ПЕДРОСА ПОВТОРНО ВО ИГРА ЗА ТИТУЛАТА

Шпанецот Дани Педроса Repsol Honda тимот ја оствари четвртата победа сезонава, откако победи на трката за Големата награда на Арагон, 14 рунда од светскиот шампионат во MotoGP. Педроса на тој начин ја намали предноста на сонародникот и лидер во генералниот пласман Хорхе Лоренцо од Yamaha, кој остана втор во Арагон. Како трет на целта и подиумот се најде Италијанецот Андреа Девициозо од Monster Yamaha Tech 3.

Лоренцо стартуваше од пол позицијата и имаше предност пред Педроса, кој го следеше во чекор. Педроса неколку круга по ред постојано правеше притисок врз сонародникот, по што успеа да го помине и да создаде предност од шест секунди до крајот. Андреа Довициозо го освои третото место успевајќи да се одбрани од агресивните напади на тимскиот колега Кал Крачлоу. Бен Спис од фабричкиот тим на Јамаха беше петти, додека Џонатан Риа кој го менува Стонер во Хонда, беше седми, зад Алваро Баутиста. Валентино Роси финишираше осми откако на стартот загуби неколку позиции поради контакт со Риа.

Лоренцо во моментов има 290 бода и секако е со најреални шанси да ја освои годинешнава круна. Педроса е на второто место, но сега со 33 бодови заостанување, а до крајот на сезоната има уште четири трки, па во игра се многу комбинации. По пауза од две седмици следните три трки се возат една по друга, во Јапонија на 14 октомври, Малезија – 21 октомври и во Австралија -28 октомври. Се очекува барем на дел од нив да вози и Кејси Стонер, со што би му помогнал на тимскиот колега да ја преземе титулата. Финалето на сезоната е на 11 ноември во Валенсија

Во натпреварувањето во Moto2  триумф на Пол Еспаргаро, пред Марк Маркез и Скот Рединг. Во генералниот пласман и натаму води Маркез со 258 бодови, пред Еспаргаро со 210 и Ианоне со 178 поени.

Во Мoto 3 во Арагон победа на Луис Салом, а на подиумот се најдоа Сандро Кортезе и Јонас Фолгер. Прв во генералниот пласман е Кортезе со 225, пред  Салом со 194 и Маверик Вињалес со 179 бодови.

Извор: www.avtoplus.mk

Advertisements

PARIS MOTOR SHOW 2012: НОВИТЕТИТЕ ОД HONDA

Главниот акцент на штандот на Honda на салонот во Париз е на целосно новата генерација на луксузниот теренец CR-V. Сериозен интерес се очекува да предизвика и верзијата за моделската 2013 на моделот CR-Z, кој е обновен со дизајн на екстериерот и ентериерот, а моќноста на хибридниот погон е зголемена.

Првите испораки на целосно новата Honda CR-V ќе бидат реализирани во есента оваа година. Автомобилот кој досега е продаден во над 5.000.000 единици од 1995 година па наваму, ќе се нуди со широк избор на агрегати, кои ќе се нудат во комбинација, како со систем за погон на сите четири, така и на две тркала. Товарниот простор на возилото е со капацитет од 589 литри, а ако се соборат седиштата, слободниот волумен може да биде зголемен до 1.648 литри или за 148 l повеќе во споредба со она кај претходникот. Она што посебно треба да се потенцира кај новата генерација на Honda CR-V се и оптимизирани аеродинамика, подобра изолација од вибрации и бучавост на каросеријата, стандардните системи за заштеда на гориво Idle-stop, Eco Assist и ECON Mode, како и изборот меѓу бензински и дизел мотор. Во опремата на овој модел ќе може да се вклучат адаптивен засилувач на управувачот, адаптибилен систем за погон на сите тркала, електронска стабилизирачка програма, систем за помош на поаѓање на угорници и друго. Новиот CR-V ќе се нуди со 2,0 i-VTEC погонски агрегат со максимална моќност од 155 КЅ и максимален вртежен момент од 192 Nm, а 2,2-литарски i-DTEC дизел мотор ветува 150 коњски сили и 350 Nm.

