електронски начин за возачка дозвола.

Извор: www.press24.mk

Од ноќеска поевтинуваат ЕУРОСУПЕР 98 и Дизелот

Од ноќеска на полноќ, цената на ЕУРОСУПЕР БС-98 се намалува за половина денар. Цената на ЕУРОСУПЕР БС-95 останува иста, додека дизел горивото ќе поевтини за половина денар.

ЕУРОСУПЕР БС-98 ќе чини 84,50 денари за литар, додека дизел горивото 71,50. Цената на ЕУРОСУПЕР БС-95 ќе остане 83 денари за литар.

Намалувањето на цените на нафтените деривати е последица на пониската просечна цена на суровата нафта на светскиот пазар, но и на понискиот курс на денарот во однос на доларот во последниве 14 дена.

 

Извор: www.press24.mk

„Изградени и рехабилитирани 190 локални патишта – почната е изградба на околу 105“

Премиерот Никола Груевски денеска истакна дека заклучно со 2012 година изградени и рехабилитирани се 190 локални патишта во вкупна должина од 412 километри во вредност од 30 милиони евра, а отпочната е и изградба и рехабилитација на околу 105 локални патишта со вкупна должина од 216 километри во вредност од 20 милиони евра во 43 општини низ Македонија.

– Изградени се и рехабилитирани 15 регионални патишта во должина од 318 километри во вредност околу 50 милиони евра, а се работи на исти такви во должина од 72 километри и вредност од околу 11 милиони евра. Патот кон Порече кој е речиси завршен наскоро ќе биде пуштен во употреба, завршена е обиколницата кај Охрид, Куклиш-Банско веќе се заврши итн., посочи Груевски.

Тој истакна и дека стратегијата на Владата во првите години од времето откако ја добиле довербата на граѓаните, била главно фоксуирана на патишта кои најчесто се користат од граѓаните на Македонија и кои се дел од нивниот секојдневен живот.

– Тоа беа локалните и регионалните патишта. Во последниот период го враќаме фокусот на автопатиштата. Првата активност беше со патниот правец на Коридорот 10 и на автопатот Александар Македонски помеѓу Табановце и Куманово во должина од 7,62 километри каде што инвестиравме 15 милиони и 500 илјади евра и го завршивме тој дел од автопатот. Втората значајна работа беше обиколницата околу Скопје која што исто така е дел од овој автопат. Ова беше поголем зафат во кој што се инвестираа 125 милиони евра од кои околу стотина милиони евра се по изборите во 2006 година за автопатска делница долга околу 26 километри, рече Груевски.

Пред година и пол две, посочи тој, го завршивме тој дел и го пуштивме во употреба.

– Конечно неодамна по сите завршени подготовки, проекти обезбедување на финансирање, добивање и грант од ЕУ во износ од околу 40 милиони евра започнавме да ја градиме и последната делница на Коридорот 10 на автопатот Александар Македонски во должина од 28,2 километри, делница која што би рекол е најтешка односно најскапа затоа што има најнеповолна конфигурација на теренот во смисла на планини во смисла на изградба на тунели, мостови итн. и токму затоа и најскапа инвестиција и била оставена да се гради последна, истакна Груевски.

Тој рече дека износот кој што почнува веќе да се инвестира во оваа делница е 220 милиони евра и согласно договорот, планот и целиот вклучен аранжман кој што е во соработка со Европската банка за обнова и развој и со Европската комисија која даде грант од 40 милиони евра. Планот е, како што истакна, некаде до почетокот на 2016 година да заврши изградбата на оваа делница и се надевам дека оваа градба ќе си даде и свој придонес во нашата економија во градежниот сектор итн.

– Што се однесува до другите автопатишта пред изборите излеговме со ветување дека најпрвин ќе се обидеме да најдеме концесионер, а доколку не  успееме да најдеме ќе бараме други алтернативни патишта за реализација на проектот за Коридорот 8, патниот Коридор 8 од Крива Паланка до Куманово, од Гостивар до Струга и Охрид, односно албанска граница и од Миладиновци значи од Скопје во делот на Миладиновци до Штип односно Кочани и кога  го спомнав и патниот Коридор 8 да напоменам дека тука влегува делот од Куманово-Крива Паланка, посочи Груевски.

Така што како што најавивме, рече тој, подготвивме проекти за овие делници, за сите овие немаше проекти претходно, немаше ниту идеен, ниту основен  ниту главен проект.

– Инвестиравме значајни износи  подготвивме проекти земавме и консултант кој ни помагаше, меѓународен консултант за подготовка на тендерска документација за објавување на меѓународен тендер, за изградба односно за изнаоѓање концесионер кој што би ги градел овие патишта, предвидовме и значителна сума на субвенции од државата бидејќи бевме свесни дека бројот на возила во Македонија кои просечно месечно или годишно се движат по овие патишта е понизок од меѓународните стандарди кои се потребни проектот да стане исплатлив  од аспект на банкарски кредити, истакна Груевски.

За жал, потенцира премиерот, банките кои најчесто даваат ваков вид кредити на компании се откажаа од финансирање на овој проект иако се јавија голем број на компании да подигнат документација.

– Со оглед на тоа ние преминавме на втората резервната варијанта, а таа беше изнаоѓање на други начини да се изградат овие патишта и во моментов сме во разговори со различни страни за обезбедување на поддршка за изградба на овие автопатишта. Би сакале делумно да биде финансирано од буџетот делумно од надворешно финансирање. Но, останува да видиме што ќе се случи кога ќе ги завршиме разговорите, рече Груевски.

Извор: www.press24.mk

Камерите на МВР снимаат по улиците – фотографиите пристигнуваат на домашна адреса

 

Камерите на МВР од пуштањето во функција до денес регистрирале над 750 прекршоци по скопските улици, пишува Дневник. Од МВР за весникот велат дека засега сеуште не ги казнуваат несовесните возачи, туку на домашна адреса им испраќаат само фотографија од направениот прекршок и опомена. Весникот пишува дека целта на полицијата не е да ги казнува возачите туку да ја подигне нивната свест. Казни заедно со фотографиите според ифнрмациите на МВР ќе почнат да стигнаат од почетокот на наредната 2013 година.

Извор: press24.mk