Вимателно да се вози поради одрони.

Синоптичарите прогнозираатоблачно време со врнежи од дожд низ целава земја на места и до 20 литри на метар квадратен. Температурите ќе се движа до 15 Целзиусови степени.

Сообраќајот на сите магистрални и регионални патни правци низ државата се одвива без забрани, по влажни коловози поради врнежи од дожд во целата земја.

Поголема внимателност се препорачува на патните правци Дебар – Струга, Маврово – Дебар, Катланово – Велес и Демир Капија – Удово каде има почеста појава на одрони. Низ клисурите и на повеќето мостови долж речните текови има појава на утринска магла.

На магистралниот пат Катланово – Велес, каде се одвиваат работи за реконструкција на автопатот да се вози внимателно.

 

Извор: www.kanal5.com.mk

ЗА COLONIA + СО АВТО ШКОЛА “ТИ – ЛА” , PËR Colonia + Driving School “TI – LA”.

COLONIA + Ви нуди брзо и квалитетно оспособување на кандидати за возачи за АБ и М категорија на моторни возила, мотори и мопеди во соработка со Авто Школата “ТИ-ЛА” од Велес. Научете да возите во една од најстарите Авто Школи во Македонија по редовна цена од 8.999 денари. Во цената се вклучени: 36 часови обукапосредување за вадење на лекарско уверение,посредување за полагање на прва помошпомош при совладување и учење на тестовите… Возењето, освен исполнување на задоволството на единката од која потекнува ја поттикнува и потребата за извршување на секојдневните обврски. Пред почетокот на долгиот пат кој ќе го возите низ животот, се соочувате со предизвикот на тест со кој ќе докажете дека тој пат ќе го возите според одредени правила и според вашите можности. Тука доаѓа Авто Школата ТИ-ЛА” од Велес. Правилата ги обликуваат Вашите можности. Им даваат форма. Развојот на Вашите можности, преку професионални инструктори како што е Игор Чоков, достигнува степен каде слободно можете да се соочите со предизвиците на еден модерен возач. Професионалноста која е потребна да ја добиете, е и прашање на време – своевидно искуство. Но искуството што може да Ви го пренесе човек кој едноставно е посветен и специјализиран во однос на сообракајот, Ви овозможува секогаш да бидете чекор пред другите. Секако постои и можност за договор на одложено плаќање на 2 до 3 рати. За дополнителни информации Ви стојам на располагање.

**Донеси пријател (кандидат за возач), и добиј бесплатно користење на автомобил за полагање на полигон и градско возење кое изнесува 1000 ден.

Инструктор Игор Чоков,  сооб. тех. 072 274 034078 627 462043 239 373

е-mail:   chokov@macedonia.eu.org                                             cokov@yahoo.com

_____________________________________________________________________________________________

COLONIA+ Ju ofron stërvitje të shpejta kualitative kandidatëve për leje të vozitjës edhe atë kategoritë: A, B dhe M për automjete, motora dhe motoçiklistë në bashkëpunim me Auto Shkolla ”TI-LA” në Veles. Mësohuni të vozitni në njërën prej Auto Shkollave më të vjetrave në Maqedoni me çmim të rregullt prej8.999 denar. Në këtë çmim përfshihen: 36 orë trajnimndërmjetësimi për marrjen e një çartifikate mjekësorendërmjetësimi për marrjen e ndihmës së parëndihmë në të mësuarit dhe të nxënit teste… Vozitja, përveç takimeve me kënaqësinë e unitetit të origjinës inkurajon dhe kanë nevojë të kryejnë e obligimeve të përditshme. Para fillimit të udhëtimit të gjatë që do ta bëni gjatë jetës tuaj, ballafaqohi me sfida të testeve dhe do të tregoni se rrugën të cilën do ta vozitni do të jetë sipas rregullave të caktuara dhe opsionet tuaja. Këtu vjen Auto Shkolla “TI-LA” – Veles. Rregullat i formoni sipas mundësive tuaja.
U jepet formë: Zhvillohen aftësitë tuaja, përmes instruktorëve profesional siç është IGOR ÇOKOV, arrin nivel të lartë ku lirisht mund të ballafaqoheni me sfidant apo shofer modern. Profesionalizmi që është i nevojshëm për të marrë në pyetje është edhe koha, apo lloji i përvojës. Por përvojën që mund t’ju sjell një njëri është thjesht vendimtar dhe i specializuar në drejtim të trafikut. Ju lejon që gjithëmon të jeni një hap përpara të tjetëve. Sigurisht, egziston mundësia për marrëveshje lidhje me pagesën 2 deri në 3 kiste. Për informacione plotësuese jam në dispozicionin tuaj.

