ПО НАЈАВАТА ДЕКА ГЕРМАНСКА КОМПАНИЈА ВО ВЕЛЕС ЌЕ ГРАДИ ФАБРИКА…

Советот на општината го вклучи алармот – подготвува локација.

Советот започна процедура за промена на планот и земјиштето од земјоделско да стане градежно. Со ова ќе се овозможат услови новите инвеститори непречено да дојдат и да инвестираат во Велес, вели Славчо Чадиев, претседател на Советот на општината

ПО НАЈАВАТА ДЕКА ГЕРМАНСКА КОМПАНИЈА ВО ВЕЛЕС ЌЕ ГРАДИ ФАБРИКА...

Владата најави изградба на германска фабрика од автомобилската индустрија во Велес, а општинските власти се растрчаа да подготват терен. Советот започна постапка за промена на Деталниот урбанистички план во индустриската зона Речани 2″, бидејќи таа локација, според инвеститорот, била најпривлечна.
– Советот започна процедура за промена на планот и земјиштето од земјоделско да стане градежно. Со ова ќе се овозможат услови идните инвеститори непречено да дојдат и да инвестираат во Велес. Наше е да им понудиме добри услови – вели Славчо Чадиев, претседател на Советот на општина Велес.

Веста за фабриката брзо се прошири во Велес. Граѓаните засега се претпазливи. Дел се сомневаат дека целата работа можеби е предизборен маркетинг. Сепак, сите се согласуваат во тоа дека на Велес, некогаш најразвиен индустриски центар, му е потребна ваква инвестиција.
– Слушнав и мислам дека е за поздравување. Најавуваат дека 600 луѓе ќе работат таму. Тоа е одличен број за да заживее градот. Ако се реализира тоа, ќе биде одлично, пред се за младиве. Нема да бараат работа во светот, туку ќе имаат шанса да се вработат – вели жител на Велес.

Овој и наредниот месец се клучни дали германскиот инвеститор ќе гради фабрика во Велес. Министерот за странски инвестиции, Веле Самак, изјави дека пречки засега нема. Изградба на фабрика во Велес е неговиот приоритет.
– Најизгледен проект ни е германска фирма од автомобилска индустрија која начелно го има избрано Велес како една од локации, иако не споредуваа со Србија и Бугарија, но јас се надевам дека до крајот на февруари ќе ги завршиме овие преговори и ќе донесеме и во Велес уште една гринфилд инвестиција – вели Самак.

Ако се реализираат најавите, изградбата на фабриката ќе чини 20 милиони евра. Таму ќе се вработат помеѓу 500 и 1000 лица.

Извор: www.vecer.com.mk

Advertisements

На повидок нова фабрика за делови на БМВ и Мерцедес во Велес

Фабрика за делови за БМВ и Мерцедес

Во Велес ќе се гради фабрика за делови за автомобилите на БМВ и мерцедес во што германскиот инвеститор ќе вложи 20 милиони евра и која ќе овозможи вработување на 600 лица во првата фаза.
– До крајот на февруари се надевам ќе завршиме со преговорите и ќе успееме и во Велес да донесеме една нова гринфилд инвестиција. Таму има доста квалификувана работна рака и градот има позадина на индустрија. Се надеваме дека ова ќе направи пресврт во уште еден град и регион надвор од Скопје. Тој проект мене лично ќе ми биде во фокусот следниве два месеци – изјави министерот за привлекување странски инвестиции, Веле Самак, во интервју за Сител телевизија.

Според Самак, инвестицијата ќе претставува комбинација од трудоинтезивно и високотехнолошко производство.
– Се работи за некој вид комбинација од она што го прави “Џонсон Контролс” во Скопје и дополнителни пластични, рачни обработки. На крајот, деловите генерално ќе влегуваат во луксузните германски брендови, начелно БМВ и мерцедес – изјави министерот Самак кој вели дека компанијата “Мерцедес” направила ревизија и дала одлична оценка за почетното производство на “Дрекслмајер” во Кавадарци.
Министерот 2012 ја сумираше како незапаметена година во Македонија во поглед на бројот на нови фабрики кои почнаа да се градат или веќе да произведуваат и најави дека има уште неколку проекти за кои во моментов нема индикации дека ќе бидат откажани, а ќе се објават во текот на оваа година.

Извор: www.vecer.com.mk

Ford развива мотор со девет и десет степенски менувач

Истата работа е и со автоматикот, само што кај нив не си ја уморувате раката. Нам можеби бројот на брзините одамна ни дојде преку глава, но не мислат исто и производителите на автомобили, па така седум и осум степенските автоматици веќе може да се пронајдат во Аudi, BMW, Lexus илиMercedes.

Но тоа не е крај на приказната, бидејќи ZF и Honda веќе работат на девет степенски автоматик, а на натпреваруварот во додавање на брзини им се придружија и Американците кои велат дека оптимален е бројот десет.

General Motors и Ford се здружија и со заеднички сили ќе развијат нови девет и десет степенски автоматик менувачи кој подоцна ќе ги вградат во своите возила. Проектот е моментално во фаза на дизајнирање и развој.

Извор: www.themen.mk

ФЕРАРИ ПО СТАПКИТЕ НА РЕНО И МЕРЦЕДЕС

Деновиве на сајтот на Ферари е објавено дека тимот веќе почнал со тестови на моторот за 2014 година. Лука Мраморини, шефот на одделот за мотори и електрониката вели дека неговиот тим добро напредува со својата работа на сите мотори, почнувајќи од оваа сезона, за следната, како и новите турбо В6 мотори.
Другите производители на Ф1 мотори, Рено и Мерцедес, се верува дека веќе ги имаат започнато тестовите на нивните нови В6 мотори. За разлика од нив судбината на независниот снабдувач PURE останува неизвесна, откако компанијата го стопираше развојот на нивниот мотор претходно овој месец, поради тешкотии во финансирањето. Исто така не е јасно дали или не Косворт ќе изберат да инвестираат во скапиот развој на мотор за 2014 година.

Извор: mkformula1

MERCEDES ПОДГОТВУВА СКУЛПТУРА НА СЛЕДНАТА S-КЛАСА ЗА ПАРИЗ.

Иако имаше најави дека ќе биде претставен на специјална презентација и можеби во Париз ќе ја видиме концептната верзија, перјаницата на компанијата ќе биде прикажана најверојатно во Кина, следната година.

По се изгледа дека следната генерација на Mercedes S-класа нема да биде откриена оваа година. Најпрестижната лимузина од гамата на компанијата ќе биде прикажана најверојатно во Кина, на Салонот во Шангај, во 2013 година. Сепак, од Mercedes велат дека ќе ја покажат новата форма на моделот, познат со тајното име W222, во вид на скулптура Aesthetics S и со посебна проекција на автомобилскиот салон во Париз кон крајот на септември.

Ова не е прв пат, во кој германскиот гигант загатва за дизајнот на иден модел. Во 2010 година компанијата направи ваква презентација со глинена скулптура во реални димензии на втората генерација CLS.

Извор: Авто+