Honda CR-Z 2013 е со обновен дизајн на екстериерот и ентериерот, а моќноста на хибридниот систем е зголемена. На штандот на Honda на Sалонот во Париз се демонстрира исто така футуристички ev-ster, а компанијата ја одбележува и 40-годишнината од пазарнато лансирање на моделот Civic.

Извор: www.avtoplus.mk

Honda ќе ги рециклира ретките земјени метали во користените делови

Компаниите Honda и Japan Metals & Chemicals, заеднички објавија основање на првиот процес во светот кој ќе екстрахира ретки земјени метали од различни користени компоненти од производите на Honda. Треба да се напомне дека ова претставува масовен производствен процес во погон за рециклирање, а не експериментален процес.

Како дел од овој план, на крајот од овој месец, Honda и Japan Metals & Chemicals ќе започнат со екстракција на ретки земјени метали од користените никел-метал хибридни батерии собрани од хибридните Honda возила преку дилерската мрежа на компанијата во и надвор од Јапонија.

Honda применуваше топлотни третмани на никел-метал хибридните батерии и ги рециклираше остатоците кои содржат никел како суровина од нерѓосувачки чели. Сепак, успешната стабилизација на процесот во погонот на Japan Metals & Chemicals, овозможи екстракција на ретките земјени метали во масовен производствен процес со високо ниво на чистота.

Ново воспоставениот процес овозможува екстракција на повеќе од 80 проценти од ретките земјени метали кои се наоѓаат во користените никел-метла хибридни батерии. Honda ќе се стреми за повторна употреба на и екстрахираните ретки земјени метали не само од никел-метал хибридните батерии, туку и од поширок спектар на своите производи. Покрај тоа, Honda во иднина уште повеќе ќе ја прошири програмата за рециклирање на ретките земјени метали, затоа што новиот процес овозможува екстракција на овие метали од широк спектар на компоненти.

Со новиот процес, Honda продолжува со својата посветеност на обновливите извори. Honda беше првиот јапонски автомобилски производител кој започна продажба на рециклирани делови и компанија која започна да собира/рециклира филтри за масло и заменети браници.

Извор: AvtoPortal

НИЗ ИСТОРИЈАТА НА АВТОМОБИЛИТЕ

Улогата на автомобилите од минатото до денес е драстично променета. Ако порано автомобилот значел луксуз и симбол на статус, денес автомобилот е неопходна потреба.

Првиот јапонски автомобил кој е наменет за американски пазар е Honda Accord произведен во ноември 1982 година

Chevrolet Impala е еден од првите автомобили кои ги сруши светските рекорди на продажба во далечната 1965 година со продадени преку милион автомобили.

Првиот автомобил имал рачка наместо волан.

За активирање на воздушните пшерничиња се потребни 40 милисекунди по ударот.

Секој ден се произведуваат повеќе од 14 автомобили порше.

Најголемиот собраќаен  колапс се случил во 1980 година, на францускиот автопат Париз-Лион.

Колоната од автомобили била долга 180 километри.

Првата осигурителна полиса за автомобил била извадена во 1897 година во Масачусетс.

Бришачите за автомобил ги измислила жена.

Првиот автомобил, кој самостојно се движел е дело на Николас Кугнот, 1769 година. Автомобилот имал три тркала и мотор поставен во средина со казан за пареа. Автомобилот се движел со брзина од 6 километри на час и го користела француската војска за пренос на артилерија.

Кон крајот на 18 век Исак де Риваз дизајнирал уште неколку автомобили кои се движеле на пареа. Во 1807 Де Риваз конструирал мотор на внатрешно согорување кој користел кислород и водород за создавање енергија. Потоа користејќи го истиот мотор дизајнирал автомобил.

Извор: Fakulteti.mk