**Sillni një mik tuaj (kandidat për lejen e vozitës) dhe merr pa pagesë përdorim të automobilit, kalim në poligon (shumëkëndësh) dhe vozitje nëpër qytet e cila kushton 1000 denar.

Instruktor Igor Çokov  tek.trafiku tel.072- 274-034, 078-627-462, 043-239-373

e-mail: chokov@macedonia.eu.org                                                cokov@yahoo.com

Извор: INFO COLONIA +

За 6 отсто намален бројот на повредени и загинати во сообраќајки

Годинава постои сосема благо намалување на жртвите од сообраќајни несреќи, но тоа не смее да биде причина за опуштање и убедување дека состојбите во сообраќајот се добри. Напротив состојбите се загружувачки, истакна министерката за внатрешни работи Гордана Јанкулоска на денешното панел советување по повод Светскиот ден за сеќавање на жртвите од сообраќајни несреќи.

– Бројот на поврдени и загинати лица на патиштата во Република Македонија  годинава е за шест отсто помал во однос на лани. Во изминатите девет месеци бројот на сообраќајни незгоди во кои имало повредени лица изнесува 3.069, а 100 учесници во сообраќајот го загубиле животот, за разлика од истиот период минатата година кога во 3.261 незгода загинале 113 лица, рече Јанкулоска.

Активностите што Министерството ги презема во континуитет, според неа, барем во еден дел придонеле за намалување на жртвите во сообраќајот, односно за подобрување на состојбите. Денешниот ден, додаде, е посветен на нашата должност постојано, упорно и сеопфатено да се трудиме да ги минимализираме шансите за таквите ненадоместливи загуби.

– Сите ние како учесници во сообраќајот без разлика во која улога се наоѓаме за време на нашето учество треба да се однесуваме совесно, да ги почитуваме правилата и прописите со цел да дадеме сопствен придонес сообраќајот да биде побезбеден, бидејќи тоа е еден неизбежен дел од нашето секојдневно живеење, нагласи министерката.

Јанкулоска информира дека Владата презема активности за воведување на европскиот телефонски број 112 и очекува дека практичното воведување на линијата ќе биде наскоро. Направена е физибилити студија, лоцирани се центрите, Скопје, Прилеп и Штип од каде оперативно ќе се покрива целата територија на Република Македонија, а поставени се и рамките за практично воведување на линијата.

– Верувам дека со новиот систем поврзан со бројот 112 уште повеќе ќе се засили институционалната ажурност и ефикасност во дејствувањето. Според својата оперативно-техничка поставеност 112 ќе има далеку поквлаитетни перформанси во поглед на комуникациската достапност, идентификација на локацијата, однсоно местото на настанот, се до динамичниот и брз одговор на повикот за помош, подвлече Јанкулоска.

Ресорниот министер најави дека и по стартувањето на линијата 112, бројот 192 ќе продолжи да функционира, бидејќи, како што рече, има определени известувања кои се однесуваат исклучиво на полициски работи.

– Секоја ситуација за која е потребна реакција на полицијата и други институции не спаѓа во делот на итните ситуации каде што е потребна координација на повеќе служби и брза и итна интервенција за што  ќе биде наменета линијата 112, појасни Јанкулоска.

Републичкиот совет за безбедност во сообраќајот (РСБСП), кој е и организатор на панел советувањето посветено на „Ефикасноста на системот за интервенции по сообраќајна несреќа, перспективи и функционалност на системот 112“, има мисија со сите можни механизми да работи на унапредување на безбедноста во сообраќајот на патиштата во Македонија, истакна претседателот Никола Ангеловски.

