Произведувачите на автомобили во последно време се почесто ги рекламираат своите возила, истакнувајќи ја малата потрошувачка, која ја остваруваат нивните модели… (прочитај повеќе)
Извор: www.visokioktani.mk
Tag Archives: News
Нема да ви се верува колку алкохол имал во крвта најпијаниот возач што го сопрела македонската полиција
За оваа година највисока количина на алкохол во крвта кај возач била откриена при контрола извршена од страна на полицијата на автопат… (прочитај повеќе)
Извор: www.press24.mk
Задолжителни Налепници за регистрирано возило
Од почетокот на годинава почна со примена на Правилникот за поставување на налепница за извршена регистрација на возилата.
Од Министерството за внатрешни работи соопштуваат дека тоа значи дека секое ново регистрирано возило од 1-ви јануари добива налепница за извршена регистрација која задолжително треба да се залепи на внатрешна или надворешна страна на возилото… (прочитај повеќе)
Извор: www.novamakedonija.com.mk
Решение и за нестрпливите возачи – Семафор во вид на песочен часовник
За многумина, чекањето на семафор претставува една од најомразените работи. Но што ако процесот на чекање на зеленото светло би бил малку поинтересен?…
Дизајнерот Thanva Tivаwong излезе со интересно решение кое сигурно би било идеално решение за оние кои не сакаат да чекаат на семафор. Ова негово решение всушност претставува семафор во вид на песочен часовник, со помош на кој во секој момент знаете кога ќе се упали посакуваното зелено светло.
Ова уникатно решение би можело да помогне во побрз проток на возилата и да не се створаат гужви, што е и всушност идејата на овој концепт. Но секако ќе биде и злоупотребуван од „уличните тркачи“ кој со душа чекаат ваква нешто на улиците.
Иако, со ваков концепт, би можело да се јави истиот проблем како и во Македонија сега, кога возачите броејќи 7,6,5… не дочекуваат до 0, па тргнуваат порано.
Извор: koli.com.mk
Како функционира клима уредот во возилата?
AC или A/C е скратеница од Air Conditioning – широко познатиот термин за уредот кој служи за подесување температурата и влажноста на воздухот во кабината. Иако служи и за греење и ладење, главната намена секако е ладењето. …
Принципот на работа се заснова на способноста на разладниот флуид да прима и ослободува значајно количество на топлина, при промената на агрегатната состојба (од течна во гасна и обратно).
• Основен дел на клима уредот е компресорот, кој се покренува со ременскиот пренос и со електромагнетна спојка, преку коленестото вратило на моторот. Компресорот го компримира гасовитиот разладен медиум, при што му се зголемуваат притисокот и температурата.
• До 1994 година се користеше разладен медиум фреон R12 на база на флуоро-хлоро-јаглерод (CFC). Поради неговото лошо влијание на озонската обвивка, заменет е со еколошки поприфатлив медиум R134a, на база на хидро-флуоро-јаглерод (HFC).
• Гасовитиот разладен медиум се насочува во ладилникот, каде се кондензира (преоѓа од гасна во течна состојба) и отпушта топлина во околината, со помош на вентилатор.
• По излегувањето од ладилникот, кондензираниот разладен флуид поминува низ филтер, каде се задржуваат нечистотиите и влагата.
• Прочистениот разладен флуид, под висок притисок, доаѓа до експанзиониот вентил, каде притисокот и температурата драстично му се смалуваат, а температурата станува пониска од кабината.
• Следниот работен такт, односно процес на ладење на кабината: флуидот поминува низ испарувачот, каде преоѓа од течна во гасна состојба и истовремено ја превзема топлината од кабината. Тоа се случува со измена на топлината помеѓу ѕидот на испарувачот и околниот воздух.
• Воздухот разладен на ѕидовите на испарувачот се распрскува во кабината со електричен вентилатор и така се смалува температурата на воздухот во кабината на возилото.
• Влагата од воздухот, која се кондензира на ѕидовите од испарувачот, се одведува со специјални дренажни цевки.
• Разладниот уред станува климатизациски дури откако ќе се опреми со посебен греач. Најчесто се користи изменувач на топлина, кој ја користи топлината од моторот. Така во сите климатски услови може да се постигне оптимална температура и влажност на воздухот во кабината.
• Климатизациските уреди трошат енергија од моторот, првенствено за покренување на компресорот. Така, корисната сила на моторот се смалува за неколку проценти, а потрошувачката на гориво расте до половина литар на 100 km.
Извор: koli.com.mk
Наскоро нема да мораме да го миеме автомобилот?
А со тоа, ниту пак да поправаме гребаници…
Можеби звучи како научна фантастика, но научници од Технолошкиот универзитет во Ајндховен развиле “паметна” боја, која на сопствениците на автомобили значително би можела да им го олесни животот.
Имено, се работи за специјален додаток на бојата, кој овозможува “зарастување” на гребаниците – односно, доколку механичка сила ги раздвои молекулите на бојата, тие повторно се спојуваат. Како масло.
Поради овие својства, дури и најмал дожд би бил доволен за автомобилот да биде чист како штотуку да е миен од професионалци. Ваша работа е само да начекате дожд, и да го паркирате автомобилот на отворено.
Звучи предобро да биде вистина. Едвај ја чекаме комерцијализацијата на овој производ.
Извор: koli.com.mk
Италијанците се најлоши возачи во Европа
Покрај тоа што другите ги квалификуваат како такви, интересно е што во голем процент самите Италијанци се изгласале за најлоши возачи на Стариот Континент…
Во анкета спроведена во Велика Британија, во која учествувале 30.000 луѓе кои редовно патуваат низ Европа, ги изгласале Италијанците за најлоши и најпроблематични возачи во Европа, со 23.7%.
По нив, очекувано – проблематични насекаде, Грците, со 15.6%. Полјаците се трети – 14%.
Интересно е што дури 29% од анкетираните лица со Италијански пасош се изјасниле дека возачките способности и навики на Италијанците не се на задоволително ниво.
Еве ја комплетната листа:
Најлоши возачи, по националност:
1) Италијанци – 23.7 %
2) Грци – 15.6 %
3) Полјаци – 14 %
4) Германци – 7.9 %
5) Французи – 7.7 %
6) Холанѓани – 5.6 %
7) Шпанци – 5 %
8) Британци – 4.1 %
9) Белгијци – 3.9 %
10) Швеѓани – 2.7 %
11) Данци – 2.5 %
12) Швајцарци – 2.2 %
13) Норвежани – 1.9 %
14) Австријци – 1.6 %
15) Финци – 1.5 %
Извор: koli.com.mk