Во спомен на денот на жртвите од сообраќајни несреќи, тој рече дека одлучиле да разговараат за подобрување на мерките на интервенција непосредно по незгодата- мерката 7 препорачана во Националната стратегија.

– Мерката 7.1 бара подобрување на мерките за интервенци непосредно по незгодата преку едукација за соодветно однесување на учесниците во сообраќајот по сообраќајна незгода преку пласирање информации во медиумите за неопходноста у начините на давање прва помош, едукација за прва помош во основните училишта, обука на сите учесници во сообраќајот заради подобрување на однесувањето по сообраќајни незгоди…, рече Ангеловски.

Втора важна област, според него, е брза и ефикасна пристапност на сите тела од центарот за итни повици 112 во областа на инцидентот.

 

 

Извор: www.kurir.mk

Казни за возење без зимска опрема од денес

Законската обврска за поседување зимска опрема во возилата стапува во сила од денес.

Од Авто Мото Сојузот на Македонија информираат дека обврската важи без оглед на моментната временска состојба. Под зимска опрема се подразбираат гуми за зимска употреба на погонските тркала, односно радиални пневматици на сите тркала или пневматици со летен профил, чија длабочина на шарата изнесува 4 мм, ако во возилото во приборот има синџири за погонски тркала, а за автобуси и товарни возила и лопата.

Законската обврска за носење зимска опрема во возилата ќе трае до 15 март следната година.

Извор: www.kurir.mk

Тојота тестира „паметни“ автомобили

Тојота моментално работи на системи кои драстично ќе ги намалат сообраќајните незгоди, и ќе овозможат автомобилите да комуницираат меѓу себе и со патиштата.

Автомобилите примаат информации од сензори и предаватели кои се инсталирани на улиците, за да се минимизира ризикот од сообраќајќи во ситуации како поминување на црвено светло, пешаци кои ја поминуваат улицата и слично. Се тестира и преносот на такви информации меѓу автомобилите.

Претставници на Тојота изјавија дека технологијата на „паметни“ автомобили ќе почне да се тестира на јапонските улици од 2014-та година. Слични тестирања се планираат во САД, иако за тоа нема никакви детали.

Сите производители на автомобили развиваат безбедносна технологија за да ја зголемат вредноста на автомобилите, особено на развиените пазари во САД, Европа и Јапонија.

Конкуренцијата на Тојота, Нисан, неодамна претстави автомобили кои биле доволно „паметни“ сами да сопрат, да се паркираат и да избегнат пешаци кои неочекувано ќе им се најдат на патот.

Од Тојота велат дека технологијата наскоро ќе биде достапна, но нема официјален датум, и се претпоставува дека ќе ја имаат луксузните модели Lexus.

Професорот на Универзитетот Парма, Алберто Броги, кој е и експерт за системи за интелигентен транспорт, вели дека идејата за автомобили без ризик за несреќа е „многу актуелна“ и дека веројатно ќе стигне на патиштата за неколку години.

Извор: www.on.net.mk

СОСТОЈБА НА ПАТИШТАТА ВО МАКЕДОНИЈА

СОСТОЈБА НА ПАТИШТАТА ВО МАКЕДОНИЈА

четврток, 8 ноември 2012 13:05:00

СОСТОЈБА ВО МАКЕДОНИЈА: Сообраќајот на сите магистрални и регионални патни правци низ државата се одвива без забрани, по наместа влажни коловози. ВНИМАТЕЛНО: Посебна внимателност на патните правци Дебар – Струга, Маврово – Дебар, Катланово – Велес и Демир Капија – Удово, каде можна е појава на одрони кои може да го попречат движењето на возачите. РАБОТА НА ПАТ: Г.Д. Гранит почнувајќи од 24.09.2012 изведува рехабилитација на магистралниот пат М-1 – делница Катланово-Велес. Сообраќајот од две коловозни ленти се пренасочува во една. Периодично сообраќајот се одвива во левата, а потоа во десната коловозна лента. ФРЕКВЕНЦИЈА: Интензитетот на сообраќај на патните правци надвор од градските средини е умерен. ГРАНИЧНИ ПРЕМИНИ: На граничните премини нема подолги задржувања за влез и за излез од државата.

Извор: www.amsmspi.mk/mk/sostojba.asp

СОСТОЈБА НА ПАТИШТАТА ВО МАКЕДОНИЈА

 

 

четврток, 1 ноември 2012 09:41:39
СОСТОЈБА ВО МАКЕДОНИЈА: Поради врнежите од дожд, сообраќајот на сите магистрални и регионални патни правци низ државата се одвива делумно забавено и по влажни коловози ВНИМАТЕЛНО: Посебна внимателност на патните правци Дебар – Струга, Маврово – Дебар, Катланово – Велес и Демир Капија – Удово, каде можна е појава на одрони кои може да го попречат движењето на возачите. РАБОТА НА ПАТ: Г.Д. Гранит почнувајќи од 24.09.2012 изведува рехабилитација на магистралниот пат М-1 – делница Катланово-Велес. Сообраќајот од две коловозни ленти се пренасочува во една. Периодично сообраќајот се одвива во левата, а потоа во десната коловозна лента. ФРЕКВЕНЦИЈА: Интензитетот на сообраќај на патните правци надвор од градските средини е умерен. ГРАНИЧНИ ПРЕМИНИ: На граничните премини нема подолги задржувања за влез и за излез од државата.

 

Извор: www.amsmspi.mk/mk/sostojba.asp

И ПОКРАЈ ЗАДОВОЛИТЕЛНИОТ КВАЛИТЕТ НА МАКЕДОНСКИТЕ ГОРИВА…

ПОНИСКИТЕ ОКТАНИ ГИ ТРЕСАТ ВОЗИЛАТА

Експертите предупредуваат дека кај дизелот треба да се води посебно сметка, оти има летен и зимски дизел и при премините на сезоните во пролет и есен има најмногу хаварии кај возилата што го користат ова гориво.

Има ли Македонија квалитетен бензин и дали тој е изработен според европските стандарди? Задоволни ли се возачите од тоа како им работи возилото и дали согледуваат разлики кога патуваат во странство и користат бензин од други нафтени компании? Зошто напролет на многу дизел-автомобили им се случува хаварија, односно им се затнува филтерот и целиот довод на горивото? Дали дизелот во земјава е неквалитетен и не ги задоволува пропишаните стандарди? Ова се само дел од прашањата што ги поставуваат возачите, а одговорите ги побаравме од експертите.

Тие предупредуваат дека кај дизелот треба посебно да се води сметка оти има летен и зимски дизел и при премините на сезоните напролет и наесен има најмногу хаварии кај возилата што го користат ова гориво. Сепак, во автосервисите сметаат дека горивата што се точат на бензинските пумпи низ државата се квалитетни, бидејќи последниве години немале работа со дефекти на возила предизвикани од лош бензин или дизел, за разлика од пред неколку години, кога тоа масовно се случувало.

Нема возила со оштетен систем поради лош бензин.

Во сервисниот центар на АМСМ велат дека прават само редовни сервиси и годишно одржување на возила и немаат искуства со дефекти поради лош квалитет на горивата. Истото го кажуваат и во сервисниот центар на “Аутомакедонија”.
-Квалитетот на горивата во последниот период е подобрен. Немаме возила со оштетен систем на гориво поради лош бензин – вели директорот на сервисниот центар, Васко Младеновиќ.
Тој објаснува што се случува кога бензинот е со помалку октани од тие што се препорачани од производителот на автомобилот. Вели дека тогаш може да се јави поголема потрошувачка, тропање на вентилите или сецкање при возењето.
-Доаѓаат и возила со такви проблеми, но ние при прегледот пристапуваме многу аналитично и не сме ги поврзале со октаните на бензинот – додава Младеновиќ.

Поправки на возила со дефекти предизвикани од лош квалитет на гориво немале ниту во сервисот “Ауто Мазак”. Оттаму велат дека пред пет-шест години таквите случаи биле бројни, а сега квалитетот на горивото е далеку подобар, па дефектите предизвикани од него не се вредни ниту за споменување. Сопственикот на овој сервис, Александар Арсовски вели дека од неквалитетен бензин страдаат дизните, бош-пумпите, а можат да пукнат и црева, во зависност од тоа колку се агресивни додатоците во горивата. Поправките на ваквите возила чинат многу. Чистењето на резервоарот кое во некои случаи може успешно да се изврши чини 50 до 60 евра, додека за промена на дизните треба да се издвојат 400 до 600 евра, а за пумпата од две до три илјади евра. Арсовски потсетува на периодот пред пет-шест години кога имале многу работа со возила оштетени од неквалитетно гориво. Тој потсетува на случајот со “Пежо”, кои земале примероци од горивата на нашите бензински пумпи и кога констатирале дека квалитетот им е лош, престанале да примаат рекламации за новите возила поврзани со дефекти предизвикани од горивото. Арсовски го пренесува искуството на своите муштерии, кои кажувале дека автомобилот подобро им одел кога полнеле гориво во Грција. Тој вели дека тоа може да се поврзе со октаните и објаснува дека секогаш треба да се користи бензин со октанска вредност која ја пропишува производителот на возилото. Ако бензинот е со помалку октани, вели тој, тогаш моторот послабо работи, но разликата може да се види ако се вози на многу долги релации.
-Не може да се каже дека имаме горива со врвен квалитет, но сепак, тој е добар. Ако се појави дефект на возило поврзан со горивото, тогаш тој не е предизвикан од квалитетот, туку од чистотата, односно со тоа дали резервоарот на бензинската пумпа е чистен или не. Исто така, може да се случи нафтата, зиме, кога е многу ладно, да кристализира и да предизвика некои оштетувања – објаснува Арсовски.

Македонија со европски горива.

Од Министерството за економија потсетуваат дека во моментов за квалитетот на течните горива се применува Правилник за квалитет на течните горива кој е донесен во 2007 година и дополнет во 2008 година и е согласно европските стандарди и директиви.
Инспекцискиот надзор за тоа како се спроведува Правилникот го врши Државниот пазарен инспекторат согласно законската регулатива, додека квалитетот на нафтените деривати при увоз го контролира Царинската управа на Република Македонија.
-Утврдувањето на барањата за граничните вредности на квалитативните својства на течните горива се врши со лабораториска анализа во акредитирани лаборатории согласно бараните светски стандарди – велат од ресорното министерство.

Тие укажуваат дека согласно Законот за енергетика кој е донесен на почетокот на 2011 година, изготвена е Уредба за квалитет на течните горива за што веќе е спроведена јавна расправа. Според нив, Предлог-уредбата содржи и План за следење на квалитетот на нафтените деривати, со кој се утврдува обврската на трговците на големо и трговците на мало за следење на квалитетот на течните горива, посебно за летен и зимски период во зависност од продажбата на секој вид течно гориво.

Согласно последната Одлука за определување на највисоките малопродажни цени на нафтените деривати донесена од страна на Регулаторна комисија за енергетика, цената на Еуросупер БС 98 е за 1,5 денари повисока од цената на Еуросупер БС 95.
Од скопската рафинерија ОКТА предупредија дека земјава од извозник на нафтени дериватни, до 2016 година ќе стане увозник. Токму затоа тие предлагаат државата да направи независна лабораторија за да го контролира увозот на нафтените деривати. Од Економија укажуваат дека според Правилникот за нафтени деривати, со донесувањето на уредбата ќе се овозможи бараниот мониторинг.

Според професорот од Машинскиот факултет, Миле Димитровски, од пред пет години македонските стандарди за горивата се усогласени со оние на ЕУ.
-Октанскиот број не може драстично да влијае врз оперативноста на возилото, може само да опадне моќноста и да има повеќе издувни гасови – појаснува Димитровски.

Октанскиот број го покажува квалитетот на бензинот.

Октанскиот број го означува квалитетот на горивото за мотори со внатрешно согорување и ја покажува детонационата карактеристика на бензинот. Тој ни покажува колку може горивото да се компримира пред да се запали моторот.
Октанската вредност се определува спрема референтни горива и тоа:
– изооктан кој е отпорен на детонација и има октански број 100, и
– хептан кој е склон кон детонации и има октански број 0.
Бензин со октански број 95 се однесува како смеса од 95% изооктан и 5% хептан.
Октанскиот број е важен за работата на моторот и треба да се употребува гориво со препорачан октански број од производителот на возилото. Доколку се употребува гориво со помал октански број тоа би довело до предвремено палење на горивото, што ќе доведе до детонации во моторот, неправилна работа и губење на силата на моторот, а со тоа и до зголемена потрошувачка на гориво.

Кривични пријави за царинска измама и криумчарење.

Надлежните служби деновиве утврдија дека скопска компанија за преработка на нафта и нафтени деривати увезувала стока забранета за увоз. Против неа се поднесени кривични пријави за “царинска измама” и “криумчарење”, а се водат и прекршочни постапки за вкупно 561 записник за царински прекршок
Царинската управа и одзеде девет одобренија за поедноставени постапки на скопската компанија откако утврди дека сериозно ги прекршила царинските правила и прописи.
-Укинати се одобренијата за овластен примач, за локално царинење при увоз, за овластен испраќач и за локално царинење при извоз бидејќи компанијата не се придржувала кон одредбите од одобренијата и од Царинскиот закон, како и кон Уредбата за спроведување на Царинскиот закон – соопшти македонската царина. Од Царината информираат дека надлежните служби утврдиле дека компанијата увезувала стока забранета за увоз. Против неа се поднесени кривични пријави за “царинска измама” и “криумчарење”, а се водат и прекршочни постапки за вкупно 561 записник за царински прекршок.
Според Царинската управа, компанијата скоро цела година работела без потврди за општа гаранција за транзитна постапка и не ги доставувала сите потребни документи веднаш, или најдоцна до наредниот работен ден што претставува грубо кршење на царинските прописи.
Во соопштението на Царината се препознаа од компанијата ОКТА од каде вчера во допис до медиумите искажаа реакција на одлуката на Царинската управа. Оттаму истакнаа дека одлуката на Царината во целост е неоснована и неоправдана, и нивното донесување значително ќе влијае на нормалното снабдување со нафтени деривати на локалниот и косовскиот пазар. Одлуката, велат од ОКТА, ќе создаде и сериозни проблеми во енергетскиот биланс на двете земји.
-Аргументите во овие одлуки се неиздржани и не се докажани, поради што ќе ги искористиме сите правни средства во рамките на управната и судската постапка, за докажување дека истите се неточни – тврдат од ОКТА. Тие нагласуваат дека донесувањето на наведените одлуки ќе предизвика сериозни логистички проблеми. Рафинеријата ќе вложи напори да продолжи со сите потребни активности за нормално и непречено снабдување со нафтени деривати на пазарот.

Извор: www.vecer.com.mk

СОСТОЈБА НА ПАТИШТАТА ВО МАКЕДОНИЈА

 

среда, 17 октомври 2012 19:30:00

СОСТОЈБА ВО МАКЕДОНИЈА: Сообраќајот на сите магистрални и регионални патни правци низ државата се одвива непречено, по наместа влажни коловози. ВНИМАТЕЛНО: Посебна внимателност на патните правци Дебар – Струга, Маврово – Дебар, Катланово – Велес и Демир Капија – Удово, каде е можна појава на одрони кои може да го попречат движењето на возачите. РАБОТА НА ПАТ: Г.Д. Гранит известува дека од ден 24.09.2012 (понеделник) започнува рехабилитација на магистралниот пат М-1 – делница Катланово-Велес. Сообраќајот од две коловозни ленти ќе се пренасочи во една. Периодично сообраќајот ќе се одвива во левата, а потоа во десната коловозна лента. ФРЕКВЕНЦИЈА: Интензитетот на сообраќај на патните правци надвор од градските средини е умерен. ГРАНИЧНИ ПРЕМИНИ: На граничните премини нема подолги задржувања за влез и за излез од државата.

 

Извор: www.amsmspi.mk/mk/sostojba.asp